2 Batesalonika 1:5 - Indagano Inyaaya mu-Chijita

⁵ Mbe, ejo joone ejeeresya ati, obhuramusi bhwa Nyamuwanga ni bhwa echimari. Nyamuwanga aaramura ati, emwe mwiyire mwingire mu‑bhukama bhwaye. Nikwo okukora, emwe omunyaaka inguru ya obhukama bhwaye.

INDAGANO INYA:YA

⁵ Eco nico ecibarikisyo co kuramura kwa Nyamuanga kunu kurengere, korereki muboneke rwa kutyo mwiire obukama bwa Nyamuanga, bunu obukora nimunya:sibwa.

2 Batesalonika 1:5 ပူးပေါင်းရင်းမြစ်များ

Ruuka 20:35

Nawe, abhaanu bhanu Nyamuwanga ꞉aarorere ati bheeyire okusuuruka na okurama mu‑chaaro echiyaaya chirya, abho bhataritwara, noorwo bhataritwarwa

Ruuka 21:36

Kurwa ejo, mubhega mutengeejere omwanya gwone! Mugenderere okusabhwa Nyamuwanga, korereki abhayaane obhuturo bhwa okwiruka joone jinu jirikorekana, na mwimereeguru imbere yaani, anye Omwana wa Omuunu.”

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

Barumi 2:5

Awe uri na echigundu, ka wone owurema okuta ebhibhiibhi bhyawo. Kurwa ejo mbe, owiibhiikira ebhitiibha ku‑rusuku runu Nyamuwanga arisoosya indamu yaaye ya obhurengeresi.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Bafilipi 1:28

Ka wone enikena okuungwa ati, mutakuubhaya abhaanu bhanu abhabhareterera ebhinyaasyo noorwo na akatyari. Echo nicho echibharikisyo chinu echeeresya ati abheene abhaja mu‑kusingaarisibhwa, nawe emwe omuja mu‑kuchunguka. Ejo joone ni mirimu ja Nyamuwanga.

Bakolosai 1:12

Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

1 Batesalonika 2:14

Abhayiri bheeswe, emisango jinu ꞉jaabhwene abhaanu bhanu ꞉bheekirisiisye Kirisito Yeesu, mu‑makanisa ga Nyamuwanga mu‑mukoowa gwa Yuudeya, nijo jibhabhwene emwe wone. Abhaanu bheemwe ꞉bhaabhanyaasiisye emwe, rwa abheene kutyo bhaanyaasiibhwe na Abhayawudi bheejaabho.

2 Batesalonika 1:11

Kurwa ejo, echisabhwa Nyamuwanga weeswe bhuri rusuku ati, abhayaane obhuturo bhwa okwikara obhurame bhunu abhabhirikiiye mwikare. Ka wone, echimusabhwa ati, ku‑bhuturo bhwaye akuumisye bhuri musango gwa ekisi gunu omukena okukora na akuumisye bhuri musango gunu omukora mu‑riikirisya.

2 Timoteo 2:12

Araabha echiigumiirisya, chiritunga aamwi nage. Araabha echimurema, omwene wone arichirema.

Obhusweruro 15:4

Raatabhugenyi, niga unu atarikuramya? Raatabhugenyi, niga unu atarikuuya risiina ryawo? Okubha awe omwene era, niwe Omweru. Abhaanu bha amaanga goone bhariija na okukuramya, kwa okubha ebhikorwa bhyawo bhya obhurengeresi ebhibhonekana abhwerubhweru.”

Obhusweruro 16:7

Niwo ninuungwa obhuraka okusooka ku‑chigabhiro, nibhwayikaga ati, “Awe, Raatabhugenyi Nyamuwanga owa obhuturo bhwone, indamu yaawo ni ya echimari na ya obhurengeresi.”

Obhusweruro 19:2

okubha indamu yaaye ni ya chimari na ya rirenga. Aaramura omugasi omukuru urya eegusyaga okwibhonera ribhona unu ꞉aanyamuuye echaaro ku‑bhusengani bhwaye. Nyamuwanga aasubhya orusiima, inguru ya isagama ya abhakosi bhanu omugasi oyo ꞉eetire.”

Obhusweruro 3:4

Nawe mw‑ikanisa rya Sariidi eyo, agati yeemwe bhari‑wo bhatooto bhanu bhachaari okukootya emyenda jeebhwe kwa okukora ebhibhiibhi. Mbe, bharibha aamwi na anye na bharifwafibhwa emyenda emyeru, kwa okubha bheeyire bhafware kutyo.