2 Bakorinto 9:4 - Indagano Inyaaya mu-Chijita

⁴ Araabha nikaaja kw‑imwe eyo aamwi na Abhamakedooniya abhandi na okusongʼana ati muchaari okwimaririra, awo niwo omubha muchiswasiisye inguru ya obhwiyikanyo bhweswe kw‑imwe. Ka wone, emwe muribha na jiswaro jinyatatogorwa.

INDAGANO INYA:YA

⁴ Abamakedonia abandi baka:ja aamwi nanye, eswe, citakwaika ati emwe, eswe casiga kwiswara mu kwiikanya kunu, cikabasanga mute:ra:bire.

2 Bakorinto 9:4 ပူးပေါင်းရင်းမြစ်များ

Barumi 15:26

Abheekirisya bhanu bhari Makedooniya na Akaaya, ꞉bhaarorere ati ni kisi okusoroosya, korereki bhasakire abheekirisya abhataka bhanu bhari Yerusareemu erya.

1 Bakorinto 16:2

Ku‑bhuri rusuku rwa obhwoyo, bhuri muunu agati yeemwe abhiikega echibhiikwa okuruubhana na ribhona ryaye, korereki obhusoroosya bhwasiga okukorekana, omwanya gunu niribhaaja‑ko eyo.

2 Bakorinto 11:17

Emisango ja okwikuuya jinu enaayika woori, jitakusooka ku‑Raatabhugenyi, tari enaayika rwa omuunu omumuumu.

2 Bakorinto 8:24

Kurwa ejo, mweresye abhaanu abho eryenda ryemwe, korereki amakanisa gamenye ati, chiri na isonga ya okwikuuya inguru yeemwe.

2 Bakorinto 9:2

okubha nimenyere ati, muri na omwoyo gwa okusakira abhandi. Nikwo okukora eniikuuya inguru yeemwe ku‑bhaanu bha Makedooniya, nimbabhwiraga ati, emwe abhaanu bha mw‑ikanisa rya mu‑mukoowa gwa Akaaya, ꞉mwemariiriiye okusoosya okwambira omuguuga gunu guturire. Okwikomeesya kwemwe okwo, kukorere abhaanu bhaafu agati yeebhwe okubha na omwoyo gwa okusoosya.

Filemoni 1:19

Anye Pawuro, naakaama kwa okubhoko kwani omwene ati, nirikuriya. Nitakukena okukwichukya ati enikutonga, kwa okubha okuruubhana na okuraasya kwani, awe ꞉waachungukire.