2 Bakorinto 7:11 - Indagano Inyaaya mu-Chijita

¹¹ Ringira kutyo obhusurumbaaye obhwo Nyamuwanga ꞉aakarariiye, obhubhareterera omuriiro omunene! Bhwareterera obhwira bhunene bhwa okukora jinu jiiyire, bhwabhareterera okwibhagira ku‑jinu omukora. Ka wone bhwabhakora mubhiyirirwe ebhibhiibhi, bhwabhakora muramye Nyamuwanga, okwigomba okundora, na okwikomeesya okurora ati unu ꞉aakayire, aaramira ebhitiibha bhyaye. Ku‑njira ejo joone, mweresya ati mutari na echikayo ku‑misango ejo.

INDAGANO INYA:YA

¹¹ Okuba okusurumbara rwa kutyo Nyamuanga kenda, murore rwa kutyo kwabare:tee emwe okukome:ra kwafu, ka no kwirwanirira, ka no kubiirwa, ka no bu:ba, ka no kukarara, ka no kwikome:sya, ka no kusubya orusi:ma! Mu byone mweeresisye ati, muri be:ru mu cigambo eco.

2 Bakorinto 7:11 ပူးပေါင်းရင်းမြစ်များ

Mariko 3:5

Yeesu ˆnaaroreerera nekeneke Abhafarisaayo bhoone abhiyiriiywega, keenu asurumbaayega inguru ya obhukomeeye bhwa emyoyo jeebhwe. Niwo ˆnaabhwira omuunu oyo ati, “Gorora okubhoko kwawo.” Omuunu oyo ˆnaakugorora, awoawo ˆnaawora!

Yowana 2:17

Abheeyigisibhwa bhaaye bhejire bhoongwa ejo, nibheechuka emisango jinu jikaamirwe mu‑Bhikaame Ebhyeru ati, “Eryenda ryani inguru ya inju yaawo ni ryafu muno, na erija okundeetera orufu.”

Ebikorwa 17:16

Omwanya gunu Pawuro aarindiriraga Siira na Timoteewo mu‑musi gwa Ateene awo, ˆnaarora ati, omusi ogwo gwone gwijuuye amasusano ga amasambwa. Ejire aarora kutyo, omwoyo gwaye nigusurumbara muno.

Barumi 11:20

Omusango ogwo ni gwa echimari. Amatabhi ago ꞉gaatemerwe kwa okubha ꞉gateekirisiisye, tari awe urumateene kwa okubha owikirisya. Kurwa ejo, waasiga okwikuuya, tari uubhaye Nyamuwanga.

Barumi 14:18

Omuunu woonewoone unu kaakorera emirimu Kirisito ku‑njira eyo, kaakondisya Nyamuwanga, ka wone keekirisibhwa na abhaanu.

Barumi 3:5

Nawe, abhaanu abhandi abhatura okwayika ati, “Ebhibhiibhi bhyeswe, eswe Abhayawudi, nibhyo ebhyeresya ati Nyamuwanga ni murengeresi ku‑ndamu yaaye. Kurwa ejo, araabha kaachiyaana ebhitiibha, chaayike ati atari murengeresi chimwi?”

1 Bakorinto 12:25

korereki omubhiri gwasiga okwawukana, tari ebhiwuga bhyone bhisakirane.

1 Bakorinto 5:2

Kurwa ki emwe omwikuuya? Ni akiri mukasurumbaaye na okusoosya agati yeemwe omuunu unu kaakora ejo!

2 Bakorinto 13:7

Echisabhwa Nyamuwanga ati, mwasiga okukora omusango omubhiibhi gwonegwone, jitari ati, kwa okubha eswe echeenda chibhonekane ati chaakuumisiisye indengo eyo. Tari echeenda emwe mukore ja ekisi, noorwo kutyo ejibhonekana ati eswe chaataamibhwa.

2 Bakorinto 2:6

Echitiibha chinu omuunu oyo ꞉aabhwene okusooka mu‑bhaafu kw‑imwe, chimwiyire.

2 Bakorinto 6:4

Tari, echeeresya mu‑misango joone ati, eswe chiri bhakosi bha Nyamuwanga. Echiigumiirisya muno mu‑bhinyaasyo, mu‑nyaako na mu‑bhukomeeye,

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

2 Bakorinto 7:7

Jitari ati, ꞉chaafungʼamiibhwe mu‑kuuja kwa Tiito era, tari ꞉chaafungʼamiibhwe noorwo okuruubhana na kutyo ꞉mwamufungʼamiisye. ꞉Aachibhwiriiye kutyo omwigomba okundora, kutyo omusurumbara na okunnyaakirira. Ejo jaankora nikonderwe muno.

2 Bakorinto 7:9

Nawe woori, enikonderwa ati ꞉naakaamire inyarubha irya, itari kwa okubha ꞉mwasurumbasiibhwe, tari kwa okubha obhusurumbaaye bhwemwe, ꞉bhwabhakorere mute ebhibhiibhi bhyemwe. ꞉Mwasurumbasiibhwe rwa kutyo Nyamuwanga ꞉aakarariiye, kurwa ejo, eswe ꞉chitaabhawutaasisye ku‑njira yooneyoone irya.

2 Bakorinto 9:2

okubha nimenyere ati, muri na omwoyo gwa okusakira abhandi. Nikwo okukora eniikuuya inguru yeemwe ku‑bhaanu bha Makedooniya, nimbabhwiraga ati, emwe abhaanu bha mw‑ikanisa rya mu‑mukoowa gwa Akaaya, ꞉mwemariiriiye okusoosya okwambira omuguuga gunu guturire. Okwikomeesya kwemwe okwo, kukorere abhaanu bhaafu agati yeebhwe okubha na omwoyo gwa okusoosya.

Baefeso 4:26

Mukabhiyirwa mutaja okukora echibhiibhi, noorwo risuubha risige okugwa, risungu richaari okubheeka.

Baefeso 5:11

Musigega okusangira ebhikorwa ebhibhiibhi bhya mu‑chisuute bhinu bhanyatagayuka abhakora. Akiri mubhiswerure, korereki bhibhe abhweru.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

1 Batesalonika 4:6

Kurwa ejo, omuunu woonewoone asige okukayira oweejaabho, noorwo okumujiga. Rwa kutyo ꞉chaabhabhwiriiye na okubhagaanya ku‑bhwambiro ati, Raatabhugenyi Yeesu niwe kaasubhya orusiima ku‑bhaanu bhoone bhanu abhakora ebhibhiibhi ebhyo.

1 Timoteo 5:20

Nawe abhakaruka bhanu abhagenderera okukora ebhibhiibhi, ubhagonye imbere ya abhaanu abhandi bhoone, korereki abho wone bhoobhaye.

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

1 Petero 1:17

Omwanya gunu omusabhwa, omubhirikira Nyamuwanga ati Raata. Omwene atari na isoroore ku‑muunu woonewoone. Ariramura abhaanu bhoone okuruubhana na ebhikorwa bhinu bhakorere. Kurwa ejo, mwikare nimuramya Nyamuwanga omwanya gunu gusigaaye emwe okwikara ku‑chaaro kunu.

1 Petero 2:2

Woori mwamarire okurabha na okumenya ati Raatabhugenyi Yeesu ni wa ekisi. Mbe mubhe rwa abhaana abharera kutyo abhakena amata, emwe wone mubhe na obhwiro bhwa amata ga ekisi ga echinyamwoyo, korereki ku‑managa gaago murumatane mu‑bhuchungusi bhwemwe.

Yuuda 1:23

Abhaanu abhandi mubhawonʼyega kwa okubhasaakura okusooka mu‑muriro gwa indamu. Abhaanu abhandi mubhafwire echigongo, nawe wone mwiyangarire, na okwikenga obhubhiibhi bhwebhwe bhwone.

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.