2 Bakorinto 8:8 - Indagano Inyaaya mu-Chijita

⁸ Nitakwayika ejo korereki nibharagirire, tari eneenda okurora araabha eryenda ryemwe ni rya echimari, kwa okweresya kutyo abhandi abheekomeesya okusakira.

INDAGANO INYA:YA

⁸ Nitakwaika eco ati ni ciragiro, nawe korereki nisake okumasya kwo kwenda kwemwe kurwo kukome:ra kwa bandi.

2 Bakorinto 8:8 ပူးပေါင်းရင်းမြစ်များ

Barumi 12:9

Mwende abheejaanyu kwa omutima omweru. Musige chimwi okukora obhujabhi, tari mukorega ja ekisi omwanya gwone.

1 Bakorinto 7:12

Woori enija okwayika na abheekirisya abhandi. Emisango jinu eneenda okwayika ni bhwiganirisya bhwani gatari amaragiriro ga Raatabhugenyi Yeesu. Araabha omurume omwikirisya atwaye omugasi unu atari mwikirisya, na omugasi oyo eekirisiisye okugenderera okwikara nage, omurume oyo, aasiga okutaana nage.

1 Bakorinto 7:25

Woori, ku‑bhayarakaji bhanu bhachaari okutwarwa, nitari na riragiriro okusooka ku‑Raatabhugenyi Yeesu. Nawe ku‑bhwiganirisya bhwani enibhatongera, anye unu niiyire okwiyikanyibhwa ku‑songa ya echigongo cha Nyamuwanga.

1 Bakorinto 7:6

Naabhabhwira emisango ejo okubheekirisisya era okusigana katungu kafuyi inguru ya okusabhwa, jitari ati enibhasinyiirisya.

2 Bakorinto 6:6

Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

2 Bakorinto 8:10

Woori, inguru ya obhusoroosya obhwo, enibhatongera gunu gwiyire kw‑imwe. Omuguuga gunu guturire, mwariga muri bha okwamba okweresya obhwira bhwa okusoroosya na bha okwamba okukora kutyo.

2 Bakorinto 8:24

Kurwa ejo, mweresye abhaanu abho eryenda ryemwe, korereki amakanisa gamenye ati, chiri na isonga ya okwikuuya inguru yeemwe.

2 Bakorinto 9:2

okubha nimenyere ati, muri na omwoyo gwa okusakira abhandi. Nikwo okukora eniikuuya inguru yeemwe ku‑bhaanu bha Makedooniya, nimbabhwiraga ati, emwe abhaanu bha mw‑ikanisa rya mu‑mukoowa gwa Akaaya, ꞉mwemariiriiye okusoosya okwambira omuguuga gunu guturire. Okwikomeesya kwemwe okwo, kukorere abhaanu bhaafu agati yeebhwe okubha na omwoyo gwa okusoosya.

2 Bakorinto 9:7

Bhuri muunu asoosye rwa kutyo aramuuye mu‑mwoyo gwaye, aasiga okusoosya kwa obhusurumbaaye noorwo kwa okusinyiirisibhwa, kwa okubha Nyamuwanga keenda omuunu unu kaasoosya akondeeywe.

Baefeso 4:15

Nawe, chibhwiranega na okukora echimari mu‑ryenda, echikura mu‑bhuri musango na okubha rwa Kirisito unu ari omutwe.

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

Baeburania 10:24

Ka wone cheenderwe chisimbiisyanye eswe abheene kwa abheene, korereki cheendane na okukoreraniraga eja ekisi.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,