2 Batesalonika 3:6 - Indagano Inyaaya mu-Chijita

⁶ Abhayiri bheeswe, echibharagirira kw‑isiina rya Raatabhugenyi Yeesu Kirisito ati, mwikenge na abhayiri bhoone abharenga, bhanu bhatakuruubha ameeyigisyo ganu ꞉chaabhayaaye.

INDAGANO INYA:YA

⁶ Ba:na ba:su, ecibakomeresya mwisi:na rya Ratabugenyi Yesu Kristo, ati, mwiyaurega ku wa:su wo:ne unu atakuribata kisi rwa jintungwa jinu mwayabirwe eswe.

2 Batesalonika 3:6 ပူးပေါင်းရင်းမြစ်များ

Matayo 18:17

Araabha akarema okubhoongwa, ugende ubhwire rikanisa. Araabha akarema okuungwa rikanisa, umurore wuti munyamanga amwi wuti mutobhesya wa rigooti.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

1 Bakorinto 11:2

Enibhakuuya kwa okubha omunyichuka ku‑misango joone, na omuruubha ameeyigisyo ganu ꞉naabheeyigisiisye.

1 Bakorinto 5:4

Omwanya gunu omwikofyanya kw‑isiina rya Raatabhugenyi weeswe Yeesu, anye enibhaga aamwi na emwe echinyamwoyo, na amanaga ga Raatabhugenyi weeswe Yeesu wone agabhaga aamwi na emwe.

1 Bakorinto 5:9

Ku‑nyarubha inu ꞉naabhakaamiiye, ꞉naabhabhwiriiye ati, mwasiga okusangira aamwi na abharomesi.

2 Bakorinto 2:10

Mukafwira echigongo omuunu oyo, anye wone enimufwira echigongo. Araabha guri‑wo omusango gunu enikenwa okumufwira echigongo, ndamufwiriiye echigongo imbere ya Kirisito inguru yeemwe,

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

1 Batesalonika 4:11

Mwikomeesye okubha na omurembe mu‑myoyo jeemwe. Bhuri muunu agenderere na jifurubhendo jaaye, ka wone akore emirimu jaaye omwene, rwa kutyo ꞉chaabharagiriiye ku‑bhwambiro.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

2 Batesalonika 2:15

Woori abhayiri bheeswe, murumatane kisi na okugwata ameeyigisyo ganu ꞉mwaramiiye, ku‑njira ya omusango gweswe gunu ꞉chaaraasiisye amwi ꞉chaabhakaamiiye ku‑nyarubha yeeswe.

2 Batesalonika 3:7

Echaayika kutyo kwa okubha, emwe mumenyere kutyo jeenderwe muruubhe jitungwa jeeswe. Eswe bhunu chaariga chiri aamwi na emwe chaariga chitari bharenga,

1 Timoteo 5:21

Enikuragirira imbere ya Nyamuwanga, imbere ya Kirisito Yeesu na imbere ya bhamaraayika abhasorwa ati, ukorega ejo, waasiga okwiwuta okusoosya indamu amwi okubha na isoroore ku‑rubhaara rumwi.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

2 Timoteo 3:5

Abhaanu abho anja abhabhonekana ati abheekara rwa kutyo Nyamuwanga keenda, nawe mu‑myoyo jeebhwe abheegaana amanaga ga Nyamuwanga ganu agatura okuyindura jitungwa jeebhwe. Ikenga na abhaanu bha jitungwa ja ejaabho ejo.

2 Timoteo 4:1

Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

2 Yoana 1:10

Mbe, omuunu woonewoone akaaja kw‑imwe unu atakwiyigisya echimari inguru ya Kirisito, mwasiga okumukuma mu‑misi jeemwe, ka wone mwasiga okumukeesya rwa omwikirisya oweejaanyu.