2 Batesalonika 1:7 - Indagano Inyaaya mu-Chijita

⁷ niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

INDAGANO INYA:YA

⁷ Nemwe banu omunya:sibwa kabafuŋamya neswe, mu kusweruka kwa Ratabugenyi Yesu kuso:ka mu rwire, aamwi na bamaraika ba managa gae.

2 Batesalonika 1:7 ပူးပေါင်းရင်းမြစ်များ

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Matayo 16:28

Ni chimari enibhabhwira ati, bhari‑wo abhaanu abharebhe mw‑imwe anu, bhanu bhatarifwa bhachaari okundora anye Omwana wa Omuunu, niniija mu‑bhukama bhwani.”

Matayo 25:31

Yeesu ˆnaagenderera okwayika na abheeyigisibhwa bhaaye, ˆnaabhabhwira ati, “Omwanya gunu anye Omwana wa Omuunu niriija mw‑ikusyo ryani, aamwi na bhamaraayika abheeru bhoone, niwo niriinyanja rwa omukama ku‑chitebhe chaani cha rikusyo.

Matayo 25:41

“Niwo, niribhwira bhanu bhari rubhaara rwani rwa ebhumoosi ati, ‘Musooke anu, emwe bhanu Nyamuwanga eeyiimire! Mugende mu‑muriro gwa akajaanende koone gunu Nyamuwanga eeraabhire inguru ya Syetaani na bhamaraayika bhaaye.

Matayo 26:64

Yeesu ˆnaamusubhya ati, “Naawe omwayiki. Nawe enibhabhwira ati okwambira woori, murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone. Ka wone murindora omwanya gunu niriija niri mu‑meere okusooka mu‑rwire.”

Mariko 14:62

Yeesu ˆnaamusubhya ati, “Anye niwe. Emwe murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone, niniija niri mu‑meere ga mu‑rwire.”

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Ruuka 17:30

“Nikwo kutyo jiribha orusuku runu anye Omwana wa Omuunu nirisubha ku‑chaaro anu, Nyamuwanga arinswerurwa.

Yowana 1:3

Nyamuwanga ꞉aabhumbire ebhiinu bhyone okutura ku‑Musango oyo. Chitari‑wo noorwo echiinu chimwi chinu ꞉chaabhumbirwe chitaturire ku‑mwene wuri.

Yowana 1:51

Yeesu ˆnaagenderera okwayika ati, “Ni chimari enibhabhwira ati, murirora orwire rwigukire, ka wone murirora bhamaraayika bha Nyamuwanga nibhariinyaga na okwika inguru yaani, anye Omwana wa Omuunu.”

Ebikorwa 1:11

Nibhaayika ati, “Emwe abhaanu bha Gariraaya, ni kurwa ki mwimereeguuyu anu keenu omuroreerera ku‑rutumba? Yeesu unu aagegwa okusooka kw‑imwe okugenda mu‑rwire, arisubha rindi, rwa kutyo mwamurora ˆnaagenda.”

Ebikorwa 3:19

Kurwa ejo, mute chimwi ebhibhiibhi bhyemwe na muyindukire Nyamuwanga, korereki abhafwire echigongo. Nikwo kutyo Nyamuwanga aribhasimbiisya emwe, ku‑njira ya okubha ayeeyi na emwe,

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

1 Bakorinto 3:13

na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

Baefeso 1:2

Obhwitiriranya na omurembe okusooka ku‑Nyamuwanga Raata weeswe na ku‑Raatabhugenyi Yeesu Kirisito, bhibhe aamwi na emwe.

Bakolosai 1:16

Okubha okutura ku‑mwene ebhiinu bhyone ꞉bhyabhumbirwe, bhinu bhiri mu‑rwire na bhinu bhiri ku‑chaaro, bhinu ebhibhonekana na bhinu bhitakubhonekana, bhikabha bhiri ebhya obhukama amwi ebhya obhukuru, obhutungi amwi ebhya obhuturo. Ebhyo bhyone ꞉bhyabhumbirwe okutura ku‑mwene na inguru yaaye.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

Baeburania 10:27

Mbe woori, gunu gusigaaye, ni kurindirira kwa obhuyayu indamu ya Nyamuwanga na omuriro omururu gunu gurisingaarisya abhaanu bhoone bhanu abharema Nyamuwanga.

Baeburania 12:29

okubha Nyamuwanga weeswe, ari rwa omuriro omururu kabhukabhu gunu ogusingaarisya chimwi.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

Baeburania 4:11

Kurwa ejo, chiikomeesye okwingira orubhaara rwa okwisya omwoyo. Chibhega nichikora kutyo korereki aasiga okubha‑wo omuunu woonewoone wa okutaamibhwa okwingira ku‑songa ya okurema okugayuka Nyamuwanga, rwa kutyo bhasaaja weeswe bhaariga nibhakora.

Baeburania 4:9

Kurwa ejo, guchaari‑wo omwanya gwa okwisya omwoyo rwa ogwa orusuku rurya rya Isabhaato ku‑bhaanu bha Nyamuwanga.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.

2 Petero 3:7

Ka wone ku‑musango ogwoogwo Nyamuwanga aangariiye orutumba na echaaro chinu, korereki bhyochibhwe kwa omuriro. Abhyangariiye inguru ya orusuku runu ariramura abhaanu bhanu bhatakumugayuka, awo woori niwo bharisingaarika.

Yuuda 1:7

Mwichuke wone, jinu ꞉jaabhwene abhaanu bha emisi ja Sodoma na Gomoora na bha emisi jinu jaariga jisiijeene nabho. Abhaanu abho, ꞉bhaakorere emisango rwa jinu bhamaraayika abho, ꞉bhaakorere. Bhaakoraga obhuromesi na okuruubha okurigira okubhiibhi kwa emibhiri kunu kutari kwa obhusimukwa. Indamu yeebhwe, yaariga iri okwochiibhwa mu‑muriro. Kurwa ejo, indamu eyo yaabha echijekekanyo cha okuyaanwa ebhitiibha mu‑muriro gwa akajaanende koone.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.

Obhusweruro 14:10

omuunu oyo wone arinywa echifuufu. Eryo niryo risungu rya Nyamuwanga, ni ruru kabhukabhu rwa obhwarwa bhunu bhutasasiibhwe‑mo amanji. Nyamuwanga omwene ariisuka mu‑mutawo gwaye gwa risungu, na okuyaana omuunu oyo korereki anywe. Omuunu oyo arinyaaka, mu‑muriro omururu gwa emisimu ja echibhiriiti gunu ogwaka, imbere ya bhamaraayika abheeru na imbere ya Omwana wa Inaama.

Obhusweruro 14:13

Ninuungwa obhuraka okusooka mu‑rwire, nibhumbwira ati, “Kaama ati, okwambira woori, bhari na amabhando abhaanu bhoone bhanu abhafwa bheekirisiisye Raatabhugenyi Yeesu.” Neeya Mwoyo wa Nyamuwanga ˆnaayika ati, “Cha, bharibhona amabhando maafu. Bhariisya omwoyo okusooka ku‑mirimu jeebhwe emisito, okubha bhariyaanwa ebhiyaanwa inguru ya ebhikorwa bhyebhwe bhya ekisi.”

Obhusweruro 20:11

Nejire neeya, nindora Nyamuwanga eenyanjire ku‑chitebhe echeeru echinene cha ingʼoma. Orutumba na echaaro nibhiiruka okusooka imbere yaaye na ꞉bhitaabhonekeene rindi.

Obhusweruro 21:4

Aryeya amasiga geebhwe goone. Abhaanu bhatarifwa rindi noorwo okusurumbara. Bhataririra noorwo bhatarirwara, okubha emisango ja kara ejo jaaturire.”

Obhusweruro 22:16

“Anye Yeesu, naanye orwibhuro orukuru rwa omukama Dawudi, naanye eniseekaana rwa inyamaananga. Anye, naanye unu ꞉naatumire maraayika waani mu‑makanisa, korereki abhwire emwe abharuubhirisya bhaani emisango jinu.”

Obhusweruro 22:6

Neeya maraayika oyo, ˆnaambwira ati, “Emisango jinu ni ja okwiyikanyibhwa na ja echimari. Raatabhugenyi Nyamuwanga unu kaayaana abharagi Mwoyo Mweru waaye, ꞉aatumire maraayika waaye okweresya abhakosi bhaaye emisango jinu ni bhusibhusi jikorekane bhwangu.”

Obhusweruro 22:9

Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abharagi bhanu bhari abhayiri bheejaanyu mu‑riikirisya na bhoone bhanu abhagayuka emisango ja echitabho chinu. Ramya Nyamuwanga omwene era!”

Obhusweruro 6:11

Niwo abhaanu bhoone bhanu ꞉bheetirwe, nibhayaanwa emingiro jiinyeru. Nibhabhwirwa ati, bharindirire‑wo katungu katooto, okukingira abhakosi bheejaabho, bhanu bhari abhayiri bheebhwe mu‑riikirisya, wone bheetwe rwa kutyo abheene ꞉bheetirwe. Niwo obhukumi bhwebhwe obhuja okukuumira.