2 Timoteo 1:3 - Indagano Inyaaya mu-Chijita

³ Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

INDAGANO INYA:YA

³ Enisi:ma Nyamuanga unu enikorera no mutima gwo bwana rwa basaja. Enikwicuka obuto:sa mu kusabwa kwani mu mwisi na mu ngeta,

2 Timoteo 1:3 ပူးပေါင်းရင်းမြစ်များ

Ruuka 2:37

ˆNaabha omutumbagasi, ˆnaakingira rikura rya miguuga makumi gataanu na gasatu na ena. Omugasi oyo, aasiibhaga mw‑Iyekaru, mwanya gundi aasabhwaga mu‑ngeta na mu‑mwisi kurya wuri.

Ebikorwa 22:3

“Anye niri Muyawudi. ꞉Neebhuriiywe mu‑musi gwa Taariso mu‑mukoowa gwa Kiriikiya, nawe ꞉naarereeywe Yerusareemu anuanu. Anye naariga niri mwiyigisibhwa wa Gamaryeri. Omwene ꞉aanyiyigisiisye okugwata ebhiraagiro bhinu ꞉chaasigiiywe na bhasaaja weeswe. Naariga niri na obhwikomeeresya muno ku‑Nyamuwanga, rwa kutyo emwe wone muri na obhwikomeeresya obhwo reero.

Ebikorwa 23:1

Pawuro ˆnaaringira nekeneke abhaanu bha mw‑ibharaja eryo, ˆnaabhabhwira ati, “Emwe abhayiri bhaasu, nikumisiisye emirimu jaani ku‑Nyamuwanga, omutima gwani ni mweru pee okukingira reero inu.”

Ebikorwa 24:14

“Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.

Ebikorwa 24:16

Kurwa ejo, eniikomeesya siku joone okubha na omutima omweru imbere ya Nyamuwanga na imbere ya abhaanu.

Ebikorwa 26:4

“Abhayawudi bhoone abhamenya kisi obhurame bhwani, kutyo ꞉neekaaye okwambira ku‑bhurera bhwani mu‑chaaro chaani na Yerusareemu erya.

Ebikorwa 27:23

Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

Barumi 9:1

Kirisito kaamenya ati chinu enaayika woori, ni chimari era. Noorwo omutima gwani gunu ogutangasibhwa na Mwoyo Mweru wone ogumbambaarira ati, nitakwayika orubheeyi.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Bagalatia 1:14

꞉Naayigire abheejaasu bhaafu bha rikura ryani kwa okurwanirira idiini yeeswe ya Echiyawudi. ꞉Neekomeesiisye muno okugwata obhusimukwa bhwa bhasaaja weeswe.

Baefeso 1:16

enigenderera okusiima Nyamuwanga inguru yeemwe na enigenderera okubhasabhirwa ku‑mwene.

1 Batesalonika 3:10

Echisabhwa Nyamuwanga muno bhuri rusuku, mu‑ngeta na mu‑mwisi ati, achisakire chibhagosorere. Echikena chibhugane na emwe, korereki chibhasakire anu eriikirisya ryemwe rigerukire.

1 Timoteo 1:19

Ugwatirire eriikirisya na okubha na omutima gwa ekisi. Abhaanu abhandi abhagaya okukora emisango jinu abhamenya ati ni chimari, eryo rikorere nibhasiga okwikirisya Nyamuwanga.

1 Timoteo 1:5

Obhukarariiye bhwa amaragiriro ago ni ati abheekirisya bheendane kwa omwoyo gwa ekisi, mu‑mutima mweru na mu‑riikirisya rya echimari.

1 Timoteo 5:5

Omutumbagasi wa echimari unu atari na omuunu wa okumusakira, oyo keeyikanya Nyamuwanga, kaamuramya na okusabhwa obhusakisi ku‑mwene mu‑ngeta na mu‑mwisi.

2 Timoteo 1:5

Ka wone, eniichuka eriikirisya ryawo rya echimari. Eriikirisya eryo, aariga ari naryo kaka waanyu Royisi na nyakomwana Yewuniki. Woori, niri na obhwiyikanyo ati awe wone uri naryo.

2 Timoteo 3:15

Okusookerera ku‑bhwana bhwawo owumenya Ebhikaame Ebhyeru. Ebhikaame ebhyo ebhikuyaana obhuturo bhwa okusombookerwa ati obhuchungusi obhubhonekana kwa okwikirisya Kirisito Yeesu.

Baeburania 13:8

Yeesu Kirisito atakuyinduka. Omwene ni wuryawurya, rigoro, reero, na kajaanende koone.