2 Batesalonika 2:16 - Indagano Inyaaya mu-Chijita

¹⁶ Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

INDAGANO INYA:YA

¹⁶ Ratabugenyi Yesu Kristo omwene, na Rata Nyamuanga unu acendere naciyana okusi:ri:ka kwa kajanende, no kwiikanya kwo bwana mu cigongo,

2 Batesalonika 2:16 ပူးပေါင်းရင်းမြစ်များ

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Yowana 13:1

Mbe bhunu ichikukuru ya Okwambuka yaariga ichaari kukinga, Yeesu ꞉aasombookeeywe ati, omwanya gwaye gwa okusooka ku‑chaaro kunu okusubha kw‑Isemwene gwakinga. Yeesu aariga eendere abhaanu bhaaye bha ku‑chaaro kunu, ka wone ꞉aabheendere muno okukingira okufwa kwaye.

Yowana 15:13

Atari‑wo omuunu unu ari na eryenda rinene okukira omuunu unu kaasoosya obhuwanga bhwaye inguru ya abhasaani bhaaye.

Yowana 15:9

Rwa kutyo Raata aanyendere anye, nikwo kutyo anye wone nibheendere emwe. Mbe murame mu‑ryenda ryani.

Yowana 16:22

Emwe wone ku‑mwanya gunu musurumbaaye. Nawe niribhaaja‑ko rindi, na murikonderwa mu‑myoyo jeemwe. Atari‑wo omuunu unu arisoosya rikonderwa eryo mu‑myoyo jeemwe.

Yowana 3:16

Nyamuwanga eendere muno abhaanu bhoone bha ku‑chaaro kunu. Nikwo okukora ꞉aatumire Omwana waaye wenyere aaje ku‑chaaro kunu, korereki bhuri muunu unu keekirisya Omwana oyo aasiga okusimagira, tari abhe na obhuwanga bhwa akajaanende koone.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Ebikorwa 15:11

Eswe echiikirisya ati ni bhwitiriranya bhwa Raatabhugenyi weeswe Yeesu Kirisito era nibhwo obhuchichungura na obhwitiriranya obhwoobhwo obhubhachungura abheene wone.”

Ebikorwa 18:27

Apooro ejire aakena okugenda mu‑mukoowa gwa Akaaya, abheekirisya bha Yefeeso nibhamukomeesya, nibhamukaamira inyarubha ya okumumenyesya ku‑bheeyigisibhwa bha Yeesu bheende‑yo. Ejire aakinga eyo, ꞉aasakiiye muno abhaanu bhanu bhaariga bheekirisiisye Yeesu ku‑bhwitiriranya bhwa Nyamuwanga.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

Barumi 4:16

Echo nicho echireterera omurago gwa Nyamuwanga gwiyikanye eriikirisya era, kwa okubha ogusookana na obhwitiriranya bhwaye. Ku‑njira eyo, joone jinu ꞉bhaaragirwe abhaanu bhoone bha orwibhuro rwa Bhurayimu, jibhe ja echimari, jitari ku‑Bhayawudi era bhanu bhari na ebhiraagiro, tari noorwo ku‑bhanu abheekirisya Nyamuwanga rwa kutyo Bhurayimu ꞉aakorere. Bhurayimu niwe raata weeswe bhoone bhanu echiikirisya Nyamuwanga.

Barumi 4:4

Mbe, omwanya gunu omuunu kaakora emirimu, omuyeero gwaye gutari chiyaanwa, tari ni chiinu chinu eeyire ariywe.

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Baefeso 5:25

Emwe abharume, mwendega abhagasi bheemwe, rwa kutyo Kirisito wone ꞉eendere rikanisa, ˆnaasoosya obhuwanga bhwaye inguru yaaryo.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

1 Batesalonika 3:11

Mbe, Nyamuwanga omwene, Raata weeswe aamwi na Raatabhugenyi weeswe Yeesu, achitangatire, achisoosisye‑ko ebhiikuujuro ku‑njira, korereki chibhaaje‑ko bhwangu.

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.

1 Yoana 3:16

Mbe, Kirisito ejire aachifwira ꞉aacheeresiisye kutyo eryenda rya echimari riri. Eswe wone kutyokutyo, echikenwa chiikirisye noorwo okufwira abheejaasu.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.

Obhusweruro 22:5

Ingeta itaribha‑mo rindi mu‑musi omwo. Abhaanu bhatarikena idara noorwo risuubha, okubha Raatabhugenyi Nyamuwanga aribha obhweru bhwebhwe. Abhaanu abho bharitunga akajaanende koone.

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.