2 Bakorinto 7:14 - Indagano Inyaaya mu-Chijita

¹⁴ Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

INDAGANO INYA:YA

¹⁴ Araba nabaku:isye ku mwene mu cigambo come, mbe nite:swarire. Nawe rwa kutyo cababwiriye byone bye cimari, nikwo kutyo ebyo cabaku:isye ku Tito one ni bya cimari.

2 Bakorinto 7:14 ပူးပေါင်းရင်းမြစ်များ

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

2 Bakorinto 10:8

Noorwo kutyo eniikuuya muno inguru ya obhuturo bhunu Raatabhugenyi achiyaaye, nawe nitakurora swaro kwa okubha obhuturo obhwo bhutari bhwa okubhanyamura, tari ni bhwa okubharumatanya mu‑riikirisya.

2 Bakorinto 12:6

Noorwo araabha naakeendere okwikuuya, nitaakabheeye omutaamutaamu, kwa okubha naakabheeye ninaayika echimari. Nawe eniyingirira okwikuuya, korereki omuunu woonewoone aasiga okundora ati, niri wa ngʼoryo muno okukira jinu abharora na okuungwa okusooka kw‑anye.

2 Bakorinto 2:13

Nawe ꞉niteeyunguuywe kisi mu‑mwoyo gwani, kwa okubha ꞉nitaasongʼeene‑yo Tiito, omuyiri waani mu‑riikirisya. Kurwa ejo, nindaga abhaanu bheende eyo, ninsooka‑wo ningenda Makedooniya.

2 Bakorinto 7:13

Ku‑gwo, mwachifungʼamya. Okukira‑wo ogwo, ꞉chaakondeeywe muno omwanya gunu ꞉chaarorere Tiito kutyo aariga ˆnaakondererwa, kwa okubha emwe bhoone ꞉mwakondisiisye omwoyo gwaye.

2 Bakorinto 7:4

Enaayika na emwe kwa ebhaasi nene, ka wone eniikuuya muno inguru yeemwe. Mwanfungʼamya muno na mwakora nibhe na rikonderwa enene, noorwo kutyo echinyaasibhwa muno.

2 Bakorinto 7:6

Nawe Nyamuwanga unu kaafungʼamya abha obhusurumbaaye, ꞉aachifungʼamiisye mu‑kuuja kwa Tiito.

2 Bakorinto 8:24

Kurwa ejo, mweresye abhaanu abho eryenda ryemwe, korereki amakanisa gamenye ati, chiri na isonga ya okwikuuya inguru yeemwe.

Bafilipi 1:26

Omwanya gunu niribha aamwi na emwe, muribha na rikusyo muno inguru ya Kirisito Yeesu kwa okubha kaabha ansakiiye okusubha rindi kw‑imwe.

2 Batesalonika 1:4

Eswe wone, echikonderwa muno bhunu echisimura inguru yeemwe, mu‑makanisa ga Nyamuwanga. Echikondererwa kutyo omugenderera na obhwigumiirisya bhwemwe na eriikirisya ryemwe noorwo mu‑bhinyaasyo bhyone bhinu omubhona.