2 Bakorinto 8:21 - Indagano Inyaaya mu-Chijita

²¹ Obhukarariiye bhweswe, ni kukora jinu jiri ja ekisi, jitari imbere ya Raatabhugenyi era, nawe na imbere ya abhaanu wone.

INDAGANO INYA:YA

²¹ Ecicumacuma ebyo bwana, tari imbere ya Ratabugenyi era, nawe na imbere ya ba:nu one.

2 Bakorinto 8:21 ပူးပေါင်းရင်းမြစ်များ

Matayo 23:5

Joone jinu abhakora, abhakora korereki bharorwe na bhaanu. Abheebhoyaga ku‑bhisuusu na ku‑mabhoko jikobha jinene okukira bhya abhandi bhinu bhakaamire‑ko ebhiraagiro. Ka wone abhoongesya‑ko ebhisangʼarye bhya ku‑bhufunyiro bhwa emyenda jeebhwe bhibhe bhireera okukira bhya abhandi.

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Matayo 6:1

“Mwiyangarire! Mwasiga okukora ebhikorwa bhya ekisi korereki abhaanu bhabharore. Araabha mukakora kutyo, mutariramira echiyaanwa choonechoone okusooka kw‑Isomwana unu ari mu‑rwire.

Matayo 6:4

korereki obhusakisi bhwawo, bhubhega bhwa mbisike. Mukakora kutyo, Esomwana unu kaarora mu‑mbisike, arikuyaana echiyaanwa.

Barumi 12:17

Omwanya gunu abhaanu abhabhakorera emibhiibhi, mwasiga okubhasubhisya obhubhiibhi ku‑bhubhiibhi. Tari, mwanya gwone, muchaari okukora gwonegwone, mwiganirisye okwamba, niwo mukore jinu abhaanu bhoone abhaja okurora ati ni ja kisi.

Barumi 14:18

Omuunu woonewoone unu kaakorera emirimu Kirisito ku‑njira eyo, kaakondisya Nyamuwanga, ka wone keekirisibhwa na abhaanu.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 8:20

Chitakwenda okuyaanwa amasoro na omuunu woonewoone inguru ya obhwimereegururu bhweswe bhwa okusira ebhiinu bhinu abhaanu bhasoosiisye mu‑bhufura bhwebhwe.

2 Bakorinto 8:22

Echituma wone omuyiri weeswe owundi mu‑riikirisya, aruubhane aamwi na bha Tiito. Omuyiri weeswe oyo, ꞉chaamurorere kwiya kaafu ku‑misango myafumyafu ati, ari na obhwira bhunene bhwa okukora emirimu, na woori ari na obhwira bhunene muno okukira bhunu aariga ari nabhwo ku‑bhwambiro, kwa okubha ari na obhwiyikanyo obhunene kw‑imwe.

Bafilipi 4:8

Ku‑bhuteero, abhayiri bhaani, emisango ja echimari, emisango jinu jiiyire jiyanwe echibharo, emisango ja obhurengeresi, emisango emyeru, emisango jinu ejikondisya, emisango jinu jiri ja ekisi, emisango jinu jiiyire okukuuyibhwa, ejo nijo mwiganirisye.

1 Batesalonika 5:22

ka mwikenge obhubhiibhi bhwone bhwa bhuri mbaga.

1 Timoteo 3:7

Tari, abhe omuunu unu kaayikwa kisi noorwo na bhanyateekirisya, korereki aasiga okwayikwa kubhiibhi na okukomwa mu‑rutuura rwa Syetaani.

1 Timoteo 5:14

Woori, anye enikena abhatumbagasi abhasigaji, bhabhe nibhatwarwa, bheebhure abhaana na okwangarira jinyuumba jeebhwe abheene, korereki abhasoko bheeswe bhaasiga okuchayika kubhiibhi.

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.