2 Petero 1:10 - Indagano Inyaaya mu-Chijita

¹⁰ Mbe, abhayiri bhaani, mwikomeesye muno okweresya chimari ati Nyamuwanga abhabhirikiiye na okubhasora. Araabha muramire ku‑njira eyo, mtariikuujura wuri.

INDAGANO INYA:YA

¹⁰ Mbe ba:na ba:su, mukome:rega muno okurumya okubirikirwa kwemwe no kusorwa kwemwe, okuba ejo mukajikora, mutari:ku:jura na katyari.

2 Petero 1:10 ပူးပေါင်းရင်းမြစ်များ

Matayo 22:14

Yeesu ˆnaamariisya kwa okwayika ati, “Abhaanu bhanu abhabhirikirwa okwingira mu‑bhukama bhwa mu‑rwire ni bhaafu, nawe bhanu bhasorerwe okwingira ni bhatyari.”

Barumi 11:29

Nyamuwanga aakasora abhaanu bhaaye na okubhayaana amabhando, atakutura kuyiinduka.

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

Baeburania 6:19

Chiri na obhwiyikanyo obhwo mu‑myoyo jeeswe, obhwene bhuri rwa inanga inu eyigwatirira ingarabha yaasiga okuyeywa. Obhwiyikanyo obhwo ni Yeesu, unu ꞉eengiiye Ayeeru a Ayeeru mu‑rwire eyo okutura mw‑ipajiya.

Yakobo 2:10

Omuunu woonewoone, akagayuka ebhiraagiro bhyone, nawe ˆnaanyamura echiraagiro chimwi, oyo kaabharwa ati, anyamuuwe bhyone.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 1:5

Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.

2 Petero 1:3

Nyamuwanga okutura ku‑bhuturo bhwaye, achiyaaye emisango joone jinu echikena, korereki chibhe na obhuwanga na chimuyaane echibharo. Achiyaaye ejo, ku‑njira ya okumumenya unu achibhirikiiye ku‑songa ya rikusyo na obhwa ekisi bhwaye omwene.

2 Petero 1:5

Ku‑songa ya ejo, mwikomeesye muno korereki eriikirisya ryemwe ryongesibhwe bhwa ekisi, bhwa ekisi obhwo bhwongesibhwe obhumenyi.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

2 Petero 3:17

Mbe, emwe abheendwa bhaani, mwamenyere emisango ja abheeyigisya bha orubheeyi abho. Kurwa ejo mutengeeje, korereki mwasiga okujigwa mu‑bhwengebhwenge bhwa abhakayi abho, nimugwa na okusiga okurumatana kwemwe.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.