2 Timoteo 1:9 - Indagano Inyaaya mu-Chijita

⁹ Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

INDAGANO INYA:YA

⁹ Niwe acikisisye, nambirikira okubirikira okweru, tari rwe bikorwa byeswe kutyo biri, nawe acibirikiye kurwo kukararira kwae omwene na kurwe cigongo cae, cinu aciyanire mu Kristo Yesu, amagoro na magoro gacari kubao,

2 Timoteo 1:9 ပူးပေါင်းရင်းမြစ်များ

Matayo 1:21

Ariibhura omwana wa echirume, na urimutoga Yeesu, kwa okubha oyo, niwe arichungura abhaanu bhaaye okusooka mu‑bhibhiibhi bhyebhwe.”

Ruuka 10:21

Omwanya ogwoogwo, Yeesu ˆnaakondererwa muno ku‑bhuturo bhwa Mwoyo Mweru. ˆNaayika ati, “Raata awe, Raatabhugenyi wa orwire na echaaro choone! Enikusiima kwa okubha, emisango jinu, ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera. Yee Raata, nikwo kutyo jaakukondera.”

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 17:9

Enisabhirwa abho, kwa okubha ni bhaanu bhaawo. Nitakusabhirwa abhaanu bha ku‑chaaro kunu, nawe enisabhirwa bhanu awe ꞉waanaaye.

Yowana 6:37

Abhaanu bhoone bhanu Raata kaanaana, bhariija kw‑anye na okunyikirisya. Anye nitakurema noorwo umwi unu kaaja kw‑anye.

Ebikorwa 15:18

na nijo ejoejo ꞉jaamenyekeene okusookerera kara.’”

Ebikorwa 2:47

enu nibhakusyaga Nyamuwanga na okwendwa na abhaanu bhoone. Bhuri rusuku Raatabhugenyi aagendereraga okuchungura abhandi, abheekirisya nibhagendereraga okwiyongesya.

Barumi 11:14

niniiyikanya ati, amwi okutura emirimu jaani ejo, Abhayisirayeeri bheejaasu bharyungwa obhwiro bhwa okubhona obhuchungusi rwa kutyo emwe ꞉mwabhubhwene, korereki abhaanu abharebhe mu‑bheene wone bhachunguke.

Barumi 11:29

Nyamuwanga aakasora abhaanu bhaaye na okubhayaana amabhando, atakutura kuyiinduka.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

Barumi 9:11

Omwanya gunu amarongo ago gaariga gachaari kwibhurwa, na bhunu gaariga gachaari okukora choonechoone cha ekisi amwi echibhiibhi, Nyamuwanga ˆnaabhwira Rebheka ati, “Omukuru arikorera emirimu omutooto.” Omusango ogwo ogweresya ati Nyamuwanga kaasora omuunu okuruubhana na obhutinge bhwaye, kutari kuruubhana na ebhikorwa bhya omuunu oyo, na obhutinge bhwaye obhutunga chinu chirikorekana.

Barumi 9:24

Abhaanu abho neeswe, bhanu ꞉aabhirikiiye. ꞉Ataabhirikiiye Abhayawudi era, tari noorwo bhanu bhatari Bhayawudi.

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

Baefeso 1:11

Nyamuwanga kaakora bhuri chiinu okwingana na obhukarariiye bhwa okwenda kwaye. Omwene ꞉aaramuuye okuchisora eswe Abhayawudi, chibhe abhaana bhaaye okusookerera kara ku‑njira ya Kirisito.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Baefeso 2:5

꞉aachiyaaye obhuwanga aamwi na Kirisito. ꞉Aakorere kutyo, noorwo kutyo chaariga chifuuwe echinyamwoyo inguru ya ebhibhiibhi bhyeswe. Nikwo kutyo chichunguuywe kwa obhwitiriranya bhwaye.

Baefeso 3:11

Nyamuwanga ꞉aakorere kutyo, okuruubhana na obhwira bhwaye bhwa akajaanende, bhunu ꞉aakuumisiisye mu‑Kirisito Yeesu Raatabhugenyi weeswe.

Bafilipi 3:14

Eniikomeesya okubhirima korereki ku‑bhuteero nibhone obhuyigi na okuyaanwa echiyaanwa. Echiyaanwa echo nibhwo obhubhirikisi bhwa Nyamuwanga bhwa okwingira mu‑rwire ku‑njira ya Kirisito Yeesu.

1 Batesalonika 4:7

Okubha Nyamuwanga ꞉ataachibhirikiiye korereki chikore obhujabhi, tari ꞉aachibhirikiiye chirame mu‑bhweru.

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

1 Petero 1:20

Echaaro noorwo chichaari okubhumbwa, Nyamuwanga omwene aariga aamarire okumwawura ku‑bhukarariiye obhwo. Nawe ˆnaarindirira okukingira jisiku ja obhuteero jinu, ˆnaamubhuurisya abhwerubhweru ku‑bhaanu bhoone. Ejo joone, ꞉jaakorekeene ku‑songa yeemwe.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

Obhusweruro 13:8

Abhaanu bhoone ku‑chaaro choone bhariramya rityanyi eryo, nawe abhaanu bhoone bhanu amasiina geebhwe gakaamirwe mu‑chitabho cha obhuwanga, okusookerera echaaro chichaari okubhumbwa bhataririramya. Echitabho echo ni cha Omwana wa Inaama unu ꞉aatemerwe omutwe.

Obhusweruro 17:8

Rityanyi rinu ꞉waarorere, ryariga riri aanga nawe woori ryafuuwe. Rityanyi eryo, riri yeeyi okusooka mu‑ryobho rinu ritari na obhuteero, korereki Nyamuwanga arisingaarisye. Abhaanu bhoone ku‑chaaro bhanu amasiina geebhwe ꞉gataakaamirwe mu‑chitabho cha obhuwanga echaaro chichaari okubhumbwa, bhariruguura aribha bhaarora rityanyi eryo ryariga riri‑wo, woori ritari‑wo na riribha‑wo rindi.”