2 Bakorinto 8:18 - Indagano Inyaaya mu-Chijita

¹⁸ Aamwi na Tiito, echituma wone na omuyiri weeswe owundi mu‑riikirisya, unu jikuma jaaye ku‑mirimu ja okuraasya Emisango ja Ekisi jiswireene mu‑makanisa goone.

INDAGANO INYA:YA

¹⁸ Nicituma owa:su aamwi nage, unu kakuibwa mu Bigambo byo bwana mu kanisa jo:ne.

2 Bakorinto 8:18 ပူးပေါင်းရင်းမြစ်များ

Barumi 16:4

na bhaariga bhari yeeyi okusingaarisya obhurame bhwebhwe inguru yaani. Nitari anye era unu enibhasiima, tari noorwo abheekirisya bhanu bhatari Bhayawudi mu‑makanisa goone, abhabhasiima muno. Ka wone, mukeesye abheekirisya bhanu abheekumanyaga mu‑nju yeebhwe.

1 Bakorinto 16:3

Omwanya gunu nirikinga eyo, nirituma na jinyarubha ja okumenyesya abhaanu bhanu muryawura korereki bhasire obhusoroosya obhwo mw‑ikanisa rya Yerusareemu.

1 Bakorinto 4:17

Ku‑songa eyo, ꞉naatumire Timoteewo, omwana waani omwendwa, unu ari mwiyikanyibhwa ku‑mirimu ja Raatabhugenyi. Omwene kaja okubheechukya kutyo anye eniruubha Kirisito, jiri rwa kutyo eniiyigisya abhaanu bhuri rubhaara mu‑makanisa goone.

1 Bakorinto 7:17

Bhuri muunu eekare okuruubhana na obhutinge bhwa Raatabhugenyi, ka wone asigare rwa kutyo aariga ari, omwanya gunu Nyamuwanga ꞉aamubhirikiiye. Nikwo kutyo eniragirira mu‑makanisa goone.

2 Bakorinto 12:18

꞉Neerembeeresiisye Tiito aaje kw‑imwe, aamwi na omuyiri weeswe owundi mu‑riikirisya. Woori, Tiito ꞉aabhateesiisye echiinu choonechoone? Angu, mutakurora ati anye na omwene chiri chiinu chimwi ku‑mirimu, ka wone noorwo akatungiiywe keeswe ni kamwi?

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

2 Bakorinto 8:19

Okukira‑wo ogwo, amakanisa gaasora omuyiri oyo mu‑riikirisya korereki aruubhane na eswe omwanya gunu echisira obhusoroosya ku‑bheekirisya bha Yerusareemu. Emirimu ja obhwitiriranya ejo ejikora Raatabhugenyi akusibhwe, ka wone ejeeresya kutyo chiri na omwoyo gwa okusakira abhandi.