2 Batesalonika 2:2 - Indagano Inyaaya mu-Chijita

² musige okusurumbara noorwo okuubhaya mu‑myoyo jeemwe ati, orusuku rwa okusubha Raatabhugenyi Yeesu rwakingire. Amwi mubhe munguuwe kutyo okuruubhana na obhuragi obhurebhe, amwi emisango, amwi musomere inyarubha inu eyitogerwa ati isookere kw‑iswe.

INDAGANO INYA:YA

² Mutaja kuteratera bwangu mu kwiganirisya kwemwe, amwi mutaja kuwa mwoyo, kurwo mwoyo, amwi kurwo musango, amwi kurwa inyaruba nisusa ati iso:kere kwiswe, binu ebyaika ati, orusiku rwa Ratabugenyi rwakingire.

2 Batesalonika 2:2 ပူးပေါင်းရင်းမြစ်များ

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Mariko 13:7

Ku‑mwanya ogwo, muribha nimuungwa emisango ja riremo na okubhubhuutwa kwa riremo. Mwasiga okuyaya, kwa okubha ejo jeenderwe jikorekane, nawe obhuteero bhwa echaaro obhubha bhuchaari okukinga.

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Ruuka 21:9

Ku‑mwanya ogwo, muribhaga nimuungwa emisango ja riremo na eja injogere ya abharwani, mwasiga okuyaya, kwa okubha ejo jeenderwe jikorekane okwamba, nawe obhuteero bhutaryanguwa okuuja.”

Yowana 14:1

Yeesu ˆnaagenderera okwiyigisya ˆnaayika ati, “Musige okusurumbara mu‑myoyo jeemwe, mwikirisye Nyamuwanga, ka wone munyiikirisye na anye.

Yowana 14:27

Enibhasigira omurembe, omurembe gwani enibhayaana. Omurembe ogwo gutari rwa gunu ogusooka ku‑bhaanu bha ku‑chaaro kunu. Musige okusurumbara mu‑myoyo jeemwe, ka wone musige okuubhaya choonechoone.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

1 Bakorinto 14:32

Echiyaanwa cha okusoosya obhuragi, echitangasibhwa na abharagi,

1 Bakorinto 7:26

Mbe, kwa okubha jiri‑wo jinyaako nyafu mu‑siku jinu, eniiganirisya ati ni kisi omuunu abhe rwa kutyo ari.

Baefeso 5:6

Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.

1 Batesalonika 3:3

꞉Chaakorere kutyo, korereki omuunu woonewoone asige okufwa omutima inguru ya ebhinyaasyo bhinu. Emwe abheene mumenyere ati, echikenwa chiture mu‑bhinyaasyo.

1 Batesalonika 4:15

Ameeyigisyo ga Raatabhugenyi Yeesu ganu echibhabhwira nigo ganu, abheekirisya bhanu bharamaamire nyombe, nibho bharitangata okubha aamwi na Raatabhugenyi omwanya gunu arisubha rindi, niwo eswe wone, bhanu chiribhaga chiri abhaanga chirigwatana aamwi nabho.

1 Batesalonika 5:2

Okubha emwe abheene, omumenya kisi ati, orusuku rwa okusubha Raatabhugenyi Yeesu, ruribha rwa okutakya era rwa kutyo omwifi kaaja mu‑ngeta.

2 Batesalonika 2:15

Woori abhayiri bheeswe, murumatane kisi na okugwata ameeyigisyo ganu ꞉mwaramiiye, ku‑njira ya omusango gweswe gunu ꞉chaaraasiisye amwi ꞉chaabhakaamiiye ku‑nyarubha yeeswe.

2 Batesalonika 3:17

Anye Pawuro enibhakaamira obhukeesya omwanya gunu kwa okubhoko kwani omwene. Echo nicho echibharikisyo ku‑nyarubha jaani joone, nikwo kutyo enikaamaga.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.