2 Petero 3:17 - Indagano Inyaaya mu-Chijita

¹⁷ Mbe, emwe abheendwa bhaani, mwamenyere emisango ja abheeyigisya bha orubheeyi abho. Kurwa ejo mutengeeje, korereki mwasiga okujigwa mu‑bhwengebhwenge bhwa abhakayi abho, nimugwa na okusiga okurumatana kwemwe.

INDAGANO INYA:YA

¹⁷ Mbe abendwa, banu mwatangatire okusombo:kerwa, mwikengega mwasiga kugegwagegwa no kuyaba kwa banyantongwa, nimugwa okuso:ka mu bukome:e bwemwe.

2 Petero 3:17 ပူးပေါင်းရင်းမြစ်များ

Matayo 16:11

Mbawo mutakusombookerwa ati jinu naabhabhwira jitari inguru ya emikaate? Mbe, jinu enaayika ni ati, mwikenge echifwimbya cha Abhafarisaayo na Abhasadukaayo.”

Matayo 16:6

Yeesu ˆnaabhabhwira ati, “Mwikenge echifwimbya cha Abhafarisaayo na Abhasadukaayo.”

Matayo 7:15

“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.

Yowana 16:4

Naabhabhwira emisango ejo, korereki omwanya ogwo aribha gwakinga, mwichuke jinu ꞉naabhabhwiriiye. “꞉Nitabhabhwiriiye ejo joone ku‑bhwambiro, kwa okubha naariga niri aamwi na emwe.

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

1 Bakorinto 10:12

Kutyo, unu keerora ati eemereeguuyu tiritiri mu‑riikirisya, eeyangarire, aasiga okugwa.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

Bagalatia 5:4

Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Bafilipi 3:2

Mwikenge abheeyigisya bhanu abhengisya ebhiraagiro bhya Echiyawudi mw‑ikanisa. Abhaanu abho bhari rwa jimbwa, ni abhakosi bha ebhibhiibhi, abhakomeeresya okutenda.

Bakolosai 2:5

Enaayika ejo noorwo kutyo nitari aamwi na emwe echinyamubhiri, nawe niri aamwi na emwe echinyamwoyo. Enikonderwa, kwa okubha enuungwa inguru ya obhumwi bhwemwe na okurumatana kwa eriikirisya ryemwe ku‑Kirisito.

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

2 Timoteo 4:15

Awe wone, wiikenge omuunu oyo, kwa okubha ꞉aayajeene muno na Emisango ja Ekisi jinu charaasyaga.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

1 Petero 5:9

Mbe, mureme Syetaani, murumatane mu‑kwikirisya Nyamuwanga. Mumenye ati, abheekirisya abheejaanyu ku‑chaaro choone, wone abhanyaaka rwa emwe.

2 Petero 2:7

ˆNaawonʼya Ruuti, omuunu omurengeresi, unu ꞉aasurumbasiibhwe muno na akatungiiywe ka orukubho ka abhaanu abhanyamusi bha emisi ejo.

2 Petero 3:1

Abheendwa bhaani, inyarubha inu ni ya kabhiri inu enibhakaamira. Ku‑nyarubha joone ebhiri niikomeesiisye okwimusya obhwiganirisya bhwemwe bhwa ekisi, ku‑njira ya okubheechukya.

Obhusweruro 2:5

Mwichuke kutyo mwariga muchaari okusiga eryenda ryemwe. Mukamara mute ebhibhiibhi bhyemwe, mukore rindi jinu mwariga nimukora omwanya gurya. Mukarema okuta, niribhaaja‑ko na okusoosya‑wo omutereko gwemwe gwa okutuura‑ko jidara.