2 Batesalonika 1:3 - Indagano Inyaaya mu-Chijita

³ Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

INDAGANO INYA:YA

³ Ba:na Ba:su, kuci:ire eswe okusi:ma Nyamuanga kurwemwe. Kuci:ire okukora kutyo, okuba okwikirisya kwemwe okwiyongesya, no kwendana kwemwe bo:ne okufura.

2 Batesalonika 1:3 ပူးပေါင်းရင်းမြစ်များ

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 17:5

Niwo, jitumwa jaaye nibhamubhwira ati, “Raatabhugenyi nuuchoongesye eriikirisya!”

Yowana 15:2

Bhuri tabhi rinu ritakutwasya amatwasyo keenu riri kw‑anye, Raata kaaritema okusooka kw‑anye. Nawe bhuri tabhi rinu eritwasya amatwasyo, Raata kaarikongorera korereki ritwasye amatwasyo maafu muno.

Barumi 1:8

Nyabharinyabhari, enisiima Nyamuwanga okutura ku‑Yeesu Kirisito, inguru yeemwe bhoone, kwa okubha emisango inguru ya eriikirisya ryemwe ejimenyekana mu‑chaaro choone.

1 Bakorinto 1:4

Enisiima Nyamuwanga omwanya gwone inguru yeemwe, ku‑songa ya obhwitiriranya bhunu abhayaaye ku‑njira ya Kirisito Yeesu.

2 Bakorinto 10:15

Ka wone chitakwikuuya inguru ya omurimu gwa abhaanu abhandi, omurimu gunu eswe ꞉chitaayaaywe. Tari echiiyikanya ati, rwa kutyo eriikirisya ryemwe erigenderera okukura, nikwo kutyo omurimu gweswe agati yeemwe guribhaga nigwiyongesya.

Baefeso 5:20

Bhuri rusuku, kw‑isiina rya Raatabhugenyi weeswe Yeesu Kirisito, musiimega Raata Nyamuwanga ku‑bhuri chiinu.

Bafilipi 1:7

Ni kisi anye niganirisye kutyo inguru yeemwe bhoone, kwa okubha enibheenda muno. Okubha anye na emwe, chiyaaywe obhwitiriranya bhwa okusangira emirimu aamwi, nibhe niri mw‑ibhoyero amwi nimbagira na okweresya echimari cha Emisango ja Ekisi kutyo jiri.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

1 Batesalonika 3:12

Raatabhugenyi abhoongesye eryenda, korereki mugenderere okwendana muno emwe abheene kwa abheene, mwende wone abhaanu abhandi bhoone, rwa kutyo eswe wone echibheenda.

1 Batesalonika 3:6

Woori, Timoteewo aasubhire okusooka kw‑imwe, aachibhwira emisango ja ekisi inguru ya eriikirisya ryemwe na eryenda ryemwe. Ka wone aachibhwira ati, omuchiichuka muno bhuri rusuku, muri na obhwira muno mubhugane na eswe, rwa kutyo eswe wone chiri na obhwira bhwa okubhugana na emwe.

1 Batesalonika 3:9

Nyamuwanga weeswe achiyaaye rikonderwa enene muno ku‑songa yeemwe! Chitakutura wuri noorwo na akatyari okusoosya risiima rya echimari inguru ya rikonderwa ryone eryo imbere yaaye.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

2 Batesalonika 2:1

Woori, abhayiri bheeswe, echibhakaamira inguru ya okusubha kwa Raatabhugenyi weeswe Yeesu Kirisito na kutyo chirikumanywa, korereki chibhe aamwi nage. Kurwa ejo, echibheerembeeresya ati,

2 Batesalonika 2:13

Nawe eswe, echikenwa chisiime Nyamuwanga bhuri rusuku ku‑songa yeemwe. Emwe abhayiri, mwenderwe na Raatabhugenyi Yeesu. Echisiima Nyamuwanga, kwa okubha ꞉aabhawuuwe, echiinu choonechoone chichaari okubhumbwa korereki muchungurwe. Muchunguuywe kwa okubha mwesibhwe na Mwoyo Mweru, ka wone mwikirisiisye echimari.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

2 Petero 1:13

Enirora ati, ni bhusibhusi nibhe nimbechukya inguru ya emisango ejo, omwanya gwone gunu nichaaramire mu‑mubhiri gunu guri rwa echiwuuna.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.