2 Timoteo 2:12 - Indagano Inyaaya mu-Chijita

¹² Araabha echiigumiirisya, chiritunga aamwi nage. Araabha echimurema, omwene wone arichirema.

INDAGANO INYA:YA

¹² Cike:gumirisya, ciritunga aamwi nage. Cikamwiga:na, no Mwene arici:ga:na eswe.

2 Timoteo 2:12 ပူးပေါင်းရင်းမြစ်များ

Matayo 10:33

Nawe, omuunu woonewoone unu kaanyigaana imbere ya abhaanu, anye wone nirimwigaana imbere ya Raata waani unu ari mu‑rwire.

Matayo 26:35

Peetero ˆnaamusubhya ati, “Noorwo araabha jikeendwa nifwe aamwi na awe, anye nitarikwigaana wuri!” Abheeyigisibhwa abhandi bhoone, wone nibhaayika kutyokutyo.

Matayo 26:75

Niwo Peetero ˆneechuka emisango jinu Yeesu ꞉aamubhwiriiye ati, “Rikookorome richaari okukookoroma, owubha waanyigaanire kasatu.” Niwo, ˆnaawuruka anja, ˆnaamba okurira kwa obhusurumbaaye muno.

Mariko 10:33

ˆNaayika ati, “Ringira, echigenda Yerusareemu. Eyo niyo, anye Omwana wa Omuunu nirituurwa mu‑mabhoko ga abhakuru bha abhagabhisi na abheeyigisya bha ebhiraagiro bhya Muusa. Abho bharindamura ati niitwe. Ku‑bhuteero, bharintuura mu‑mabhoko ga abhaanu bhanu bhatari Bhayawudi.

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Ruuka 12:9

Nawe, omuunu woonewoone unu kaanyigaana imbere ya abhaanu, anye wone nirimwigaana imbere ya bhamaraayika bha Nyamuwanga.

Ruuka 22:29

Rwa kutyo Raata waani ꞉aanaaye anye obhukama, anye wone enibhayaana emwe obhukama.

Ruuka 22:30

Muriryaga na okunywa mu‑chikukuru ya obhukama bhwani na okwinyanja ku‑bhitebhe bhya obhutungi nimuramuraga jingʼanda ekumi na ebhiri ja Abhayisirayeeri.”

Ruuka 9:26

“Omuunu woonewoone unu arindorera jiswaro anye, na emisango jaani, anye Omwana wa Omuunu wone nirimurorera jiswaro, omwanya gunu nirisubha ku‑chaaro anu, niri mw‑ikusyo ryani, na erya Raata na erya bhamaraayika abheeru.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Barumi 5:17

Echibhiibhi cha omuunu umwi, ꞉chaakorere orufu rutunge abhaanu bhoone okutura omuunu umwi oyo. Nawe chimari woori, abhaanu bhoone bhanu abharamira echiyaanwa cha obhwitiriranya bhwa Nyamuwanga bhunu bhutari na indengo, abhabharwa okubha abharengeresi imbere ya Nyamuwanga. Abho bharitunga mu‑bhuwanga bhwa akajaanende koone, okutura ku‑umwi owundi urya, Yeesu Kirisito.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

Bafilipi 1:28

Ka wone enikena okuungwa ati, mutakuubhaya abhaanu bhanu abhabhareterera ebhinyaasyo noorwo na akatyari. Echo nicho echibharikisyo chinu echeeresya ati abheene abhaja mu‑kusingaarisibhwa, nawe emwe omuja mu‑kuchunguka. Ejo joone ni mirimu ja Nyamuwanga.

1 Timoteo 5:8

Nawe omuunu woonewoone unu atakusakira abhaanu bhaaye, chimwichimwi bharya bha mu‑musi gwaye, oyo kaabha asigire eriikirisya, ka wone, ni mubhiibhi okukira unu atari mwikirisya.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Obhusweruro 1:6

Achikorere okubha obhukama bhwa abhagabhisi korereki chikorere emirimu Nyamuwanga, Esemwene. Omwene ayaanwe rikusyo na obhuturo akajaanende koone! Jibhe kutyo.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 2:13

Anye enimenya ati, mwikaaye anu Syetaani atungire. Nawe omugenderera okwikirisya risiina ryani. Noorwo omwanya gurya omubhambaasi waani omwiyikanyibhwa Atipaasi, ꞉eetiiywe mu‑musi gwemwe gwa Perigaamo anu Syetaani eekaaye, ꞉mutaanyigaanire wuri.

Obhusweruro 20:4

Nejire neeya, nindora ebhitebhe bhya obhutungi bhinyanjirwe‑ko bhanu bhaariga bhayaaywe obhuturo bhwa okusoosya indamu. Abho, jaariga jiri emitima ja abhaanu bhanu ꞉bheetirwe isonga iri ati, ꞉bhaasoosiisye obhubhambaasi inguru ya Yeesu na okuraasya emisango ja Nyamuwanga. ꞉Bhataaramiisye rityanyi rirya noorwo risusano ryaryo. ꞉Bhateekirisiisye okutuurwa‑ko orunabho rwa rityanyi eryo ku‑bhisuusu bhyebhwe noorwo ku‑mabhoko geebhwe. Mbe abhaanu abho nibhasuuruka, nibhatunga aamwi na Kirisito emiguuga chiwumbi chimwi.

Obhusweruro 20:6

Obhusuuruko bhurya bhwa abhaana bha Nyamuwanga nibhwo obhusuuruko bhwa okwamba. Bhari na amabhando bhanu bharisuuruka mu‑bhusuuruko obhwo, ka wone nibho abheeru bha Nyamuwanga. Okubha okufwa kwa kabhiri kutaribha na amanaga inguru yeebhwe. Abho bharibha abhagabhisi bha Nyamuwanga na Kirisito, bharitunga aamwi nage ku‑mwanya ogwo gwa emiguuga chiwumbi chimwi.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.

Obhusweruro 3:21

Omuunu woonewoone unu ariyiga, nirimwikirisisya okwinyanja aamwi na anye ku‑chitebhe chaani cha ingʼoma, rwa kutyo anye wone ꞉naayigire, woori niinyanjire na Raata waani ku‑chitebhe chaaye cha ingʼoma.

Obhusweruro 3:8

Enimenya ebhikorwa bhyemwe. Mutegeresye! Anye naabheegurira orwigi na atari‑wo omuunu unu kaatura okurwigara. Enimenya ati muri na amanaga amatooto, nawe mugwatire ameeyigisyo gaani, noorwo ꞉muteegaanire risiina ryani.

Obhusweruro 5:10

Awe ꞉waakorere abhaanu abho, bhabhe obhukama bhwa abhagabhisi, bhakorere Nyamuwanga emirimu, wone bharitunga ku‑chaaro.”