2 Bakorinto 9:14 - Indagano Inyaaya mu-Chijita

¹⁴ Bharibhaga nibhabhasabhirwa ku‑Nyamuwanga kwa eryenda ryafu, ku‑songa ya obhwitiriranya bhwafu bhunu Nyamuwanga abhayaaye emwe.

INDAGANO INYA:YA

¹⁴ Abe:ne ababasabirwa no kubajirira jiŋumbu, okuba ecigongo ca Nyamuanga cisagiriye mwimwe.

2 Bakorinto 9:14 ပူးပေါင်းရင်းမြစ်များ

Ruuka 16:9

Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

Barumi 1:11

Enisabhwa kutyo, kwa okubha niri na obhwira muno bhwa okubhugana na emwe, korereki nirumatanye eriikirisya ryemwe kwa okubhayaana amabhando ga echinyamwoyo.

2 Bakorinto 1:11

Emwe musakirane na eswe mu‑kuchisabhirwa ku‑Nyamuwanga. Omwene koongwa risabhwa ryemwe na okuchiyaana amabhando. Kutyo, abhaanu bhaafu bharisiima Nyamuwanga inguru yeeswe, bhaakoongwa ati, aachiyaana obhwitiriranya okuruubhana na risabhwa ryemwe.

2 Bakorinto 8:1

Woori abhayiri bheeswe mu‑riikirisya, echeenda chibhabhwire kutyo obhwitiriranya bhwa Nyamuwanga ꞉bhwakorere emirimu mu‑bhaanu bha mu‑makanisa ga mu‑mukoowa gwa Makedooniya.

2 Bakorinto 9:13

Bharikusya Nyamuwanga, kwa okubha omurimu gwemwe ogweresya ati, muri bhakosi bha ekisi. Ka wone bharimukusya ku‑songa ya obhugayuki bhwemwe mu‑kwikirisya Emisango ja Ekisi inguru ya Kirisito, na ku‑songa ya obhufura bhwemwe bhwa okubhasakira na okusakira abhandi bhoone.

2 Bakorinto 9:15

Chisiimega Nyamuwanga ku‑chiyaanwa echinene cha okuruguusya, chinu achiyaaye.

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

Bafilipi 2:26

Enimwikirisisya kwa okubha keegomba okubhugana na emwe bhoone. Ka wone omwoyo gwaye ogusurumbara muno, kwa okubha ꞉mwoonguuwe ati aariga arwaye.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

1 Timoteo 1:14

Chimari, Raatabhugenyi weeswe Kirisito Yeesu ꞉aanyitiriiye obhwitiriranya bhwafu muno. Ka wone, ꞉aanaaye eriikirisya na eryenda mu‑kubha na obhumwi nage.