2 Bakorinto 8:9 - Indagano Inyaaya mu-Chijita

⁹ Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

INDAGANO INYA:YA

⁹ Okuba mumenyere ecigongo ca Ratabugenyi Yesu Kristo ati, nakabee ariga:ri muni:bi, nawe naba mutaka kurwemwe, korereki emwe mube bani:bi kurwo butaka bwae.

2 Bakorinto 8:9 ပူးပေါင်းရင်းမြစ်များ

Matayo 17:27

Nawe chaasiga okufuruurusya abhaanu bhanu, genda ku‑nyanja weese rirobho mu‑manji. Iiswi inu uritangata okukoma, uyaasamye omunwa gwayo, owuja okusongʼana‑mo ipirya. Ugege ipirya eyo, ugende untobhere rigooti utobhe na eryawo.”

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Matayo 8:20

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Mariko 6:3

Unu atari mubhuya wurya, omwana wa Maryamu? Abhamura bhaabho bhatari Yakobho, Yoose, Yuuda na Simooni? Angu, abhayara bhaabho bhatari bhanu chiikaaye nabho anu?” Nibhamubhiyirirwa, nibharema okumwikirisya.

Ruuka 16:11

Araabha mukarema okubha abheeyikanyibhwa ku‑bhuniibhi bhwa ku‑chaaro anu, niga unu aribheekirisya ku‑bhuniibhi bhwa echimari bhwa mu‑rwire?

Ruuka 2:7

ˆNeebhura omwana waaye wa obhubhere ari wa echirume. ˆNaamuswikira emyenda, ˆnaamumaamya mw‑itubha rya okuriisisya‑mo jiingʼa, kwa okubha ꞉bhataabhwene obhumaamo mu‑nju ya abhagenyi.

Ruuka 8:3

Aariga ari‑wo wone Yoana, omugasi wa Kuja. Kuja oyo, niwe aariga ari mubhiiki omukuru wa ebhiinu bhya omukama Yeroode Atipaasi. Aariga ari‑wo Susana, na abhagasi abhandi bhaafu, bhanu bhaasoosyaga ebhiinu bhyebhwe okusakira Yeesu na abheeyigisibhwa bhaaye.

Ruuka 9:58

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

Yowana 1:10

Omwene oyo aariga ari mu‑chaaro munu, ka wone Nyamuwanga ꞉aabhumbire echaaro okutura ku‑mwene. Nawe, abhaanu bha ku‑chaaro kunu ꞉bhataamusombookeeywe.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Yowana 12:30

Nawe Yeesu ˆnaabhwira abhaanu abho ati, “Obhuraka bhunu mwoongwa bhwari bhutari inguru yaani, tari inguru yeemwe.

Yowana 16:15

Bhyone bhinu Raata ari nabhyo ni bhyani. Nikwo okukora enaayika ati, Mwoyo oyo aribhabhwira joone jinu koongwa okusooka kw‑anye.

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

Barumi 11:12

Woori, araabha abhaanu bhanu bhatari Bhayisirayeeri ku‑chaaro choone, ꞉bhaabhwene obhwitiriranya bhwafu kwa okubha Abhayisirayeeri ꞉bhaaremere Kirisito, mbe bharibhona noorwo obhwitiriranya bhwafu muno omwanya gunu Abhayisirayeeri bharibhaga bhachungukire.

Barumi 15:3

Noorwo Kirisito omwene, ꞉ataakorere emisango ja okwikondisya omwene era. Tari jinu ꞉aakorere, jaariga jiri rwa kutyo Ebhikaame Ebhyeru ebhyayika ati, “Amafumo ganu abhakufuma Nyamuwanga, ꞉gaambwene noorwo anye.”

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

Barumi 8:32

Nyamuwanga ꞉ataafwiriiye echigongo Omwana waaye omwene, tari ꞉aamusoosiisye korereki afwe inguru yeeswe bhoone. Kurwa ejo, araabha ꞉aasoosiisye Omwana waaye inguru yeeswe, chimari arichiyaana amabhando goone okutura ku‑mwene!

1 Bakorinto 1:4

Enisiima Nyamuwanga omwanya gwone inguru yeemwe, ku‑songa ya obhwitiriranya bhunu abhayaaye ku‑njira ya Kirisito Yeesu.

1 Bakorinto 15:47

Omuunu wa okwamba, ꞉aamogerwe. Omuunu wa kabhiri, ꞉aasookereeye mu‑rwire.

2 Bakorinto 6:10

Ka wone echibhonekana wuti chisurumbaaye, nawe echikondererwa omwanya gwone. Echibhonekana wuti chiri bhataka, nawe chiniibhiisye bhaafu. Echibhonekana wuti chitari na echiinu choonechoone, nawe chiri na ebhiinu bhyone.

Baefeso 2:7

korereki eeresye ku‑bhoone ku‑mwanya gunu oguuja, obhwitiriranya bhwaye bhwafu muno ku‑bhwa ekisi bhwaye kw‑iswe bhunu bhuri mu‑Kirisito Yeesu.

Baefeso 3:19

Enibhasabhirwa ku‑Nyamuwanga mubhe na obhuturo bhwa okumenya eryenda rya Kirisito, noorwo kutyo ni nene muno mutakutura okurisombookerwa ryone kisi. Enisabhwa kutyo, korereki mwijusibhwe obhurame bhunu bhukuumiiye okusooka ku‑Nyamuwanga.

Baefeso 3:8

Anye, niri mutooto okukira omutooto woonewoone ku‑bheeru bhoone bha Nyamuwanga. Noorwo kutyo, naanye ꞉naayaaywe obhwitiriranya bhwa okuraasisya abhaanu bhanu bhatari Bhayawudi obhuniibhi bhwa Kirisito bhunu bhutari na indengo.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Obhusweruro 2:9

Enimenya ebhinyaasyo bhyemwe na obhutaka bhwemwe. Nawe chimari emwe muri bhaniibhi! Ka wone, enimenya amafumo ganu omufumwa. Amafumo ago agasoosibhwa na bhanu abheetoga ati, ni bhaana bha Nyamuwanga, nawe bhatari abhaana bha Nyamuwanga, abheene ni bharuubhirisya bha Syetaani.

Obhusweruro 21:7

Omuunu woonewoone unu ariyiga, nirimuyaana amabhando ago goone. Anye niribha Nyamuwanga waaye, omwene aribha omwana waani.

Obhusweruro 3:18

Kurwa ejo, enibhatongera mugure kw‑anye inaaryo inu yesiibhwe mu‑muriro korereki mubhe abhaniibhi. Mugure wone emyenda emyeru, muswikire obhutuyu bhwemwe korereki mutariiswara. Mugure omuti gwa okubhambaga ku‑meeso geemwe korereki mubhe na obhuturo bhwa okurora.