2 Bakorinto 7:15 - Indagano Inyaaya mu-Chijita

¹⁵ Eryenda rya Tiito kw‑imwe, erigenderera okwiyongesya chimwichimwi, omwanya gunu keechuka obhugayuki bhwemwe bhwone na kutyo ꞉mwamuramiiye kwa echibharo na mu‑kuyarara.

INDAGANO INYA:YA

¹⁵ No kwenda kwae kwimwe nikwiyongesya muno, wora e:cuka okworoba kwemwe, rwa kutyo mwamukumire no bu:ba no kuyarara.

2 Bakorinto 7:15 ပူးပေါင်းရင်းမြစ်များ

Yowana 16:21

Emisango ejo, jiri rwa omugasi unu kaarumwa obhusungu, omwanya gwaye gwa okwibhura gukakinga. Nawe akamara okwibhura, kaarabhirwa chimwi obhusungu obhwo inguru ya rikonderwa rya okwibhura omwana ku‑chaaro kunu.

Ebikorwa 16:29

Awo, omuriisi oyo ˆnaaragirira ati idara iretwe. ˆNeengira mw‑ibhoyero omwo bhwangwebhwangwe, ˆnaagwa imbere ya Pawuro na Siira ˆnaayararaga.

1 Bakorinto 2:3

Omwanya ogwo naariga nijorobhokere, naariga ninuubhaya, okukingira okuyarara muno.

2 Bakorinto 2:9

Omusango ogundi gunu ꞉gwakorere nimbakaamira inyarubha irya, gwariga guri kubharegeeja, korereki nimenye araabha mwakangayukire mu‑joone.

2 Bakorinto 6:12

Eswe chichaariga okusiga okubheenda, tari emwe neemwe musigire okucheenda eswe.

Baefeso 6:5

Emwe abhagaya, mugayukega abhaami bheemwe bha echinyamubhiri mu‑bhuubha na mu‑kuyarara. Mukorega kutyo, mu‑mutima omweru, rwa kutyo omukorera Kirisito.

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

2 Batesalonika 3:14

Araabha omuunu woonewoone, atakwenda okuruubha emisango jeeswe jinu jiri ku‑nyarubha inu, mwikenge omuunu oyo. Musige okubha na obhumwi nage, korereki eesware.

1 Yoana 3:17

Araabha omuunu ari na ebhiinu bhya okumusakira ku‑bhurame bhwa ku‑chaaro anu, ka wone kaamenya ati oweejaabho ari na obhukene, nawe atari na omwoyo gwa echigongo gwa okumusakira, chimari, eryenda rya Nyamuwanga eribha kutiki mu‑mwoyo gwaye?