2 Batesalonika 2:10 - Indagano Inyaaya mu-Chijita

¹⁰ Arikora injira yooneyoone irya ya okujiga abhaanu bhanu abhabhura, kwa okubha bhatakwenda echimari korereki bhachunguke.

INDAGANO INYA:YA

¹⁰ Niwe arikora mu kubebeya kwone kwo bunyamusi ku banu ababura, okuba abaremo:kwenda ebye cimari korereki baonyibwe.

2 Batesalonika 2:10 ပူးပေါင်းရင်းမြစ်များ

Matayo 13:11

ˆNaabhasubhya ati, “Emwe, Nyamuwanga abhayaaye obhuturo bhwa okusombookerwa emisango jinu jichaari mbisike inguru ya obhukama bhwaye. Nawe abheene bhatayaaywe obhuturo bhwa okujisombookerwa.

Yowana 3:17

Nyamuwanga ꞉ataatumire Omwana waaye ku‑chaaro kunu, korereki aramure abhaanu, tari ꞉aamutumire korereki abhaanu bhachungurwe okutura ku‑mwene.

Yowana 5:34

Anye nitakwiyikanya obhubhambaasi bhwa abhaanu, nawe enibhabhwira emisango ejo joone, korereki muture okuchungurwa.

Barumi 10:1

Abhayiri bhaani, eneenda kwa omwoyo gwani gwone ati Abhayisirayeeri bhachungurwe. Ogwo nigwo enibhasabhirwa muno ku‑Nyamuwanga.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Barumi 6:17

Kara, emwe mwariga muri bhagaya bha echibhiibhi. Nawe enisiima Nyamuwanga, kwa okubha woori mweekirisya na emyoyo jeemwe joone okugayuka ameeyigisyo ga echimari ganu ꞉mwaramiiye.

1 Bakorinto 1:18

Abhaanu bhanu abhabhura abharora ati emisango ja Kirisito okufwa ku‑musarabha ni ja echimuumu, nawe kw‑iswe bhanu echichunguka, emisango ejo nigo amanaga ga Nyamuwanga.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

2 Bakorinto 11:13

Enaayika kutyo, kwa okubha abhaanu rwa abho, nibho jitumwa ja orubheeyi, abhakora emirimu mu‑bhurigerige, abheekora wuti, nibho jitumwa ja Kirisito.

2 Bakorinto 11:15

Kurwa ejo, gutari musango gwa okuruguusya, araabha abhakosi bhaaye wone abheekora wuti ni bhakosi bha obhurengeresi. Ku‑bhuteero bhwebhwe, bhariramira jinu ejiingana na ebhikorwa bhyebhwe.

2 Bakorinto 2:15

Nikwo kutyo jiri, kwa okubha eswe, chiri rwa orurango rwa ekisi runu Kirisito kaasoosisya Nyamuwanga. Orurango orwo, rurikingira abhaanu bhoone, bhanu abhachungurwa na bhanu abhabhura.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

2 Batesalonika 2:12

Awo niwo bhoone bhanu bhatakwikirisya echimari, tari abhakondererwa ebhibhiibhi, bhariramurwa.

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

1 Timoteo 2:4

Nyamuwanga keenda abhaanu bhoone bhachungurwe na okumenya echimari.

Baeburania 3:13

Nawe mukomeesyanyega emwe abheene kwa abheene bhuri rusuku runu echitoga ati “reero inu,” korereki aasiga okubha‑wo mw‑imwe omuunu woonewoone owa omwoyo omukomeeye ku‑songa ya okujigwa na ebhibhiibhi.

2 Petero 2:12

Abhaanu abho abhafuma emisango jinu bhatakusombookerwa. Abhasusana na jityanyi jinu jitari na obhwenge, kwa okubha, ejiibhurwa era, korereki jigwatwe na okwitwa! Bharisingaarisibhwa rwa kutyo ꞉bhaasingaarisiisye abhaanu abhandi.

2 Petero 2:18

Abhaayika emisango ja orwikuuya na jinu jitari na obhugajuro, na mu‑kuruubha okurigira kwebhwe okubhiibhi kwa orukubho, abhatega abhaanu bhakore kutyokutyo. Abhaanu bhanu abhategwa, bhaamamara okwikirisya na okusiga okukora jinu abhanyamusi abhakora.