2 Timoteo 1:7 - Indagano Inyaaya mu-Chijita

⁷ Kora kutyo, okubha Nyamuwanga ꞉ataachikorere okubha abhoobha, tari ꞉aachiyaaye amanaga, eryenda na okwiyingirira.

INDAGANO INYA:YA

⁷ Okuba Nyamuanga ataciyanire mwoyo gwo bu:ba, nawe ogwa managa no gwo kwenda, no gwo kwibaririra.

2 Timoteo 1:7 ပူးပေါင်းရင်းမြစ်များ

Ruuka 10:19

Mbe, mumenye ati, naabhayaaye obhuturo bhwa okuyiga amanaga goone ga omusoko oyo. Ku‑bhuturo obhwo, muribhaga nimutaja jinjoka na jinge, na chitari‑wo choonechoone chinu chiribhawutaasya wuri.

Ruuka 15:17

“Ku‑bhuteero, obhwenge bhwaye nibhwamba okumusubha‑mo, ˆneeyayikira omwene ati, ‘Abhakosi bha raata, bhari na ebhiryo bhyafu, abharya nibheeguta okukingira nibhisigara! Nawe anye anu enifwa na omweko.

Ruuka 24:49

“Woori muringire, enibhareetera Mwoyo Mweru rwa kutyo Raata waani aariga aragire. Nawe mwikare mu‑musi munu, okukingira omwanya gunu muriyaanwa obhuturo okusooka inguru mu‑rwire.”

Ruuka 8:35

Abhaanu nibhagenda okwirorera abheene emisango jinu ꞉jaakorekeene, nibhakinga ku‑Yeesu. Abhaanu abho bhejire bhaamukinga‑ko, nibhoobhaya muno okurora omuunu unu aariga awungirwe amasambwa maafu eenyanjire, afwaye emyenda na obhwenge bhwaye bhwone bhumuri‑mo.

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Ebikorwa 21:13

Nawe omwene ˆnaachisubhya ati, “Ni kurwa ki omurira, omwenda okunyita omwoyo. Niikirisiisye, kutari okubhoywa era Yerusareemu awo, tari noorwo okufwa inguru ya risiina rya Raatabhugenyi Yeesu.”

Ebikorwa 26:11

Omwanya omwafu, naaragiriraga ati, bhabhumwe mu‑nju joone ja ameekofyanyo, naabhasinyirisyaga bheefumirisye risiina rya Yeesu. Naabhasokaga muno, okukingira okubhayenja noorwo mu‑misi ja mu‑bhyaro ebhindi korereki nibhanyaasye.

Ebikorwa 26:25

Pawuro ˆnaamusubhya ati, “Ee Feesito wa echibharo, anye nitasarire. Emisango jinu enaayika ni ja echimari na ni ja obhwengeeso.

Ebikorwa 6:8

Tefwano oyo, Nyamuwanga aariga amuyaaye ribhando enene, na amanaga maafu. Nikwo okukora aakoraga ebhiruguusyo na ebhibharikisyo mu‑bhaanu.

Ebikorwa 9:22

Nawe Saawuri ˆnaagenderera okubhona obhuturo na okuruguusya Abhayawudi bhanu bhaariga bheekaaye Damaasiko, ˆnaabhakomeeresyaga kwa okweresya Ebhikaame Ebhyeru ati, Yeesu niwe Kirisito.

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

1 Bakorinto 2:4

Omwanya gunu naariga niniiyigisya na okuraasya, ꞉nitaakorere kutyo mu‑bhwengeeso bhwani, korereki nikongye abhaanu ku‑songa ya obhwengeeso. Tari amanaga ga Mwoyo Mweru nigo gaariga nigeeresya echimari.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Bakolosai 1:8

Epaafura ꞉aachibhwiriiye inguru ya eryenda ryemwe rinu erisooka ku‑Mwoyo Mweru.

Baeburania 2:15

Ka wone Yeesu ꞉aafuuwe, korereki ayaane obhwitaage abhaanu bhanu bhaariga bhari rwa bhagaya obhurame bhwebhwe bhwone, ku‑songa ya okuubhaya orufu.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Yoana 4:18

Omuunu unu ari na eryenda atari na obhuubha. Eryenda rya echimari, erisoosya‑wo obhuubha bhwone, kwa okubha indamu niyo eyikora abhaanu bhabhe na obhuubha. Omuunu woonewoone unu ari na obhuubha, eryenda richaari okukuumira mu‑mwoyo gwaye.