2 Bakorinto 6:8 - Indagano Inyaaya mu-Chijita

⁸ Eswe echikorera emirimu Nyamuwanga, kwa okuyaanwa echibharo amwi okugaywa, kwa okukuuywa amwi okwayikwa kubhiibhi na abhaanu. Echibhonekana wuti chiri bhabheeyi, nawe echaayika echimari.

INDAGANO INYA:YA

⁸ Kurwe cibaro no kugaywa, kurwo kwaikwa kubi:bi no kwaikwa kisi, rwa banu ababebeya, ke:nu ciri ba cimari,

2 Bakorinto 6:8 ပူးပေါင်းရင်းမြစ်များ

Matayo 10:25

Omwiyigisibhwa jiiyire abhe rwa omwiyigisya waaye, na omugaya wone kaakenwa abhe rwa omwami waaye. Anye niri mukuru weemwe, na abhambirikira ati, Bherijebhuuri. Araabha, abhambirikira anye kutyo, angu, bhataribhabhirikira emwe amasiina amabhiibhi muno?

Matayo 22:16

Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe.

Matayo 27:63

Nibhabhwira Piraato ati, “Mwami, echiichuka ati bhunu omubheeyi urya aariga achaari muwanga, ꞉aayikire ati, ‘Ku‑rusuku rwa kasatu, nirisuuruka okusooka mu‑bhafuuwe.’

Mariko 12:14

Bhejire bhaakinga nibhamubhwira ati, “Awe Omwiyigisya, chimenyere ati awe uri muunu wa echimari, na joone jinu owaayika ni ja echimari. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari. Angu, ebhiraagiro bhya Muusa ebhichiikirisisya okutobha rigooti ku‑Kayisaari, amwi wuri? Chitobhe amwi chisige okutobha?”

Yowana 7:12

Abhaanu bhaafu bhaayaajanaga inguru ya Yeesu. Abhandi nibhaayika ati, “Yeesu ni muunu wa kisi,” nawe abhandi nibhaayikaga ati, “Wuri, kaajiga abhaanu.”

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

Ebikorwa 16:39

Nibhaaja okubharembeereja. Nibhabhasoosya mw‑ibhoyero, nibhabheerembeeresya ati bhasooke mu‑musi ogwo.

Ebikorwa 22:12

“Damaasiko awo, aariga ari‑wo omuunu umwi, risiina ryaye aatogwaga Ananiiya. Omwene aariga ˆneekomeesya muno okugayuka ebhiraagiro bhyeswe. Ka wone, Abhayawudi abhaafu bheende eyo bhaamukuuyaga ati aariga ari muunu wa ekisi.

Ebikorwa 24:5

“Chaarora ati omuunu unu ni murangirangi kwa okubha kaakungirisya Abhayawudi bhasokane abheene kwa abheene mu‑bhyaro bhyone. Omwene wone ni mutangasya wa idiini ya orubheeyi ya Abhanajareeti.

Ebikorwa 28:22

Nawe eswe chaakeendere okuungwa jinu uri najo, kwa okubha chimenyere ati obhumwi bhwawo bhwa idiini obhwayikwa kubhiibhi bhuri rubhaara.”

Ebikorwa 4:21

Peetero na Yowana bhejire bhaamara okwayika kutyo, abhakuru abho nibhabhagonya kwa obhururu muno, nibhabhataatira bhagende. ꞉Bhataabhwene injira ya okubhabhuma, kwa okubha abhaanu bhoone bhaariga nibhakuuya Nyamuwanga muno inguru ya echiruguusyo echo.

Ebikorwa 5:13

Abhaanu bhanu bhaariga bhachaari okwikirisya Yeesu, nibhoobhaya okubha aamwi nabho. Noorwo kutyo, bhaariga nibhabhayaana echibharo muno.

Ebikorwa 6:3

Woori, abhayiri bhaasu, mwawure abhaanu bhataanu na bhabhiri bha echirume agati yeemwe, abha jitungwa ja kisi, bhanu bheejuuywe Mwoyo Mweru na obhwengeeso. Abho echija okubhayaana emirimu ejo,

Barumi 3:8

Ejo jiri rwa okwayika ati, “Chibhega nichikora ebhibhiibhi, korereki Nyamuwanga areete ja ekisi.” Abhaanu abhandi abhabheeyeresya ati, “Noorwo Pawuro keeyigisya kutyo!” Nawe anye enaayika ati, abhaanu abho bhoone bhariyaanwa ebhitiibha okuruubhana na ebhibhiibhi bhyebhwe.

2 Bakorinto 1:18

Nawe woori, rwa kutyo Nyamuwanga ari mwiyikanyibhwa, jinu ꞉chaabhabhwiriiye, jaariga jitari ja omuunu okwayika ati, “Cha,” neeya ˆnaayika ati, “Wuri.”

2 Bakorinto 11:21

Enirora jiswaro okwayika ati, eswe ꞉chitaabhakoreeye ejo, kwa okubha eswe chiri bhajorobhoke muno! Woori naayika rwa omumuumu ati, araabha ari‑wo omuunu unu ari na ribhaasi rya okwikuuya inguru ya gwonegwone, anye wone niri na ribhaasi rya okwikuuya inguru ya omusango ogwo.

2 Bakorinto 12:16

Omwikirisya ati naariga nitari mugugu kw‑imwe, nawe noorwo kutyo, abhandi agati yeemwe abhaayika ati, anye niri mwenge, naabhakongyaga kwa obhurigerige.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

1 Batesalonika 2:3

Emisango jinu echibhakomeeresya jitari ja orubheeyi, amwi obhwira obhubhiibhi noorwo chitakukena okubhajiga.

1 Timoteo 3:7

Tari, abhe omuunu unu kaayikwa kisi noorwo na bhanyateekirisya, korereki aasiga okwayikwa kubhiibhi na okukomwa mu‑rutuura rwa Syetaani.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

Baeburania 13:13

Kurwa ejo eswe wone chimujee‑ko ku‑mwira gwa omusi eyo na okwigumiirisya jiswaro rwa kutyo omwene wone ꞉aajigumiirisiisye.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.

3 Yoana 1:12

Abhaanu bhoone abhakuuya Demetiriiyo, abhaayika ati ni muunu wa ekisi. Kaaruubha echimari cha Nyamuwanga mu‑bhurame bhwaye. Noorwo eswe wone, echaayika ati ni muunu wa ekisi. Awe omwene, owumenya ati obhubhambaasi bhweswe ni bhwa echimari.

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.