2 Bakorinto 7:2 - Indagano Inyaaya mu-Chijita

² Muchiyaane omwanya mu‑myoyo jeemwe, kwa okubha ꞉chitaakayiiye omuunu woonewoone, ꞉chitaayabhyisye woonewoone, ka wone ꞉chitaajigire woonewoone.

INDAGANO INYA:YA

² Muci:gurire myoyo jemwe. Cicariga kujimya mu:nu. Cicariga kunyamura mu:nu wo:ne. Cicariga kurya ca mu:nu wo:ne.

2 Bakorinto 7:2 ပူးပေါင်းရင်းမြစ်များ

Matayo 10:14

Araabha mukeengira mu‑nju yooneyoone amwi mu‑musi gwonegwone na abhaanu bheende‑mo nibharema okubhakuma, na okubhategeresya, mukasooka mu‑nju eyo, amwi mu‑musi ogwo, mukuukumure oruteeri rwa ku‑maguru geemwe.

Matayo 10:40

“Omuunu woonewoone unu kaabhakuma, kaabha aankumire. Ka wone, omuunu woonewoone unu kaankuma, kaabha akumire Nyamuwanga unu antumire.

Ruuka 10:8

“Omusi gwonegwone gunu omuja okwingira‑mo, abheende‑mo bhaakabhakuma, murye ebhiryo bhyonebhyone bhinu abhaja okubhayaana.

Ebikorwa 20:33

꞉Niteegombere jipirya ja omuunu woonewoone, noorwo inaaryo, noorwo emyenda jaaye.

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

2 Bakorinto 11:16

Enibhabhwira rindi ati, omuunu woonewoone asige okwitogera ati anye niri mumuumu! Nawe noorwo kutyo omwitogera ati anye niri mumuumu, enibhasabhwa muntegeresye, korereki anye wone niikuuye kutooto.

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

Bafilipi 2:29

Mumuramire mukondeeywe muno kwa okubha ni weejaanyu mu‑kwikirisya Raatabhugenyi Yeesu. Abhaanu rwa oyo mubhayaanega echibharo,

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

1 Batesalonika 2:10

Emwe omumenya, Nyamuwanga wone kaamenya ati, bhunu ꞉cheekaaye kw‑imwe abheekirisya, itungwa yeeswe yaariga iri ya ekisi na eya obhurengeresi, ka wone chaariga chitari na esoro.

Filemoni 1:12

Woori enimusubhya kw‑awe, noorwo kutyo nimwendere kwa omwoyo gwani gwone.

Filemoni 1:17

Mbe woori, araabha owumenya ati anye niri na obhumwi na awe, nuumuramire rwa kutyo wakandamiiye anye.

2 Yoana 1:10

Mbe, omuunu woonewoone akaaja kw‑imwe unu atakwiyigisya echimari inguru ya Kirisito, mwasiga okumukuma mu‑misi jeemwe, ka wone mwasiga okumukeesya rwa omwikirisya oweejaanyu.