2 Timoteo 1:5 - Indagano Inyaaya mu-Chijita

⁵ Ka wone, eniichuka eriikirisya ryawo rya echimari. Eriikirisya eryo, aariga ari naryo kaka waanyu Royisi na nyakomwana Yewuniki. Woori, niri na obhwiyikanyo ati awe wone uri naryo.

INDAGANO INYA:YA

⁵ Eni:cuka okwikirisya kunu kutana burigerige kunu kuri mwawe, kunu kwatangatire mu kaka wanyu Loisi, na mu nyokomwana Eunike, ka nimenyere kata ati kuri mwawe one.

2 Timoteo 1:5 ပူးပေါင်းရင်းမြစ်များ

Yowana 1:47

Yeesu ejire aarora Natanayeri ˆnaamuujaga‑ko, ˆnaayika ati, “Ringira, oyo niwe Omuyisirayeeri wa echimari, unu atari‑mo bhurigerige bhwonebhwone.”

Ebikorwa 16:1

Pawuro ˆnaagenda mu‑misi ja Deeribhe na Risitura. Risitura eyo aariga ari‑wo omwiyigisibhwa umwi wa Yeesu, risiina ryaye aatogwaga Timoteewo. Nyiramwene aariga ari Omuyawudigasi, omwene aariga ari mwikirisya wa Yeesu, nawe esemwene aariga ari Muyunaani.

Ebikorwa 26:26

Omukama wone kaajimenya kisi. Niyo isonga enitura okwiyeresya kwa ribhaasi imbere yaaye. Gutari‑wo noorwo omusango gumwi gunu atamenyere, kwa okubha jaariga jitakukorekana mu‑mbisike.

Barumi 14:14

Okuruubhana na ameeyigisyo ga Raatabhugenyi Yeesu, enimenya chimari ati, bhitari‑wo ebhiryo bhyonebhyone ebhijabhi. Nawe araabha omuunu kaarora ati ebhiryo ebhirebhe ni bhijabhi, awo niwo ebhiryo ebhyo bhyabha ebhijabhi ku‑mwene.

Barumi 14:5

Omuunu umwi kaarora ati orusuku orurebhe ruri na obhugajuro okukira orusuku orundi, nawe omuunu owundi kaarora ati jisiku joone ejisusana. Bhuri muunu akorega gunu kaamenya chimari ati ni gwa kisi.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Barumi 4:21

kwa okubha ꞉aamenyere chimari ati Nyamuwanga kaatura okukora jinu ꞉aamuragire.

Barumi 8:38

Enimenya chimari ati chitari‑wo echiinu chinu echitura okuchitaaganya na eryenda rya Nyamuwanga. Nyamuwanga arigenderera okucheenda, chibhe chiri bhaanga amwi chifuuwe. Noorwo bhamaraayika, amwi abhatungi, amwi ebhibhumbwa bhya amanaga bhitakutura okuchitaaganya na eryenda ryaye. Noorwo emisango jinu ejikorekana ku‑mwanya gunu amwi ku‑mwanya gwa imbere, amwi choonechoone chinu chiri mu‑rwire amwi mu‑nyombe, amwi choonechoone ku‑chaaro anu, chitari‑wo echiinu chinu echitura okuchitaaganya na eryenda rya Nyamuwanga. Eryenda eryo arisweruuye kw‑iswe okutura ku‑Kirisito Yeesu, Raatabhugenyi weeswe.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

2 Timoteo 3:15

Okusookerera ku‑bhwana bhwawo owumenya Ebhikaame Ebhyeru. Ebhikaame ebhyo ebhikuyaana obhuturo bhwa okusombookerwa ati obhuchungusi obhubhonekana kwa okwikirisya Kirisito Yeesu.

Baeburania 11:13

Abhaanu abho bhoone, ꞉bhaagendereeye okubha na eriikirisya okukingira okumaama nyombe. ꞉Bhaamaamire nyombe bhachaari okubhona wuri jinu Nyamuwanga aariga abharagire, nawe bhaariga nibhajirora kura na okujikondererwa. Nibheekirisya ati abheene bhaariga bhari bhagenyi na abhayitingʼani ku‑chaaro kunu.

Baeburania 6:9

Abheendwa bhaani, noorwo kutyo naabhakaamira emisango emiruru, nawe nimenyere chimari ati omukora emisango ja ekisi jinu ejeeresya obhuchungusi bhwemwe.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,