2 Batesalonika 2:13 - Indagano Inyaaya mu-Chijita

¹³ Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

INDAGANO INYA:YA

¹³ Eswe kuciire okusi:ma Nyamuanga kusiku kurwemwe, ba:na ba:su, banu mwenderwe Ratabugenyi. Ecisi:ma Nyamuanga unu abasorere ku bwambiro mukinge mu mweruro mu kwesibwa kwo mwoyo no kwikirisya ebye cimari.

2 Batesalonika 2:13 ပူးပေါင်းရင်းမြစ်များ

Ruuka 1:75

Chiribha abheeyikanyibhwa na abharengeresi, mu‑meeso gaaye na mu‑bhurame bhweswe bhwone.

Yowana 1:1

Ku‑bhwambiro awo, aariga ari‑wo Musango. Musango oyo aariga ari aamwi na Nyamuwanga. Ka wone, Musango aariga ari Nyamuwanga.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Ebikorwa 13:48

Abhaanu bhanu bhatari Bhayawudi bhejire bhoongwa emisango ejo, nibhakonderwa na okukuuya Raatabhugenyi ku‑musango gwaye. Bhoone bhanu ꞉bhaasorerwe okubha na obhuwanga bhwa akajaanende, nibhamwikirisya Raatabhugenyi Yeesu.

Ebikorwa 15:9

꞉Ataakorere isoroore yooneyoone agati yeeswe na abheene, kwa okubha abheene wone ꞉bheekirisiisye Yeesu na ku‑njira eyoeyo, ꞉eesiisye myoyo jeebhwe.

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

Barumi 8:33

Niga unu kaatura okubhuura abhasorwa bha Nyamuwanga? Atari‑wo, kwa okubha Nyamuwanga omwene niwe unu kaabhabhara okubha abharengeresi.

Barumi 9:11

Omwanya gunu amarongo ago gaariga gachaari kwibhurwa, na bhunu gaariga gachaari okukora choonechoone cha ekisi amwi echibhiibhi, Nyamuwanga ˆnaabhwira Rebheka ati, “Omukuru arikorera emirimu omutooto.” Omusango ogwo ogweresya ati Nyamuwanga kaasora omuunu okuruubhana na obhutinge bhwaye, kutari kuruubhana na ebhikorwa bhya omuunu oyo, na obhutinge bhwaye obhutunga chinu chirikorekana.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

Bagalatia 3:1

Emwe Abhagaraatiya, abhataamutaamu! Niga unu abharogere? ꞉Naabhabhwiriiye abhwerubhweru inguru ya Yeesu Kirisito okubhambwa ku‑musarabha.

Baefeso 2:8

Okubha muchunguuywe kwa obhwitiriranya bhwaye, ku‑njira ya okwikirisya Yeesu. Obhuchungusi obhwo, bhutasookere kw‑imwe, tari ni chiyaanwa cha Nyamuwanga kw‑imwe.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

1 Batesalonika 1:4

Mbe, emwe abhayiri bheeswe, bhanu mwenderwe na Nyamuwanga, echimenya ati, omwene abhasorere okubha abhaana bhaaye.

1 Batesalonika 2:12

korereki murame rwa kutyo Nyamuwanga keenda. Nyamuwanga niwe kaabhabhirikira korereki mwingire mu‑bhukama na mw‑ikusyo ryaye.

1 Batesalonika 4:7

Okubha Nyamuwanga ꞉ataachibhirikiiye korereki chikore obhujabhi, tari ꞉aachibhirikiiye chirame mu‑bhweru.

1 Batesalonika 5:9

Nyamuwanga ꞉ataachisorere korereki achisingaarisye kwa risungu ryaye, tari ꞉aachisorere korereki Raatabhugenyi weeswe Yeesu Kirisito achichungure.

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

2 Batesalonika 2:10

Arikora injira yooneyoone irya ya okujiga abhaanu bhanu abhabhura, kwa okubha bhatakwenda echimari korereki bhachunguke.

2 Batesalonika 2:12

Awo niwo bhoone bhanu bhatakwikirisya echimari, tari abhakondererwa ebhibhiibhi, bhariramurwa.

2 Batesalonika 2:16

Raata weeswe Nyamuwanga, kaacheenda na ku‑bhwitiriranya bhwaye, arichisimbiisya akajaanende na okuchiyaana obhwiyikanyo ati arichiyaana ebhiinu bhya ekisi bhinu ꞉aachiragire. Echisabhwa omwene na Raatabhugenyi weeswe Yeesu Kirisito ati,

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

2 Timoteo 3:15

Okusookerera ku‑bhwana bhwawo owumenya Ebhikaame Ebhyeru. Ebhikaame ebhyo ebhikuyaana obhuturo bhwa okusombookerwa ati obhuchungusi obhubhonekana kwa okwikirisya Kirisito Yeesu.

Baeburania 1:10

Ka wone Nyamuwanga ꞉aabhwiriiye Omwana waaye ati, “Raatabhugenyi awe naawe ꞉waabhumbire echaaro ku‑bhwambiro awo, ka naawe ꞉waabhumbire orutumba kwa mabhoko gaawo.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

1 Yoana 4:10

Rinu niryo eryenda, jitari ati, eswe ꞉chaatangatire okwenda Nyamuwanga. Tari omwene niwe ꞉aatangatire okucheenda eswe. Nikwo okukora ˆnaatuma Omwana waaye, abhe echoogo cha okusoosya‑wo ebhibhiibhi bhyeswe na okuchigwatanya na Nyamuwanga.

1 Yoana 4:19

Woori, eswe echeenda Nyamuwanga na abheejaasu, kwa okubha omwene niwe ꞉aatangatire okucheenda eswe.