2 Bakorinto 6:5 - Indagano Inyaaya mu-Chijita

⁵ mu‑kubhumwa, mu‑kubhoywa mw‑ibhoyero, na mu‑kuworoomerwa na ebhise bhya abhaanu. Echikora emirimu emisito, echitaamibhwa okuwongera na echisaraarira.

INDAGANO INYA:YA

⁵ Mu kubumwa, mu kuboywa, mu njogere, mu kwikome:sya, mu kutengeja, mu kusara:rira,

2 Bakorinto 6:5 ပူးပေါင်းရင်းမြစ်များ

Matayo 14:10

Mbe, Yeroode ˆnaaragirira omuunu agende mw‑ibhoyero, ateme‑ko Yowana omutwe.

Matayo 14:3

Yeroode ꞉aayikire kutyo, kwa okubha niwe ꞉aagwatire Yowana, ˆnaamubhoya amaseega, ˆnaamutuura mw‑ibhoyero. ꞉Aamubhoyere, ku‑songa ya emisango jinu Yowana ꞉aayikire inguru ya obhutwarwa bhwa Yeroode na Yerodiya. Yerodiya oyo, ku‑bhwambiro aariga ari mugasi wa Firipo, omumura waabho Yeroode.

Matayo 9:15

Yeesu ˆnaabhasubhya ati, “Angu, abhaanu bhanu bhakokerwe mu‑bhuregesi, abhatura kutiki okusurumbara omutwasi achaari aamwi nabho? Nawe jisiku ejiija, jinu omutwasi arisoosibhwa‑wo. Mbe ku‑mwanya ogwo, niwo bhariiyima okurya ebhiryo.

Ebikorwa 13:3

Mbe, bhejire bhaamara okusabhwa Nyamuwanga na okwiyima okurya ebhiryo, nibhatuura amabhoko geebhwe ku‑Bharinaabha na Saawuri okubhasabhirwa, nibhabhatuma bhagende.

Ebikorwa 14:19

Nawe nibhaaja Abhayawudi abhandi okusooka Atiyookiya mu‑mukoowa gwa Pisiidiya, na okusooka Yikoniya. Nibhakongya eriikofyanyo rya abhaanu, korereki bhabhe aamwi nabho. Bhoone nibhabhuma Pawuro na amabhuyi, nibhamukurura, nibhamusira anja ya omusi, nibheetogeraga ati aafuuwe.

Ebikorwa 14:23

Pawuro na Bharinaabha nibhasora abhakaruka mu‑bhuri rikanisa. Mu‑kwiyima okurya na okubhasabhirwa, nibhabhatuura mu‑mabhoko ga Raatabhugenyi Yeesu, unu ꞉bheekirisiisye.

Ebikorwa 17:5

Nawe ejo nijikora Abhayawudi bharebhe okubhona orwiso. Nibhagenda mw‑iguriro, nibhabhona abhaanu abharangirangi. Abhaanu abho, nibheekumanya awo, nibhaamba okukora injogere nyafu mu‑musi ogwo. Nibhagenda mu‑nju ya Yasooni, nibharondaga Pawuro na Siira, korereki bhabhareete ku‑chise echo.

Ebikorwa 20:31

Kurwa ejo, mwiyangarire! Mwichuke ati, naamarire emiguuga esatu nintongeraga bhuri umwi weemwe, nindiriraga‑ko amasiga mogomogo mu‑ngeta na mu‑mwisi.

Ebikorwa 23:10

Injogere niigenderera okukanya, okukingira omukuru wa abhasirikare urya ˆnaayaya, ˆneetogera ati bhakatabhuuye Pawuro bhibhaarabhaara. Kurwa ejo, ˆnaaragirira abhasirikare bhagende bhamusoosye agatigati ya abhaanu bharya kwa amanaga na okumwingisya mu‑runengo rwa obhutungi.

Ebikorwa 23:35

Niwo ˆnaabhwira Pawuro ati, “Enija okutegeresya echiina chaawo, omwanya gunu abhasoko bhaawo bhaakakinga anu.” Neeya ˆnaaragirira ati Pawuro aangarirwe mw‑iyumba rya echikama rya Yeroode.

Ebikorwa 24:27

Jejire jaatura emiguuga ebhiri, omuunu umwi unu aatogwaga Porokiiyo Feesito, ˆneengira ku‑chitebhe cha omusiibha Feeriki. Nawe kwa okubha Feeriki aariga ˆneenda okwikondya ku‑Bhayawudi, ˆnaasiga Pawuro ari mw‑ibhoyero.

Ebikorwa 26:10

Ejo nijo naakoraga Yerusareemu eyo. Naatuuraga abheeru bhaafu mu‑mabhoyero kwa obhuturo bhwa abhakuru bha abhagabhisi. Omwanya gunu bheetwaga, neekirisyaga ati bheetwe.

Ebikorwa 26:29

Pawuro ˆnaamusubhya ati, “Jikabha emisango emityari, amwi emyafu, enisabhwa Nyamuwanga inguru yaawo na inguru ya abhaanu bhoone bhanu abhantegeresya reero ati mubhe rwa kutyo niri, nawe musige okubhoywa na amaseega ganu.”

Ebikorwa 28:30

Pawuro ˆnaamara emiguuga ebhiri eekaaye mu‑nju eyo omwene era. Bhoone bhanu bhaariga nibhamujaa‑ko aabhakumaga.

Ebikorwa 5:18

Kurwa ejo, nibhagwata jitumwa ejo, nibhabhatuura mw‑ibhoyero.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 4:11

Noorwo woori kutya, chiri na omweko na obhwiro bhwa amanji, echiyenga tuyu, echibhumwa ebhifuufi, ka wone chitari na obhwikaro.

1 Bakorinto 7:5

Mwasiga okwimana, tari araabha mweekirisyanya okukora kutyo katungu kafuyi era, korereki mubhone omwanya gwa ekisi gwa okusabhwa Nyamuwanga. Mukamara ogwo, musubhirane rindi, korereki Syetaani aasiga okubharegeeja mukore obhuromesi kwa okubha mutakutura okwiyingirira.

2 Bakorinto 11:27

Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.

Bafilipi 1:13

Abhariisi bhoone bha mw‑iyumba rya obhutungi anu, aamwi na abhandi bhoone, bhamenyere ati nibhoyerwe ku‑songa ya okukora emirimu ja Kirisito.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Baeburania 11:36

Abhandi ꞉bhaakoomooywe na okubhumwa na jijaridi. Abhandi ꞉bhaabhoyerwe na amaseega na okweswa mw‑ibhoyero.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

Baeburania 13:23

Eneenda mumenye ati omuyiri weeswe mu‑riikirisya Timoteewo eeguriiywe okusooka mw‑ibhoyero. Araabha akaaja anu bhwangu, niriija nage kw‑imwe eyo okubhagosorera.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.