2 Batesalonika 2:8 - Indagano Inyaaya mu-Chijita

⁸ Awo niwo Omunyamusi oyo arituurwa abhweru. Nawe Raatabhugenyi Yeesu aribha aasubha rindi, arimwita na omwika gwa mu‑kanwa kaaye na arimusingaarisya na rikusyo rya okuuja kwaye.

INDAGANO INYA:YA

⁸ Mbe niwo arisweruka omwikoti uriya, unu Ratabugenyi Yesu ari:ta no mwika gwa mu kanwa kae, niwe arimumarao no kusweruka kwo ku:ja kwae.

2 Batesalonika 2:8 ပူးပေါင်းရင်းမြစ်များ

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

1 Bakorinto 1:28

Ka wone Nyamuwanga ꞉aawuuwe emisango jinu abhaanu abharora ati jitari na echibharo na jinu abhagaya, ka wone jinu abharora ati jitari na obhugajuro, korereki anyamure emisango jinu abhaanu abharora ati jiri na obhugajuro.

2 Batesalonika 2:3

Mwasiga okwikirisya omuunu woonewoone abhajige ku‑njira yooneyoone irya, inguru ya orusuku orwo. Orusuku orwo ruchaari okukinga, abhaanu bhaafu bharirema Nyamuwanga, ka wone Omunyamusi urya wa ebhiraagiro, arituurwa abhweru. Obhuteero bhwaye bhuribha okusingaarisibhwa chimwi.

1 Timoteo 6:14

ni bhusibhusi ugayuke amaragiriro ganu okubha na esoro wuri, okukingira anu Raatabhugenyi weeswe Yeesu Kirisito arisubha.

2 Timoteo 1:10

Nawe woori, Nyamuwanga eeresya obhwitiriranya bhwaye kw‑iswe, kwa okuuja kwa Omuchungusi weeswe Kirisito Yeesu. Omwene ꞉aayigire amanaga ga orufu na ꞉eeresiisye obhuwanga bhwa akajaanende ku‑njira ya Emisango ja Ekisi.

2 Timoteo 4:1

Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Baeburania 10:27

Mbe woori, gunu gusigaaye, ni kurindirira kwa obhuyayu indamu ya Nyamuwanga na omuriro omururu gunu gurisingaarisya abhaanu bhoone bhanu abharema Nyamuwanga.

1 Yoana 2:13

Enibhakaamira emwe abhakaruka mu‑riikirisya, kwa okubha omusombookerwa Yeesu Kirisito, unu aariga ari‑wo chichaari kubha‑wo echiinu choonechoone. Enibhakaamira emwe abhasigaji mu‑riikirisya, kwa okubha muyigire Omubhiibhi urya. Enibhakaamira emwe abharera mu‑riikirisya, kwa okubha omusombookerwa Raata Nyamuwanga.

1 Yoana 3:12

Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

1 Yoana 5:18

Echimenya ati omwana woonewoone wa Nyamuwanga, atakugenderera okukora ebhibhiibhi, kwa okubha Omwana wa Nyamuwanga kaamurinda, Omubhiibhi urya atakutura okumukuunʼya‑ko.

Obhusweruro 1:16

Mu‑kubhoko kwaye kwa ebhuryo aariga ari na jinjota etaanu na ebhiri. Imbanda ya amoogi gabhiri yaariga nisooka mu‑kanwa kaaye. Obhusu bhwaye bhwariga nibhungʼarabhya rwa risuubha kutyo eriseekaana.

Obhusweruro 13:5

Mbe, rityanyi eryo, niriyaanwa obhuturo bhwa okwikumangya na okwayika emisango ja okufumirisya Nyamuwanga. Niriyaanwa wone obhuturo bhwa okutunga echaaro omwanya gwa ameesi makumi gana na ebhiri.

Obhusweruro 19:15

Imbanda ya obhuugi eyisooka mu‑kanwa kaaye, korereki ku‑mbanda eyo ayige amaanga. Arigatunga kwa amanaga maafu. Aritajirira riswejisyo rya jijabhiibhu rinu eryeresya risungu rya Nyamuwanga owa obhuturo bhwone.

Obhusweruro 2:16

Mbe mute ebhibhiibhi bhyemwe! Mukarema okuta, niribhaaja‑ko bhwangu korereki nirwane na abhaanu abho ku‑mbanda inu eyisooka mu‑kanwa kaani.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.