2 Batesalonika 2:12 - Indagano Inyaaya mu-Chijita

¹² Awo niwo bhoone bhanu bhatakwikirisya echimari, tari abhakondererwa ebhibhiibhi, bhariramurwa.

INDAGANO INYA:YA

¹² Korereki baramurwe bo:ne banu batakwikirisya ebye cimari, nawe abakondererwa obunyamusi.

2 Batesalonika 2:12 ပူးပေါင်းရင်းမြစ်များ

Mariko 14:11

Bhejire bhoongwa omusango ogwo, nibhakonderwa muno. Nibhamuraga ati abhaja okumuyaana jipirya. Niwo Yuuda Isikariyooti ˆnaamba okuyenja injira ya okutuura Yeesu mu‑mabhoko geebhwe.

Mariko 16:16

Omuunu woonewoone unu anyikirisiisye na okubhatiijibhwa, arichungurwa. Nawe, omuunu woonewoone unu aremere okunyikirisya, ariramurwa.

Yowana 3:36

Omuunu woonewoone unu keekirisya Omwana wa Nyamuwanga, oyo ari na obhuwanga bhwa akajaanende koone. Nawe woonewoone unu kaarema okumwikirisya, atari na obhuwanga obhwo, ka wone risungu rya Nyamuwanga erigenderera okubha inguru yaaye.

Barumi 1:32

Abhaanu abho bhamenyere kisi ati, omuunu unu kaakora ebhikorwa ebhijabhi rwa ebhyo, kaabha eeyire okusingaarisibhwa na Nyamuwanga. Noorwo kutyo, jitakubhasaasa! Abhagenderera okukora ebhikorwa ebhijabhi ebhyo, ka wone abheekirisyanya na abhaanu bhanu abhabhikora.

Barumi 12:9

Mwende abheejaanyu kwa omutima omweru. Musige chimwi okukora obhujabhi, tari mukorega ja ekisi omwanya gwone.

Barumi 2:8

Nawe aribhiyirwa na okuyaana ebhitiibha abhaanu bhanu okuruubhana na orwango rwebhwe, abharema echimari na abhakora obhujabhi.

1 Bakorinto 13:6

Eryenda erikora omuunu asige okukondererwa ebhibhiibhi, tari akondererwe echimari.

1 Batesalonika 5:9

Nyamuwanga ꞉ataachisorere korereki achisingaarisye kwa risungu ryaye, tari ꞉aachisorere korereki Raatabhugenyi weeswe Yeesu Kirisito achichungure.

2 Batesalonika 2:10

Arikora injira yooneyoone irya ya okujiga abhaanu bhanu abhabhura, kwa okubha bhatakwenda echimari korereki bhachunguke.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.