2 Batesalonika 3:16 - Indagano Inyaaya mu-Chijita

¹⁶ Woori, Raatabhugenyi Yeesu omwene unu ari obhwambiro bhwa omurembe, abhayaanega omurembe omwanya gwone ku‑njira joone. Omwene abhe aamwi na emwe bhoone.

INDAGANO INYA:YA

¹⁶ Ratabugenyi wo murembe omwene abayanega omurembe siku jo:ne mu njira jo:ne. Ratabugenyi abega nemwe bo:ne.

2 Batesalonika 3:16 ပူးပေါင်းရင်းမြစ်များ

Matayo 1:23

“Ringira, omuyarajuma arijira inda, ariibhura omwana wa echirume. Risiina ryaye bharimutoga Manweri.” Obhugajuro bhwa risiina eryo ni ati, “Nyamuwanga ari aamwi na eswe.”

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Ruuka 2:14

“Nyamuwanga wa mu‑rwire akusibhwe! Ku‑chaaro anu, omurembe gubhe ku‑bhaanu bhanu eendere.”

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 15:33

Nyamuwanga unu kaabhayaana omurembe, abhe aamwi na emwe bhoone. Jibhe kutyo.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

1 Bakorinto 14:33

kwa okubha Nyamuwanga weeswe atari wa injogere, tari ni wa omurembe. Rwa kutyo jiri mu‑makanisa goone ga abheeru bha Nyamuwanga,

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

Baefeso 6:23

Omurembe gubhe neemwe, emwe abhayiri bheeswe, na eryenda aamwi na eriikirisya, okusooka ku‑Raata Nyamuwanga na ku‑Raatabhugenyi Yeesu Kirisito.

1 Batesalonika 3:11

Mbe, Nyamuwanga omwene, Raata weeswe aamwi na Raatabhugenyi weeswe Yeesu, achitangatire, achisoosisye‑ko ebhiikuujuro ku‑njira, korereki chibhaaje‑ko bhwangu.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

2 Batesalonika 3:18

Obhwitiriranya bhwa Raatabhugenyi weeswe Yeesu Kirisito, bhubhe aamwi na emwe bhoone.

2 Timoteo 4:22

Raatabhugenyi Yeesu abhe aamwi na awe. Obhwitiriranya bhwaye bhubhe aamwi na emwe bhoone.

Filemoni 1:25

Obhwitiriranya bhwa Raatabhugenyi Yeesu Kirisito bhubhe aamwi na emwe bhoone.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Baeburania 7:2

Omwene Bhurayimu ˆnaasoosya ribhaara rimwi kw‑ikumi rya ebhiinu bhinu ꞉aateesiisye mw‑iremo eyo na okuyaana Meerikijedeki. Risiina rinu Meerikijedeki, obhugajuro bhwaryo ni ati, “omukama wa obhurengeresi,” ka wone kaatogwa “omukama wa Sareemu,” obhugajuro bhwaryo ni ati, “omukama wa omurembe.”