2 Petero 3:14 - Indagano Inyaaya mu-Chijita

¹⁴ Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

INDAGANO INYA:YA

¹⁴ Mbe abendwa, okuba omurindirira ebyo, mukome:rega korereki abasange mu murembe mutariko ebara amwi mutariko esoro.

2 Petero 3:14 ပူးပေါင်းရင်းမြစ်များ

Matayo 24:26

Araabha abhaanu bhaakabhabhwira ati, ‘Ringira, Kirisito ari mw‑ibhara erya!’ mwasiga okugenda eyo. Amwi araabha bhaakabhabhwira ati, ‘Ringira, eeyibhisire mu‑nju omwo!’ mwasiga okubheekirisisya.

Matayo 25:7

Awoawo, abhayara abho bhoone nibheemuka, nibheeraabha jidara jeebhwe.

Ruuka 12:43

Rusuku rumwi, omwami waaye arisubha okusooka mu‑rugendo. Ari na ribhando omukosi unu omwami waaye arimusongʼana ˆnaakoraga rwa kutyo ꞉aamuragiriiye.

Ruuka 2:29

“Woori Raatabhugenyi, rwa kutyo ꞉waambwiriiye, nikwo kutyo jaakuumira. Woori ukaansigire anye omukosi waawo, nimaame kwa omurembe,

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

Bafilipi 1:10

korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

Bafilipi 2:15

Mukore kutyo, korereki mubhe abhaana bha Nyamuwanga bhanyamburwa esoro, bhanu bhatari na echikayo. Nyabhuriko, mubhe abhaana bhanu bhatakwayikwa kubhiibhi agatigati ya abhaanu bha riyimbo rinu riijuuye ebhibhiibhi na obhunyamuke. Agatigati yeebhwe, emwe mubhonekane rwa obhweru bhunu obhumirika mu‑chaaro.

Bafilipi 3:20

Nawe, eswe obhwikaro bhweswe ni mu‑rwire na echitegerera kwa obhwira obhunene Omuchungusi na Raatabhugenyi weeswe Yeesu Kirisito, aaje okusooka eyo.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

1 Timoteo 6:14

ni bhusibhusi ugayuke amaragiriro ganu okubha na esoro wuri, okukingira anu Raatabhugenyi weeswe Yeesu Kirisito arisubha.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

2 Petero 3:1

Abheendwa bhaani, inyarubha inu ni ya kabhiri inu enibhakaamira. Ku‑nyarubha joone ebhiri niikomeesiisye okwimusya obhwiganirisya bhwemwe bhwa ekisi, ku‑njira ya okubheechukya.

2 Petero 3:16

Ku‑nyarubha jaaye joone kaayikira emisango ejo. Jiri‑wo emisango ejindi jinu ni bhikomeeye okujisombookerwa ku‑nyarubha jaaye ejo. Emisango ejo, abhaanu bhanu bhatakusombookerwa na bhatarumateene mu‑riikirisya, abhajiyabhya, rwa kutyo abhayabhya Ebhikaame Ebhyeru ebhindi. Mu‑kukora kutyo, abheereterera okusingaarika.

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.