2 Bakorinto 8:6 - Indagano Inyaaya mu-Chijita

⁶ Kurwa ejo, ꞉cheerembeeresiisye Tiito ati, aaje abhasakire okumara omurimu gwa obhwitiriranya ogwo, kwa okubha niwe ꞉aagwambisiisye kw‑imwe.

INDAGANO INYA:YA

⁶ Kwocakorere nicikomeresya Tito, ati, rwa kutyo ambire kara, nikwo kutyo aku:misye omurimu gunu gwa ribando mwimwe.

2 Bakorinto 8:6 ပူးပေါင်းရင်းမြစ်များ

Ebikorwa 24:17

“Mbe, emiguuga ꞉jaaturire myafu ꞉niteejire Yerusareemu. Nejire neeya niniija korereki nireete obhusakisi ku‑Bhayawudi bheejaasu abhataka na okusoosya echitambwa ku‑Nyamuwanga.

Barumi 15:25

Woori kutya, enija Yerusareemu okusira obhusakisi ku‑bheekirisya abheejaasu bha ende‑yo.

2 Bakorinto 12:18

꞉Neerembeeresiisye Tiito aaje kw‑imwe, aamwi na omuyiri weeswe owundi mu‑riikirisya. Woori, Tiito ꞉aabhateesiisye echiinu choonechoone? Angu, mutakurora ati anye na omwene chiri chiinu chimwi ku‑mirimu, ka wone noorwo akatungiiywe keeswe ni kamwi?

2 Bakorinto 2:13

Nawe ꞉niteeyunguuywe kisi mu‑mwoyo gwani, kwa okubha ꞉nitaasongʼeene‑yo Tiito, omuyiri waani mu‑riikirisya. Kurwa ejo, nindaga abhaanu bheende eyo, ninsooka‑wo ningenda Makedooniya.

2 Bakorinto 8:10

Woori, inguru ya obhusoroosya obhwo, enibhatongera gunu gwiyire kw‑imwe. Omuguuga gunu guturire, mwariga muri bha okwamba okweresya obhwira bhwa okusoroosya na bha okwamba okukora kutyo.

2 Bakorinto 8:19

Okukira‑wo ogwo, amakanisa gaasora omuyiri oyo mu‑riikirisya korereki aruubhane na eswe omwanya gunu echisira obhusoroosya ku‑bheekirisya bha Yerusareemu. Emirimu ja obhwitiriranya ejo ejikora Raatabhugenyi akusibhwe, ka wone ejeeresya kutyo chiri na omwoyo gwa okusakira abhandi.

2 Bakorinto 8:23

Woori araabha omuunu keenda okusombookerwa emisango inguru ya Tiito, omwene ni mukosi weejaasu, unu kaakora emirimu aamwi na anye ku‑njira ya okubhasakira emwe. Araabha omuunu keenda okusombookerwa emisango inguru ya abhandi bhanu abhaaja aamwi nage, abho ni bhayiri bheeswe mu‑riikirisya, bhatumirwe na amakanisa, abheene wone abhakusya Kirisito.

2 Bakorinto 8:4

Bhaariga nibhachiirembeeresya muno ati, bhabhone omwanya gwa okusangira ku‑mirimu ja okusakira abheekirisya bha Yerusareemu.

2 Bakorinto 9:5

Kurwa ejo, naarora ati ni kisi nisabhwe abhayiri bheeswe bhanu mu‑riikirisya, bhatangate okuuja kw‑imwe eyo, korereki bhakumanye ebhiinu bhinu ꞉mwaragire okusoosya. Ku‑njira eyo, muribhaga musoosisye kwa kwenda, kutari mu‑kusinyirisibhwa.

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.