2 Batesalonika 1:9 - Indagano Inyaaya mu-Chijita

⁹ Indamu yeebhwe iribha okusingaarisibhwa akajaanende koone, bharitaganyibhwa na Raatabhugenyi chimwi, ka wone bharisoosibhwa mw‑ikusyo rya amanaga gaaye.

INDAGANO INYA:YA

⁹ Nibo bariyanwa intambara, nikwo kusimagira kwa kajanende okuso:ka mu me:so ga Ratabugenyi, na mwikusyo rya managa gae,

2 Batesalonika 1:9 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 22:13

Mbe, omukama ˆnaabhwira abhakosi bhaaye ati, ‘Mubhoye omuunu unu amaguru na amabhoko na mumwese anja mu‑chisuute. Omwo nimwo abhaanu bhaririraga na okuguguna ameeno.’”

Matayo 24:30

“Ku‑mwanya ogwo, echibharikisyo cha Omwana wa Omuunu chiribhonekana ku‑rutumba, na abhaanu bha amaanga goone bharyamba okurira kwa okuyaya. Runu niriija, abhaanu bhoone bharindora niri mu‑meere niri na amanaga na rikusyo rikuru.

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Matayo 26:24

Anye Omwana wa Omuunu, niriitwa rwa kutyo jikaamirwe mu‑Bhikaame Ebhyeru. Nawe jiribhona omuunu unu arintuura mu‑mabhoko ga abhasoko. Jikabheeye kisi ku‑muunu oyo araabha ataakeebhuuywe!”

Matayo 7:23

Awo niwo niribhabhwira abhwerubhweru ati, ‘Nitakubhamenya emwe noorwo na akatyari! Musooke anu, emwe abhakosi bha ebhibhiibhi!’

Ruuka 13:27

Nawe omwene aribhabhwira ati, ‘Naabhabhwiriiye ati, nitakubhamenya na nitakumenya ati musookere aaki! Musooke anu, emwe abhakosi bha ebhibhiibhi!’

Yowana 5:14

Ejo jejire jaawa, Yeesu ˆnaasongʼana omuunu oyo mu‑rubhuga rwa Riyekaru, ˆnaamubhwira ati, “Tegeresya, woori waawora. Waasiga okukora ebhibhiibhi rindi, kwa okubha ukagenderera okukora ebhibhiibhi, owuja okunyaaka okukira kutyo waariga nuunyaaka ku‑bhwambiro.”

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

1 Batesalonika 5:3

Omwanya gunu abhaanu bharyayikaga ati, “Chiri na omurembe, itambara itari‑wo,” awo niwo, obhunyamuke bhuribheejira. Obhunyamuke obhwo bhuribhatakya, rwa kutyo omugasi unu afugaaye kaarumwa obhusungu korereki eebhure. Ka wone bhatariikenga nabhwo wuri.

2 Batesalonika 2:8

Awo niwo Omunyamusi oyo arituurwa abhweru. Nawe Raatabhugenyi Yeesu aribha aasubha rindi, arimwita na omwika gwa mu‑kanwa kaaye na arimusingaarisya na rikusyo rya okuuja kwaye.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Baeburania 10:29

Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

2 Petero 2:17

Abhaanu abho bhari rwa amajibha ganu goomirire, bhari rwa orukoowa runu oruyembwa na echifurafufi. Echisuute echirafuru ti chibhiikirwe inguru yeebhwe.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.

Yuuda 1:13

Bhatakutura okwiyingirira, bhari rwa amakonjo amanene ga mu‑nyanja ganu agasaaruuma, na ebhikorwa bhyebhwe bhya jiswaro ebhiswirana rwa rifiro rya amakonjo kutyo erifukumba. Bhari rwa jinjota jinu ejiyengayenga na okubhura. Echisuute echirafuru ti chibhiikirwe inguru yeebhwe akajaanende koone.

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.

Obhusweruro 20:14

Ejo jejire jaawa, orufu na nyombe nibhyeswa mu‑nyanja ya omuriro omururu. Inyanja ya omuriro eyo, nirwo orufu rwa kabhiri.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Obhusweruro 22:15

Nawe, abharosi bhoone, abharomesi, abheeti, abhaanu bhanu abharamya amasusano na abhaanu bhoone bhanu abheenda okwayika orubheeyi, bharibha anja ya omusi ogwo rwa jimbwa.