2 Batesalonika 1:12 - Indagano Inyaaya mu-Chijita

¹² Echisabhwa ejo, korereki risiina rya Raatabhugenyi weeswe Yeesu rikusibhwe ku‑jinu omumukorera, nyabhuriko emwe wone mukusibhwe ku‑jinu kaabhakorera. Ejo ejija okukorekana ku‑bhwitiriranya bhwa Nyamuwanga weeswe na obhwa Raatabhugenyi Yeesu Kirisito.

INDAGANO INYA:YA

¹² korereki risi:na rya Ratabugenyi Yesu Kristo rikusibwe mwimwe, okuba muri mu mwene, rwe cigongo ca Nyamuanga weswe na Ratabugenyi Yesu Kristo kutyo ciri.

2 Batesalonika 1:12 ပူးပေါင်းရင်းမြစ်များ

Yowana 17:10

Abhaanu bhaani bhoone ni bhaawo, ka wone abhaanu bhaawo bhoone ni bhaani. Rikusyo ryani risweruuywe okutura ku‑bheene.

Barumi 1:7

Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

1 Bakorinto 1:4

Enisiima Nyamuwanga omwanya gwone inguru yeemwe, ku‑songa ya obhwitiriranya bhunu abhayaaye ku‑njira ya Kirisito Yeesu.

2 Bakorinto 13:4

Ni chimari ati Kirisito ꞉aabhambirwe ku‑musarabha rwa omuunu omujorobhoke, nawe woori, ni muwanga ku‑bhuturo bhwa Nyamuwanga. Nyabhuriko eswe wone chiri bhajorobhoke rwa kutyo Kirisito aariga ari, nawe omuja okuchirora chiri bhaanga aamwi na omwene ku‑bhuturo bhwa Nyamuwanga.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

2 Batesalonika 1:10

Indamu eyo, irikorekana orusuku runu Raatabhugenyi ariija. Ariija korereki abheeru bhaaye bhoone bhanu bhamwikirisiisye, bhamukusye na okumuyaana echibharo. Emwe wone muribha agati yeebhwe, kwa okubha mwikirisiisye emisango jinu ꞉chaabhabhwiriiye.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.

Obhusweruro 1:4

Inyarubha inu, niikaamire anye Yowana. Enikaamira emwe abharuubhirisya bha Yeesu bha mu‑makanisa gataanu na gabhiri ganu gari mu‑chaaro cha Asiya Inooto. Enibhasabhirwa bhwitiriranya na omurembe okusooka ku‑Nyamuwanga unu ari‑wo, unu aariga ari‑wo na unu aribha‑wo, okusooka ku‑myoyo etaanu na ebhiri jinu jiri imbere ya echitebhe cha ingʼoma