2 Bakorinto 6:14 - Indagano Inyaaya mu-Chijita

¹⁴ Mwasiga okusangira aamwi na abhaanu bhanu bhatari bheekirisya. Angu, obhurengeresi na obhujabhi, chimari ebhitura okuungwana? Obhweru na echisuute, ebhitura okusaasikana aamwi?

INDAGANO INYA:YA

¹⁴ Mutaboywaga ku ngurwema imwi aamwi na banu bateikirisisye, ?okuba oburengeresi no bwikoti ebisangira kutiki? ?Amwi obweru ne cisuite ebyungwana atiki?

2 Bakorinto 6:14 ပူးပေါင်းရင်းမြစ်များ

Yowana 7:7

Abhaanu bha ku‑chaaro kunu, bhatari na injuno ya okukora bhabhasoke. Nawe abhansoka anye, kwa okubha enibhabhwira ati, ebhikorwa bhyebhwe ni bhibhiibhi.

Ebikorwa 4:23

Peetero na Yowana bhejire bheegurirwa, nibhasubha ku‑bheekirisya abheejaabho. Nibhasimura emisango joone jinu bhaabhwirwa na abhakuru bha abhagabhisi na abhakuru bha Abhayawudi.

1 Bakorinto 10:21

Mutakutura okunywera omutawo gwa Raatabhugenyi na ogwa amasambwa. Mutakutura okusangira ebhiryo bhya Raatabhugenyi na ebhya amasambwa.

1 Bakorinto 15:33

Mwasiga okujigwa na abhaanu bhanu abhaayika kutyo, okubha, “Abhasaani abha jitungwa jimbiibhi, abhanyamura jitungwa ja ekisi.”

1 Bakorinto 5:9

Ku‑nyarubha inu ꞉naabhakaamiiye, ꞉naabhabhwiriiye ati, mwasiga okusangira aamwi na abharomesi.

1 Bakorinto 6:6

Nawe emwe, muri na itungwa ya omuunu okusitaaka omwikirisya oweejaanyu mw‑iramuriro, ka wone ku‑bhaanu bhanu bhatari bheekirisya!

1 Bakorinto 7:39

Omugasi unu atwawe, kaabhoywa na obhutwarwa omwanya gwone gunu omurume waaye ni muwanga. Nawe omurume waaye akeefurwa ˆnaafwa, awo kaabha mwitaage okutwarwa na omurume woonewoone unu keenda, nawe omurume oyo abhe ari muruubhirisya wa Raatabhugenyi.

Bafilipi 2:15

Mukore kutyo, korereki mubhe abhaana bha Nyamuwanga bhanyamburwa esoro, bhanu bhatari na echikayo. Nyabhuriko, mubhe abhaana bhanu bhatakwayikwa kubhiibhi agatigati ya abhaanu bha riyimbo rinu riijuuye ebhibhiibhi na obhunyamuke. Agatigati yeebhwe, emwe mubhonekane rwa obhweru bhunu obhumirika mu‑chaaro.

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.