2 Bakorinto 6:4 - Indagano Inyaaya mu-Chijita

⁴ Tari, echeeresya mu‑misango joone ati, eswe chiri bhakosi bha Nyamuwanga. Echiigumiirisya muno mu‑bhinyaasyo, mu‑nyaako na mu‑bhukomeeye,

INDAGANO INYA:YA

⁴ Nawe mu byone eci:ku:ya rwa bakosi ba Nyamuanga, mu kwigumirisya okwafu, na mu kunyasibwa, na mu bukene, na mu bataka.

2 Bakorinto 6:4 ပူးပေါင်းရင်းမြစ်များ

Ruuka 21:19

Obhurame bhwemwe bhurichungurwa, mu‑kwigumiirisya kwemwe.

Yowana 16:33

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Ebikorwa 2:22

Peetero ˆnaagenderera okwayika ati, “Emwe abhaanu bha Yisirayeeri, muntegeresye kisi! Nyamuwanga ꞉eeresiisye abhweru kw‑imwe ati Yeesu Omunajareeti ni wa echimari. ꞉Aakorere kutyo, ku‑njira ya ebhikorwa bhya obhuturo, ebhiruguusyo na ebhibharikisyo bhya mbaga nyafunyafu bhinu Nyamuwanga ꞉aamuyaaye amanaga okukora agati yeemwe. Ejo emwe abheene mujimenyere.

Ebikorwa 20:34

Emwe abheene mumenyere kisikisi ati naariga ninkora emirimu kwa amabhoko gaani, okubhona jipirya ja okugura ebhiinu bhyone bhinu anye aamwi na abheejaasu chaakenaga.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Barumi 14:18

Omuunu woonewoone unu kaakorera emirimu Kirisito ku‑njira eyo, kaakondisya Nyamuwanga, ka wone keekirisibhwa na abhaanu.

Barumi 16:10

Mukeesye Apere. Omwene aariga ari mwiyikanyibhwa mu‑maregeejo maafu inguru ya Kirisito. Ka wone mukeesye abhaanu bha mu‑nju ya Arisitaabhuro.

Barumi 3:5

Nawe, abhaanu abhandi abhatura okwayika ati, “Ebhibhiibhi bhyeswe, eswe Abhayawudi, nibhyo ebhyeresya ati Nyamuwanga ni murengeresi ku‑ndamu yaaye. Kurwa ejo, araabha kaachiyaana ebhitiibha, chaayike ati atari murengeresi chimwi?”

Barumi 5:8

Nawe Nyamuwanga ꞉aacheeresiisye ati kaacheenda muno, kwa okusoosya Kirisito afwe inguru yeeswe, omwanya gunu chaariga chichaari abhakosi bha ebhibhiibhi.

1 Bakorinto 3:5

Mbe woori, Apooro niga? Ka Pawuro niga? Eswe chiri bhakosi bhanu Nyamuwanga ꞉aachitumire okubhasakira korereki mumwikirisye. Bhuri umwi kaakora emirimu jinu ꞉aayaaywe na Raatabhugenyi.

1 Bakorinto 4:1

Abhaanu bhachibhare ati eswe chiri bhakosi bha Kirisito, chiyaaywe emirimu ja okuraasya obhutinge bhwa imbisike ya Nyamuwanga bhunu bhwariga bhubhisirwe.

1 Bakorinto 9:11

Eswe ꞉chaabharaasisiisye emisango inguru ya Kirisito, rwa omuunu unu kaabhibha jimbibho. Woori, ni musango ki omukomeeye kw‑imwe okuchiyaana ebhiinu bhya okurya na okunywa, korereki chibhone omuriiro, rwa omuunu unu kaagesa?

2 Bakorinto 11:23

Siga woori naayike rwa omusasi ati, araabha abheene ni bhakosi bha Kirisito, anye niri mukosi wa Kirisito okubhakira. Anye niikomeesiisye okukora emirimu muno, nibhoyerwe mw‑ibhoyero kwiya kaafu muno, nibhumirwe kwiya kaafu muno, ka wone naariga niri mu‑ngʼanga ya okufwa kwiya kaafu.

2 Bakorinto 11:27

Nikorere emirimu misito na okunyaaka, kwiya kaafu nitawongeeye, nisaraariiye na okuungwa obhwiro bhwa amanji, kwiya kaafu nibhurirwe ebhiryo, nuunguuwe imbewo keenu nitari na emyenda.

2 Bakorinto 11:9

Omwanya gunu naariga niri aamwi na emwe, naariga nitari mugugu ku‑muunu woonewoone agati yeemwe, mu‑kugerukirwa kwani. Abheekirisya bhanu ꞉bhaasookere mu‑mukoowa gwa Makedooniya, ꞉bhaanaaye bhinu naariga ninkena. Naariga niniikenga, naasiga okubha omugugu kw‑imwe noorwo na akatyari, ka wone enigenderera okukora kutyo.

2 Bakorinto 12:10

Enikondererwa obhujorobhoke bhwani, ka wone enikondererwa amafumo, jimbuma, jinyaako, na ebhinyaasyo, bhinu ebhimbona inguru ya Kirisito. Enikondererwa, kwa okubha omwanya gunu enibha niri mujorobhoke, niwo enibha niri na amanaga.

2 Bakorinto 12:12

Omwanya gunu naariga niri kw‑imwe, ꞉neebhurisiisye okubha itumwa, kwa okubha ꞉naakorere ebhibharikisyo, ebhiruguusyo na ebhikorwa bhya amanaga kwa obhwigumiirisya bhwone.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Bakorinto 4:8

Echibhona ebhinyaasyo bhya bhuri mbaga, nawe chitakusimagisibhwa. Echibhona echiitimaato, nawe chitakufwa omutima.

2 Bakorinto 7:11

Ringira kutyo obhusurumbaaye obhwo Nyamuwanga ꞉aakarariiye, obhubhareterera omuriiro omunene! Bhwareterera obhwira bhunene bhwa okukora jinu jiiyire, bhwabhareterera okwibhagira ku‑jinu omukora. Ka wone bhwabhakora mubhiyirirwe ebhibhiibhi, bhwabhakora muramye Nyamuwanga, okwigomba okundora, na okwikomeesya okurora ati unu ꞉aakayire, aaramira ebhitiibha bhyaye. Ku‑njira ejo joone, mweresya ati mutari na echikayo ku‑misango ejo.

Bakolosai 1:11

Echisabhwa Nyamuwanga abhasakirega ku‑managa gaaye amaafu, korereki mubhe na obhuturo bhwa okwigumiirisya mu‑joone aamwi na okukondererwa.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

1 Batesalonika 3:7

Mbe, abhayiri bheeswe, emisango inguru ya eriikirisya ryemwe, jaasimbiisya emyoyo jeeswe, mu‑nyaako na mu‑bhinyaasyo bhyeswe bhyone.

1 Batesalonika 5:14

Emwe, abhayiri bheeswe, echibheerembeeresya mugonye abharenga na musimbiisye bhoone bhanu bhafuuwe emitima. Ka wone musakire bhanu bhatari na amanaga na mubhe na obhwigumiirisya ku‑bhaanu bhoone.

1 Timoteo 2:15

Nawe omugasi arichungurwa ku‑njira ya orwibhuro rwaye, akagenderera okwikomeesya mu‑riikirisya, mu‑ryenda, mu‑bhweru na okwiyingirira.

1 Timoteo 4:6

Ukeeyigisya abheejaasu bhoone emisango ejo, niwo uribha omukosi wa ekisi wa Kirisito Yeesu. Ka wone, uribhaga urererwe kisi mu‑chimari cha eriikirisya na ameeyigisyo ga ekisi ganu awe uruubhire.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Timoteo 2:24

Ka wone, omukosi wa Raatabhugenyi ateeyire abhe omuunu wa inyombo. Nawe abhe omwigumiirisya, omworooro ku‑bhaanu bhoone na unu kaamenya okwiyigisya kisi.

2 Timoteo 4:5

Nawe awe, ikenga ejo joone, igumiirisya mu‑bhinyaasyo, ukore emirimu ja okuraasya Emisango ja Ekisi, ukore ekisi mu‑bhukosi bhwawo bhwone.

Baeburania 12:1

Mbe, kwa okubha chiri na echise echinene echo cha abhabhambaasi bhanu bhachisingiiye, chisoosye‑wo joone jinu ejichiyingirira na okusiga ebhibhiibhi bhinu bhichumiriiye‑ko. Ka wone chiikomeesye okukora jinu Nyamuwanga ateeye imbere yeeswe, rwa omuunu unu kaabhirima muno mu‑bhwigumiirisya.

Obhusweruro 1:9

Anye Yowana niri omuyiri waanyu mu‑riikirisya. Echisangira aamwi mu‑bhwigumiirisya ebhinyaasyo inguru ya Yeesu na obhukama bhwaye. Naariga nisirirwe kw‑isinga rinu eritogwa ati Paatimo. ꞉Naasirirwe kw‑isinga eryo rwa omubhoywa ku‑songa ya okuraasya omusango gwa Nyamuwanga na okusoosya obhubhambaasi inguru ya Yeesu.

Obhusweruro 3:10

Woori kwa okubha ꞉mwegumiirisiisye rwa kutyo ꞉naabharagiriiye, niribharinda omwanya gwa inyaako inu irireetwa ku‑chaaro choone okuregeeja abhaanu bhoone.