2 Bakorinto 8:23 - Indagano Inyaaya mu-Chijita

²³ Woori araabha omuunu keenda okusombookerwa emisango inguru ya Tiito, omwene ni mukosi weejaasu, unu kaakora emirimu aamwi na anye ku‑njira ya okubhasakira emwe. Araabha omuunu keenda okusombookerwa emisango inguru ya abhandi bhanu abhaaja aamwi nage, abho ni bhayiri bheeswe mu‑riikirisya, bhatumirwe na amakanisa, abheene wone abhakusya Kirisito.

INDAGANO INYA:YA

²³ Mumenye ebya Tito ati, niwe asangiye nanye ka niwe omukosi we:ja:su kurwemwe. Ne bya ba:su, mumenye ati, nibo jintumwa ja jikanisa, abo niryo rikusyo rya Kristo.

2 Bakorinto 8:23 ပူးပေါင်းရင်းမြစ်များ

Ruuka 5:10

Mu‑ngama eyindi irya, aariga ari‑mo Yakobho na Yowana, abhaana bha Jebhedaayo. Abhamura abho bhaariga nibhasangira aamwi na Simooni emirimu ja okutega. Bhoone abho nibharuguura inguru ya jinu ꞉jaakorekeene. Yeesu ˆnaabhwira Simooni ati, “Siga okuubhaya! Okwambira woori owuja okubha nuwukumanyisya abhaanu rwa kutyo waariga nuutega jiiswi.”

Ruuka 5:7

Nibhawungisya amabhoko abheejaabho bhanu bhaariga bhari mu‑ngama eyindi irya, korereki bhaaje okubhasakira. Bhejire bhaaja ꞉bheejusiisye jiiswi jingama joone ebhiri, jingama ejo nijirebherera okusika.

Yowana 13:16

Ni chimari enibhabhwira ati, omugaya atakutura okubha omukuru okukira omwami waaye, ka wone unu kaatumwa atakutura okubha omukuru okukira unu kaamutuma.

1 Bakorinto 11:7

Jiteeyire ku‑murume okuswikira omutwe, kwa okubha omwene ni chijekekanyo cha Nyamuwanga, ka wone keeresya rikusyo rya Nyamuwanga. Nawe omugasi keeresya rikusyo rya omurume waaye.

2 Bakorinto 12:18

꞉Neerembeeresiisye Tiito aaje kw‑imwe, aamwi na omuyiri weeswe owundi mu‑riikirisya. Woori, Tiito ꞉aabhateesiisye echiinu choonechoone? Angu, mutakurora ati anye na omwene chiri chiinu chimwi ku‑mirimu, ka wone noorwo akatungiiywe keeswe ni kamwi?

2 Bakorinto 7:6

Nawe Nyamuwanga unu kaafungʼamya abha obhusurumbaaye, ꞉aachifungʼamiisye mu‑kuuja kwa Tiito.

2 Bakorinto 8:16

Enisiima Nyamuwanga unu ayaaye Tiito omwoyo gwa okubhasakira, rwa gunu anye wone niri nagwo.

2 Bakorinto 8:18

Aamwi na Tiito, echituma wone na omuyiri weeswe owundi mu‑riikirisya, unu jikuma jaaye ku‑mirimu ja okuraasya Emisango ja Ekisi jiswireene mu‑makanisa goone.

2 Bakorinto 8:19

Okukira‑wo ogwo, amakanisa gaasora omuyiri oyo mu‑riikirisya korereki aruubhane na eswe omwanya gunu echisira obhusoroosya ku‑bheekirisya bha Yerusareemu. Emirimu ja obhwitiriranya ejo ejikora Raatabhugenyi akusibhwe, ka wone ejeeresya kutyo chiri na omwoyo gwa okusakira abhandi.

2 Bakorinto 8:22

Echituma wone omuyiri weeswe owundi mu‑riikirisya, aruubhane aamwi na bha Tiito. Omuyiri weeswe oyo, ꞉chaamurorere kwiya kaafu ku‑misango myafumyafu ati, ari na obhwira bhunene bhwa okukora emirimu, na woori ari na obhwira bhunene muno okukira bhunu aariga ari nabhwo ku‑bhwambiro, kwa okubha ari na obhwiyikanyo obhunene kw‑imwe.

2 Bakorinto 8:6

Kurwa ejo, ꞉cheerembeeresiisye Tiito ati, aaje abhasakire okumara omurimu gwa obhwitiriranya ogwo, kwa okubha niwe ꞉aagwambisiisye kw‑imwe.

Bafilipi 2:25

Emwe, ꞉mwatumire Epafurodiito kw‑anye okusankira na okufurubhendera obhukene bhwani. Woori, enirora ati ni kisi nimutume rindi kw‑imwe. Omwene ni mwikirisya oweejaasu, omukosi weejaasu wa emirimu ja Nyamuwanga na ni musirikare oweejaasu mu‑kurwanirira Emisango ja Ekisi.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

Bakolosai 1:7

Emwe, ꞉mweeyigisiibhwe Emisango ja Ekisi ejo na Epaafura. Omwene ni weejaasu omwendwa na omukosi omwiyikanyibhwa wa Kirisito inguru yeemwe.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

Tiito 1:4

Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.

Filemoni 1:17

Mbe woori, araabha owumenya ati anye niri na obhumwi na awe, nuumuramire rwa kutyo wakandamiiye anye.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

3 Yoana 1:8

Kurwa ejo, eswe wone, echikenwa okusakira abhaanu rwa abho. Kwa okukora kutyo, echibha chisangiiye aamwi nabho ku‑mirimu ja okuraasya echimari.