2 Bakorinto 9:13 - Indagano Inyaaya mu-Chijita

¹³ Bharikusya Nyamuwanga, kwa okubha omurimu gwemwe ogweresya ati, muri bhakosi bha ekisi. Ka wone bharimukusya ku‑songa ya obhugayuki bhwemwe mu‑kwikirisya Emisango ja Ekisi inguru ya Kirisito, na ku‑songa ya obhufura bhwemwe bhwa okubhasakira na okusakira abhandi bhoone.

INDAGANO INYA:YA

¹³ Okuba mu kusakwa kwemwe okwa mu kufurubenda kunu, abamukusya Nyamuanga kurwo kworoba kwemwe mu kutogora Ebigambo byo bwana ebya Kristo na kurwo bugabi bwemwe obwafu ku be:ne na ku bo:ne.

2 Bakorinto 9:13 ပူးပေါင်းရင်းမြစ်များ

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 9:8

Abhaanu bhejire bhaarora ejo, nibharuguura na okuubhaya muno. Nibhakusya Nyamuwanga unu ayaaye abhaanu obhuturo bhwa imbaga eyo.

Ruuka 6:46

“Ni kurwa ki omumbirikira ati ‘Raatabhugenyi, Raatabhugenyi,’ nawe emisango jinu enibhabhwira, mutakujikora?

Yowana 15:8

Araabha mukatwasya amatwasyo maafu na okubha abheeyigisibhwa bhaani bha echimari, omubha nimweresya abhwerubhweru rikusyo rya Raata waani.

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

Ebikorwa 4:21

Peetero na Yowana bhejire bhaamara okwayika kutyo, abhakuru abho nibhabhagonya kwa obhururu muno, nibhabhataatira bhagende. ꞉Bhataabhwene injira ya okubhabhuma, kwa okubha abhaanu bhoone bhaariga nibhakuuya Nyamuwanga muno inguru ya echiruguusyo echo.

Barumi 10:16

Noorwo kutyo, jitari ati Abhayisirayeeri bhoone ꞉bhaagayukire Emisango ja Ekisi ejo kwa okwikirisya Kirisito, abhaafu bhajiremere. Omuragi Iisaya ꞉aayikire ati, “Raatabhugenyi, niga unu eekirisya emisango jeeswe?”

Barumi 12:8

Omuunu unu ayaaywe echiyaanwa cha okusimbiisya abheejaabho, akore kutyo kisikisi. Omuunu unu ayaaywe echiyaanwa cha obhufura ku‑bhaanu, abhakume kwa omwoyo gwone. Omuunu unu ayaaywe echiyaanwa cha obhutangasya, atangasye mu‑bhwikomeesya bhwone. Omuunu unu ayaaywe echiyaanwa cha echigongo, afwire echigongo abhaanu kwa rikonderwa.

Barumi 15:31

Munsabhirwe ati, abhaanu bha mu‑mukoowa gwa Yuudeya bhanu bhatakwikirisya Yeesu Kirisito, bhaasiga okunkorera amabhiibhi. Ka wone, munsabhirwe ati, abheekirisya bha Yerusareemu erya, bheekirisye okuramira obhusakisi bhunu enija okubhasirira.

Barumi 16:26

nawe woori, bhwatuurwa abhweru. Okutura mu‑Bhikaame Ebhyeru bhya abharagi, obhutinge obhwo, obhumenyekana ku‑bhaanu bha amaanga goone ku‑chaaro. Nyamuwanga wa akajaanende koone, niwe aaragirira ati obhutinge obhwo bhuraasibhwe ku‑bhaanu bhoone, korereki abho wone bheekirisye na okugayuka Raatabhugenyi Yeesu.

2 Bakorinto 10:5

Echisingaarisya emisango joone jinu ejibhonekana okubha ja echimari keenu jiri ja orubheeyi, na emisango joone ja orwikuuya jinu ejireterera abhaanu bhasige okusombookerwa Nyamuwanga. Ka wone echigwata bhuri bhwiganirisya korereki bhugayuke Kirisito.

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

2 Bakorinto 8:4

Bhaariga nibhachiirembeeresya muno ati, bhabhone omwanya gwa okusangira ku‑mirimu ja okusakira abheekirisya bha Yerusareemu.

2 Bakorinto 9:14

Bharibhaga nibhabhasabhirwa ku‑Nyamuwanga kwa eryenda ryafu, ku‑songa ya obhwitiriranya bhwafu bhunu Nyamuwanga abhayaaye emwe.

Bagalatia 1:24

Mbe, nibhakusya Nyamuwanga inguru ya jinu aariga ankoreeye.

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

1 Timoteo 6:13

Enikuragirira imbere ya Nyamuwanga unu kaatuura obhuwanga mu‑bhiinu bhyone, na imbere ya Kirisito Yeesu unu ꞉aasoosiisye obhubhambaasi bhwa echimari imbere ya Pootiyo Piraato ati,

Baeburania 10:23

Chiikomeesye muno okugwatirira jinu echiikirisya na okwiyikanya, okubha Nyamuwanga unu ꞉aaragire, ni mwiyikanyibhwa.

Baeburania 13:16

Mugenderere okusakira abheejaanyu na okusangira aamwi nabho ebhiinu bhinu muri nabhyo, okubha okukora kutyo, nicho echoogo chinu echikondisya Nyamuwanga.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.