2 Bakorinto 8:12 - Indagano Inyaaya mu-Chijita

¹² Araabha omuunu ari na omwoyo gwa okusakira, Nyamuwanga kaaramira bhuri chiinu chinu omuunu kaasoosya okuruubhana na bhinu ari nabhyo. Nyamuwanga atakutonga echiinu chinu omuunu atari nacho.

INDAGANO INYA:YA

¹² Okuba okwenda kukaba kurio, omu:nu ke:kirisibwa, rwa binu anabyo kutyo biri, tari rwa binu atanabyo.

2 Bakorinto 8:12 ပူးပေါင်းရင်းမြစ်များ

Matayo 25:17

Kutyokutyo, omugaya unu ꞉aayaaywe jitaranta ebhiri, ˆnaagenda okukora ebhyasara na okubhona jitaranta ejindi ebhiri.

Matayo 25:22

“Omugaya unu ꞉aayaaywe jitaranta ebhiri, wone ˆnaaja na jitaranta ebhiri ejindi, ˆnaabhwira omwami waaye ati, ‘Mwami waani, ꞉waanaaye jitaranta ebhiri korereki nijikorere emirimu. Ringira, nibhwene jitaranta ejindi ebhiri jinu.’

Ruuka 16:10

“Omuunu omwiyikanyibhwa ku‑misango emitooto, ni mwiyikanyibhwa noorwo ku‑misango eminene. Nyabhuriko, omuunu unu atari mwiyikanyibhwa ku‑misango emitooto, ataribha omwiyikanyibhwa noorwo ku‑misango eminene.

2 Bakorinto 8:11

Woori, mukuumisye omurimu ogwo mu‑bhwira bhuryabhurya bhunu mwariga muri nabhwo omwanya gunu ꞉mweendere okugwamba, mwisoosye okuruubhana na bhinu muri nabhyo.

2 Bakorinto 8:13

Obhukarariiye bhwani, bhutari ati, emwe munyaake na omugugu gwa okusakira abhandi, korereki abheene bhabhe‑mo kisi,

2 Bakorinto 8:19

Okukira‑wo ogwo, amakanisa gaasora omuyiri oyo mu‑riikirisya korereki aruubhane na eswe omwanya gunu echisira obhusoroosya ku‑bheekirisya bha Yerusareemu. Emirimu ja obhwitiriranya ejo ejikora Raatabhugenyi akusibhwe, ka wone ejeeresya kutyo chiri na omwoyo gwa okusakira abhandi.

2 Bakorinto 9:7

Bhuri muunu asoosye rwa kutyo aramuuye mu‑mwoyo gwaye, aasiga okusoosya kwa obhusurumbaaye noorwo kwa okusinyiirisibhwa, kwa okubha Nyamuwanga keenda omuunu unu kaasoosya akondeeywe.

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.