2 Batesalonika 3:14 - Indagano Inyaaya mu-Chijita

¹⁴ Araabha omuunu woonewoone, atakwenda okuruubha emisango jeeswe jinu jiri ku‑nyarubha inu, mwikenge omuunu oyo. Musige okubha na obhumwi nage, korereki eesware.

INDAGANO INYA:YA

¹⁴ Omu:nu wo:ne akarema okworobera omusango gweswe mu nyaruba inu, oyo mumubarikisye, amwi mwasiga kuyengyanya nage, korereki e:sware.

2 Batesalonika 3:14 ပူးပေါင်းရင်းမြစ်များ

Matayo 18:17

Araabha akarema okubhoongwa, ugende ubhwire rikanisa. Araabha akarema okuungwa rikanisa, umurore wuti munyamanga amwi wuti mutobhesya wa rigooti.

Barumi 16:17

Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.

1 Bakorinto 4:14

Nitakubhakaamira emisango jinu okubhaswasya, tari eneenda okubhakengya rwa abhaana bhaani abheendwa,

1 Bakorinto 5:11

Tari, chinu ꞉neendere okwayika ni ati, mwasiga okusangira aamwi na omuunu unu keetoga omwikirisya, keenu ari muromesi, wa omuruuru, noorwo unu kaaramya amasusano, amwi omusokanya, amwi omukorwa, amwi omusaakusi. Omuunu rwa oyo, mwasiga noorwo okurya aamwi nage.

1 Bakorinto 5:9

Ku‑nyarubha inu ꞉naabhakaamiiye, ꞉naabhabhwiriiye ati, mwasiga okusangira aamwi na abharomesi.

2 Bakorinto 10:6

Omwanya gunu muribhaga mugayukire chimwi, niwo eswe chiribhaga chiimaririiye okuyaana ebhitiibha emisango joone jinu jitari ja okugayuka.

2 Bakorinto 2:9

Omusango ogundi gunu ꞉gwakorere nimbakaamira inyarubha irya, gwariga guri kubharegeeja, korereki nimenye araabha mwakangayukire mu‑joone.

2 Bakorinto 7:15

Eryenda rya Tiito kw‑imwe, erigenderera okwiyongesya chimwichimwi, omwanya gunu keechuka obhugayuki bhwemwe bhwone na kutyo ꞉mwamuramiiye kwa echibharo na mu‑kuyarara.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Bakolosai 4:16

Mukamara okusoma inyarubha inu, muyisire ku‑bheekirisya bha mw‑ikanisa rya Rawodeekiya korereki abheene wone bhayisome. Emwe wone, mukore obhutinge mubhone inyarubha inu ꞉naatumire ku‑bheene korereki wone muyisome.

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.

2 Batesalonika 3:6

Abhayiri bheeswe, echibharagirira kw‑isiina rya Raatabhugenyi Yeesu Kirisito ati, mwikenge na abhayiri bhoone abharenga, bhanu bhatakuruubha ameeyigisyo ganu ꞉chaabhayaaye.

Tiito 2:8

Ameeyigisyo gaawo gabhe ga echimari ganu abhaanu bhatakubhona‑mo echikayo choonechoone. Noorwo omuunu unu kaabha atakwimire‑ko eesware, kwa okubha, atari na omusango gwonegwone omubhiibhi gwa okwayika inguru yeeswe.

Tiito 3:10

Omuunu woonewoone unu kaakora abhaanu bhaawukane, nuumugonye orwa okwamba na orwa kabhiri. Ukamara okukora kutyo, araabha atakukuungwa, sigana nage chimwi.

Filemoni 1:21

Enikukaamira jinu, kwa okubha enimenya ati owuja okukora jinu naakusabhwa, ka wone owuja okukora okukira ejo.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

2 Yoana 1:10

Mbe, omuunu woonewoone akaaja kw‑imwe unu atakwiyigisya echimari inguru ya Kirisito, mwasiga okumukuma mu‑misi jeemwe, ka wone mwasiga okumukeesya rwa omwikirisya oweejaanyu.