2 Bakorinto 6:6 - Indagano Inyaaya mu-Chijita

⁶ Ka wone echiibhuurisya okubha abhakosi bha Nyamuwanga mu‑bhwiyikanyibhwa, mu‑bhumenyi, mu‑bhwigumiirisya na mu‑bhwa ekisi, mu‑kutangasibhwa na Mwoyo Mweru, mu‑ryenda rya echimari,

INDAGANO INYA:YA

⁶ Mu bweru, mu bwenge, mu kwigumirisya, mu cigongo, mu Mwoyo Mweru, mu kwenda kunu kutarimo burigerige,

2 Bakorinto 6:6 ပူးပေါင်းရင်းမြစ်များ

Barumi 12:9

Mwende abheejaanyu kwa omutima omweru. Musige chimwi okukora obhujabhi, tari mukorega ja ekisi omwanya gwone.

Barumi 15:19

꞉Bhaakongiibhwe okumugayuka, kwa okubha okutura kw‑anye ꞉bhaarorere amanaga ga Kirisito mu‑bhibharikisyo na ebhiruguusyo. ꞉Naabhikorere ku‑managa ga Mwoyo wa Nyamuwanga. Mbe, ꞉neeyindire bhuri rubhaara nindaasyaga Emisango ja Ekisi inguru ya Kirisito, okwambira mu‑musi gwa Yerusareemu okukingira mu‑mukoowa gwa Yiruriko.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

1 Bakorinto 13:4

Eryenda erikora omuunu eegumiirisye, abhe owa ekisi, atakubha na orwiso, atakwikuuya, ka wone atakubha na echigundu.

1 Bakorinto 2:16

Jiri rwa kutyo jikaamirwe mu‑Bhikaame Ebhyeru ati, “Niga unu kaatura okumenya obhwiganirisya bhwa Raatabhugenyi? Ka wone niga unu kaatura okumutongera?” Nawe, eswe abheekirisya echiiganirisya jinu ejisooka ku‑Kirisito.

1 Bakorinto 2:4

Omwanya gunu naariga niniiyigisya na okuraasya, ꞉nitaakorere kutyo mu‑bhwengeeso bhwani, korereki nikongye abhaanu ku‑songa ya obhwengeeso. Tari amanaga ga Mwoyo Mweru nigo gaariga nigeeresya echimari.

2 Bakorinto 1:23

Jinu enaayika ni ja chimari, noorwo Nyamuwanga kaamenya! ꞉Nitaasubhire kw‑imwe Koriito eyo, kwa okubha ꞉niteendere okusurumbasya emyoyo jeemwe.

2 Bakorinto 11:11

Nitakwayika kutyo kwa okubha nitakubheenda. Nyamuwanga kaamenya ati enibheenda.

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

2 Bakorinto 11:6

Noorwo kutyo ejibhonekana ati anye nitakumenya okwayika kisi, obhumenyi bhwani ni bhunene. Ogwo ꞉chaagweresiisye kw‑imwe ku‑mwanya gwone na ku‑njira joone.

2 Bakorinto 12:15

Anye enikondererwa okusoosya ebhiinu bhyani noorwo okwisoosya anye omwene, korereki nibhasakire. Nawe ejibhonekana ati, omwanya gunu anye enigenderera okubheenda muno, niwo emwe omugerura eryenda ryemwe kw‑anye.

2 Bakorinto 13:10

Enibhakaamira emisango jinu nichaari okubhaaja‑ko eyo, korereki omwanya gunu niribhaaja‑ko, naasiga okusongʼana emisango jinu jirireterera nibhe omururu kabhukabhu kw‑imwe noorwo okukingira okukorera emirimu obhuturo bhunu Raatabhugenyi ꞉aanaaye. Obhuturo obhwo, bhutari bhwa okubhanyamura, tari ni bhwa okubharumatanya mu‑riikirisya.

2 Bakorinto 2:10

Mukafwira echigongo omuunu oyo, anye wone enimufwira echigongo. Araabha guri‑wo omusango gunu enikenwa okumufwira echigongo, ndamufwiriiye echigongo imbere ya Kirisito inguru yeemwe,

2 Bakorinto 2:4

꞉Naabhakaamiiye inyarubha irya, mu‑bhusurumbaaye bhwafu, nindumwaga mu‑mwoyo gwani, keenu nindiraga amasiga mogomogo. Obhukarariiye bhwani, bhwariga bhutari ati musurumbare, tari naariga nineenda mumenye kutyo nibheendere muno.

2 Bakorinto 3:3

Omweresya abhwerubhweru ati emwe muri nyarubha ya Kirisito, inu eyeeresya amatwasyo ga emirimu jinu ꞉chaakorere kw‑imwe. Inyarubha eyo, ꞉itaakaamirwe kwa obhwino, tari ꞉yaakaamirwe na Mwoyo wa Nyamuwanga omuwanga. Ka wone ꞉itaakaamirwe ku‑bhibhaara bhya amabhuyi tari ku‑bhibhaara bhinu bhiri mu‑myoyo ja abhaanu.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

2 Bakorinto 7:2

Muchiyaane omwanya mu‑myoyo jeemwe, kwa okubha ꞉chitaakayiiye omuunu woonewoone, ꞉chitaayabhyisye woonewoone, ka wone ꞉chitaajigire woonewoone.

Bagalatia 3:2

Woori, siga nibhabhuusye ribhuusyo rimwi. Angu, ꞉mwaramiiye Mwoyo Mweru kwa okubha ꞉mwaruubhire ebhiraagiro bhya Muusa, amwi kwa okubha ꞉mwategeresiisye na okwikirisya Emisango ja Ekisi inguru ya Yeesu?

Bagalatia 3:5

Mumbwire, Nyamuwanga kaabhayaana Mwoyo Mweru na okukora ebhiruguusyo agati yeemwe kwa okubha ꞉mwaruubhire ebhiraagiro bhya Muusa, amwi kwa okubha ꞉mwategeresiisye na okwikirisya Emisango ja Ekisi inguru ya Yeesu?

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

Baefeso 3:4

Araabha mukasoma jinu nikaamire, omutura okusombookerwa kutyo enimenya obhutinge bhwa imbisike ya Kirisito.

Baefeso 4:2

Mwikarega mu‑bhwikeeya bhwone na mu‑bhworooro, mwigumiirisyanyega na okwendana bhuri muunu na oweejaabho.

Baefeso 4:32

Ka wone, mukoranire ja ekisi bhuri muunu na oweejaabho, mubhe bhafura na okufwirana echigongo ebhikayo bhyemwe, rwa kutyo Nyamuwanga mu‑Kirisito abhafwiriiye echigongo ebhibhiibhi bhyemwe.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Bakolosai 2:3

Mu‑mwene oyo nimwo bhibhisirwe ebhibhiikwa bhyone bhya obhwengeeso na okusombookerwa.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

1 Batesalonika 2:10

Emwe omumenya, Nyamuwanga wone kaamenya ati, bhunu ꞉cheekaaye kw‑imwe abheekirisya, itungwa yeeswe yaariga iri ya ekisi na eya obhurengeresi, ka wone chaariga chitari na esoro.

1 Timoteo 4:12

Omuunu woonewoone asige okukugaya, kwa okubha ati uchaari musigaji, tari wiikomeesye okubha echijekekanyo cha ekisi ku‑bheekirisya mu‑nyaayika, mu‑tungwa, mu‑ryenda, mu‑riikirisya na mu‑bhwima.

1 Timoteo 5:2

abhakwekuru ubhatongere rwa bhaanyokomwana na abhayarakaji ubhatongere rwa abhayara bhaanyu. Ukore kutyo kwa omutima omweru.

2 Timoteo 3:10

Mbe awe, uruubhire ameeyigisyo gaani, jitungwa jaani, obhukarariiye bhwani, eriikirisya ryani, obhwigumiirisya bhwani,

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

Tiito 2:7

Awe wone, ku‑misango ejo joone, ubhe echijekekanyo cha okwiyikanyibhwa cha ebhikorwa bhya ekisi. Mu‑meeyigisyo gaawo, weeresye echimari na echibharo.

Yakobo 3:17

Nawe obhwengeeso bhunu obhusooka ku‑Nyamuwanga, cha okwamba ni obhweru, ka wone ni murembe na ni bhworooro, ni bhwangu okutegeresya abhaanu abhandi, bhwijuuye echigongo na ebhikorwa bhya ekisi, bhutakusoroora abhaanu noorwo bhutari na obhwirimaanya.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.