2 Batesalonika 1:8 - Indagano Inyaaya mu-Chijita

⁸ asingiiywega ribheesi rya omuriro. Omwene niwe ariramura abhaanu bhoone bhanu abharema Nyamuwanga, ka wone bhatakugayuka Emisango ja Ekisi ja Raatabhugenyi weeswe Yeesu.

INDAGANO INYA:YA

⁸ Anu ari:ja mu rubesi rwo muriro, nasubya, orusi:ma ku banu batamenyere Nyamuanga, na ku banu batakworobera Ebigambo byo bwana ebya Ratabugenyi Yesu.

2 Batesalonika 1:8 ပူးပေါင်းရင်းမြစ်များ

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 25:46

“Kurwa ejo, abhakosi bha ebhibhiibhi abho, bharigenda okuramira jimbuma ja akajaanende koone. Nawe abharengeresi imbere ya Nyamuwanga, abho bhariingira mu‑bhuwanga bhwa akajaanende koone.”

Yowana 3:19

Isonga ya okuramurwa kwebhwe ni ati, obhweru bhwijire ku‑chaaro kunu, nawe abhaanu bheendere okubha mu‑chisuute okukira okubha mu‑bhweru, kwa okubha ebhikorwa bhyebhwe ni bhijabhi.

Yowana 8:19

Niwo Abhafarisaayo nibhabhuusya Yeesu ati, “Angu, Esomwana ari aaki?” Yeesu ˆnaabhasubhya ati, “Anye mutakummenya, noorwo Raata waani mutakumumenya. Araabha mukammenyere anye, Raata waani wone mukamumenyere.”

Ebikorwa 6:7

Omusango gwa Nyamuwanga nigugenderera okuraasibhwa ku‑bhaanu na obhukumi bhwa abheeyigisibhwa bha Yeesu nibhwiyongesya muno mu‑Yerusareemu. Noorwo abhagabhisi bhaafu ꞉bhaagayukire Nyamuwanga, kwa okumwikirisya Yeesu.

Barumi 1:28

Mbe, abhaanu bharemere okusombookerwa Nyamuwanga, kurwa ejo Nyamuwanga wone abhasindikire bhabhega nibharuubha obhwiganirisya bhwebhwe bhwa okwiyabhya. Woori abhakora emisango jinu jiteeyire okukorwa.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Barumi 10:16

Noorwo kutyo, jitari ati Abhayisirayeeri bhoone ꞉bhaagayukire Emisango ja Ekisi ejo kwa okwikirisya Kirisito, abhaafu bhajiremere. Omuragi Iisaya ꞉aayikire ati, “Raatabhugenyi, niga unu eekirisya emisango jeeswe?”

Barumi 15:18

Anye nitaryayika omusango gwonegwone ogundi, tari era gunu Kirisito ꞉aakorere okutura kw‑anye. ꞉Aakorere abhaanu bhanu bhatari Bhayawudi bhamugayuke, okutura ku‑misango jinu naariga ninaayika na emirimu jinu naariga ninkora.

Barumi 16:26

nawe woori, bhwatuurwa abhweru. Okutura mu‑Bhikaame Ebhyeru bhya abharagi, obhutinge obhwo, obhumenyekana ku‑bhaanu bha amaanga goone ku‑chaaro. Nyamuwanga wa akajaanende koone, niwe aaragirira ati obhutinge obhwo bhuraasibhwe ku‑bhaanu bhoone, korereki abho wone bheekirisye na okugayuka Raatabhugenyi Yeesu.

Barumi 6:16

Mutakumenya ati, mukeesoosya ku‑muunu na okukora jinu keenda, niwo omubha nimumugayuka rwa abhagaya bhaaye? Mbe, araabha mukabha nimwisoosya okugayuka echibhiibhi, muribha abhagaya bha echibhiibhi, na amatwasyo gaacho ni rufu. Nawe mukabha nimwisoosya okugayuka Nyamuwanga, muribha abhakosi bha Nyamuwanga, na amatwasyo gaaye ni bhurame bhwa obhurengeresi.

1 Bakorinto 15:34

Mupaapuke mubhe na obhwenge rwa kutyo mukenerwe, musige okukora ebhibhiibhi. Abhandi agati yeemwe bhatakumenya Nyamuwanga. Enaayika ejo, korereki nibhaswasye.

2 Bakorinto 10:5

Echisingaarisya emisango joone jinu ejibhonekana okubha ja echimari keenu jiri ja orubheeyi, na emisango joone ja orwikuuya jinu ejireterera abhaanu bhasige okusombookerwa Nyamuwanga. Ka wone echigwata bhuri bhwiganirisya korereki bhugayuke Kirisito.

Bagalatia 3:1

Emwe Abhagaraatiya, abhataamutaamu! Niga unu abharogere? ꞉Naabhabhwiriiye abhwerubhweru inguru ya Yeesu Kirisito okubhambwa ku‑musarabha.

Bagalatia 4:8

Emwe kara mwariga mutakumenya Nyamuwanga. Ku‑mwanya ogwo, mwariga muri bhagaya bha amasambwa ganu gatari Nyamuwanga.

1 Batesalonika 4:5

Musige okukururwa na okurigira okubhiibhi rwa abhanyamanga, kwa okubha abheene bhatakumenya Nyamuwanga.

Baeburania 10:27

Mbe woori, gunu gusigaaye, ni kurindirira kwa obhuyayu indamu ya Nyamuwanga na omuriro omururu gunu gurisingaarisya abhaanu bhoone bhanu abharema Nyamuwanga.

Baeburania 10:30

Chimenyere ati Nyamuwanga ꞉aayikire ati, “Okusubhya orusiima ni murimu gwani, anye naanye nirisubhya orusiima.” Ka wone ꞉aayikire ati, “Raatabhugenyi ariramura abhaanu bhaaye.”

Baeburania 11:8

Eriikirisya niryo ꞉ryakorere Bhurayimu ˆnaagayuka Nyamuwanga, omwanya gunu ꞉aabhwiriiywe ati asooke mu‑chaaro chaaye, agende mu‑chaaro chinu Nyamuwanga ꞉aaragire okumuyaana. Bhurayimu ꞉aasookere mu‑chaaro chaaye, noorwo kutyo ꞉ataamenyere ati aariga ˆnaagenda ki.

Baeburania 12:29

okubha Nyamuwanga weeswe, ari rwa omuriro omururu kabhukabhu gunu ogusingaarisya chimwi.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

1 Petero 3:6

Owumwi wa abhagasi abho ni Saara omugasi wa Bhurayimu. Saara aariga ˆnaagayuka kisi omurume waaye, okukingira okumubhirikiraga ati, omwami waaye. Nyabhuriko, emwe wone, araabha omukora ja ekisi rwa omwene, okuubhaya echiinu choonechoone wuri, mbe woori, muri abhayaasya bhaaye.

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.

Yuuda 1:7

Mwichuke wone, jinu ꞉jaabhwene abhaanu bha emisi ja Sodoma na Gomoora na bha emisi jinu jaariga jisiijeene nabho. Abhaanu abho, ꞉bhaakorere emisango rwa jinu bhamaraayika abho, ꞉bhaakorere. Bhaakoraga obhuromesi na okuruubha okurigira okubhiibhi kwa emibhiri kunu kutari kwa obhusimukwa. Indamu yeebhwe, yaariga iri okwochiibhwa mu‑muriro. Kurwa ejo, indamu eyo yaabha echijekekanyo cha okuyaanwa ebhitiibha mu‑muriro gwa akajaanende koone.

Obhusweruro 20:10

Syetaani unu aabhajigaga, aryeswa mu‑nyanja ya omuriro omururu gwa emisimu ja echibhiriiti. Omwo nimwo ꞉ryeeserwe rityanyi rirya na omuragi omubheeyi urya. Abho bhoone bharinyaasibhwa omwo mu‑ngeta na mu‑mwisi, akajaanende koone.

Obhusweruro 21:8

Nawe abhoobha, abhaanu bhanu bhatakwikirisya Nyamuwanga, bhanu abhamufuruurusya, abheeti, abharomesi, abharosi na bhanu abharamya amasusano, aamwi na abhabheeyi, bhoone abho orubhaara rwebhwe ni mu‑nyanja ya omuriro omururu gwa emisimu ja echibhiriiti. Okwo nikwo okufwa kwa kabhiri.”

Obhusweruro 6:10

Niwo, nibhaamura obhuraka nibharira, nibhaayika ati, “Raatabhugenyi awe, Nyamuwanga owa obhuturo bhwone, unu uri mweru na owa echimari, mbawo owukoora! Uriramura ri abhaanu bha ku‑chaaro na okuchisubhisya orusiima ku‑bhanu ꞉bhaachiitire?”