2 Batesalonika 3:2 - Indagano Inyaaya mu-Chijita

² Muchisabhirwe korereki Nyamuwanga achiwonʼye mu‑bhaanu abhajabhi na abha ebhibhiibhi, kwa okubha bhatari bhoone bhanu bheekirisiisye emisango ejo.

INDAGANO INYA:YA

² Neswe munsabirwe cionyibwe mu ba:nu abe:koti na banyamusi okuba batari bo:ne banu bari no kwikirisya.

2 Batesalonika 3:2 ပူးပေါင်းရင်းမြစ်များ

Matayo 17:17

Yeesu ˆnaayika ati, “Emwe muri bhaanu bha riyimbo rinu ritari na eriikirisya na rinu rinyamukire! Niribha na emwe okukingira rusuku ri? Niribheegumiirisya okukingira omwanya ki? Mureete omwana oyo anu!”

Matayo 23:23

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omugwata ebhiraagiro bhya okusoosya imwi ya rikumi noorwo ku‑bhiinu bhya obhurambu bhutooto muno, rwa omutootoji, ebhinjari na obhukaanu. Nawe, musigire emisango ja bhusibhusi muno ku‑bhiraagiro bhya Muusa. Musigire okukora rirenga, okubha na echigongo na okubha abheeyikanyibhwa ku‑Nyamuwanga na ku‑bhaanu abhandi. Tari omukenwa okukora joone ejo, eminene na emitooto.

Ruuka 18:8

Enibhabhwira ati, kaja okubhayaana rirenga rwebhwe bhwangwe. Nawe, anye Omwana wa Omuunu omwanya gunu nirisubha ku‑chaaro, angu nirisongʼana abhaanu bhachaanyikirisyaga?”

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 14:2

Nawe Abhayawudi abharebhe bhanu ꞉bhaaremere Yeesu, nibhaamba okukungirisya abhaanu abhandi bhanu bhatari Bhayawudi, korereki bhasoke abheekirisya abho.

Ebikorwa 17:5

Nawe ejo nijikora Abhayawudi bharebhe okubhona orwiso. Nibhagenda mw‑iguriro, nibhabhona abhaanu abharangirangi. Abhaanu abho, nibheekumanya awo, nibhaamba okukora injogere nyafu mu‑musi ogwo. Nibhagenda mu‑nju ya Yasooni, nibharondaga Pawuro na Siira, korereki bhabhareete ku‑chise echo.

Ebikorwa 25:27

Okubha echibha chiruguusyo, nikasira omubhoywa nitakaamire kisikisi echiina chinu echikora ˆnaasitaakibhwa.”

Ebikorwa 28:24

Abhayawudi abharebhe nibheekirisya emisango jaaye nawe abhandi nibhajirema.

Barumi 10:16

Noorwo kutyo, jitari ati Abhayisirayeeri bhoone ꞉bhaagayukire Emisango ja Ekisi ejo kwa okwikirisya Kirisito, abhaafu bhajiremere. Omuragi Iisaya ꞉aayikire ati, “Raatabhugenyi, niga unu eekirisya emisango jeeswe?”

Barumi 15:31

Munsabhirwe ati, abhaanu bha mu‑mukoowa gwa Yuudeya bhanu bhatakwikirisya Yeesu Kirisito, bhaasiga okunkorera amabhiibhi. Ka wone, munsabhirwe ati, abheekirisya bha Yerusareemu erya, bheekirisye okuramira obhusakisi bhunu enija okubhasirira.

1 Bakorinto 15:32

Araabha obhwiyikanyo bhwani bhukabheeye bhwa ku‑chaaro kunu era, okurwana kwani na jityanyi jinduru mu‑musi gwa Yefeeso nikabhwene‑mo ki? Araabha abhafuuwe bhatakusuururwa, mbe, “Chirye na chinywe, kwa okubha mutondo echifwa.”

1 Batesalonika 2:18

Woori, chaariga cheendere okubhagosorera, chimwichimwi anye Pawuro, naariga nikarariiye muno okubhagosorera kutari rumwi era, nawe Syetaani ˆnaachiyingirira.

2 Timoteo 4:17

Nawe Raatabhugenyi Yeesu aariga ari aamwi na anye. ꞉Aanaaye amanaga ga okuraasya Emisango joone ja Ekisi, korereki abhaanu bhoone bhanu bhatari Bhayawudi wone bhajuungwe. Ka wone Yeesu ꞉aamonʼyiisye okusooka mu‑rufu, kwa okubha naariga wuti niri mu‑kanwa ka itare.