2 Petero 1:12 - Indagano Inyaaya mu-Chijita

¹² Kurwa ejo, nirigenderera okubheechukya emisango ejo siku joone, noorwo kutyo omujimenya na okwimaririra mu‑chimari chinu ꞉mweeyigiiye.

INDAGANO INYA:YA

¹² Nikwo enikora nimaririye kusiku okube:cukya ejo, nakabee mujimenyere, nimuruma mu kumasya kunu munakwo.

2 Petero 1:12 ပူးပေါင်းရင်းမြစ်များ

Ebikorwa 16:5

Kutyo nikwo abheekirisya ꞉bhaagendereeye okukomeera mu‑riikirisya. Obhukumi bhwebhwe bhwariga nibhwiyongesya bhuri rusuku.

Bafilipi 3:1

Mbe woori emwe abhayiri bhaani, mukonderwe muno mu‑kubha na obhumwi na Raatabhugenyi Yeesu! Emisango jinu ꞉naabhakaamiiye, nitakuyigwa okusubhira okubhakaamira rindi, kwa okubha ejibhareetera obhuriisi.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

Bakolosai 2:7

Mwimaririre mu‑mwene, mutuure obhurame bhwemwe mu‑mwene na okurumatana mu‑riikirisya rwa kutyo ꞉mweeyigiiye. Ka wone, mubhe abhaanu bhanu abhasiima Nyamuwanga bhuri mwanya.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

2 Timoteo 1:6

Niyo isonga, enikwichukya ati komeera okukorera emirimu echiyaanwa chinu Nyamuwanga ꞉aakuyaaye omwanya gunu ꞉naakutereeye‑ko amabhoko.

Baeburania 10:32

Nawe mwichuke jisiku jinu ꞉mwaambire okwikirisya Kirisito. Noorwo kutyo ꞉mwabhwene ebhinyaasyo bhyafu, nawe mwariga nimwigumiirisya ebhinyaasyo ebhyo.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

2 Petero 1:13

Enirora ati, ni bhusibhusi nibhe nimbechukya inguru ya emisango ejo, omwanya gwone gunu nichaaramire mu‑mubhiri gunu guri rwa echiwuuna.

2 Petero 1:15

Ka wone, niriikomeesya nikaame emisango ejo, korereki omwanya gunu niribhaga nifuuwe, mubhe nimujiichuka.

2 Petero 3:1

Abheendwa bhaani, inyarubha inu ni ya kabhiri inu enibhakaamira. Ku‑nyarubha joone ebhiri niikomeesiisye okwimusya obhwiganirisya bhwemwe bhwa ekisi, ku‑njira ya okubheechukya.

2 Petero 3:17

Mbe, emwe abheendwa bhaani, mwamenyere emisango ja abheeyigisya bha orubheeyi abho. Kurwa ejo mutengeeje, korereki mwasiga okujigwa mu‑bhwengebhwenge bhwa abhakayi abho, nimugwa na okusiga okurumatana kwemwe.

1 Yoana 2:21

Isonga ya okubhakaamira inyarubha inu, itari ati, mutakumenya echimari, tari kwa okubha muchimenyere. Ka wone ameeyigisyo goonegoone ga orubheeyi gatakusooka mu‑chimari.

2 Yoana 1:2

Echibheenda kwa okubha eswe na emwe, echimenya echimari chinu chiyigiiye, ka wone echigenderera okuchimenya akajaanende.

Yuuda 1:17

Nawe emwe abheendwa bhaani, mwichukega emisango jinu jitumwa ja Raatabhugenyi weeswe Yeesu Kirisito ꞉bhaayikire kara.

Yuuda 1:3

Abheendwa bhaani, neegombaga muno okubhakaamira inguru ya obhuchungusi bhunu echisangira aamwi bhoone. Nawe, woori enirora ati, ni bhusibhusi nibhakaamire inyarubha inu, korereki nibheerembeeresye ati, murwanirire echimari cha eriikirisya rinu Nyamuwanga ꞉aayaaye abheeru bhaaye rumwi era.

Yuuda 1:5

Noorwo kutyo mumenyere kisi ejo joone, enikena okubheechukya kutyo Raatabhugenyi ꞉aawoniisye Abhayisirayeeri okusooka mu‑chaaro cha Miisiri munu bhaariga nibhanyaaka, nawe ejire aamara ˆnaasingaarisya abhaanu bhanu ꞉bhaaremere okumwikirisya.