2 Bakorinto 6:1 - Indagano Inyaaya mu-Chijita

¹ Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

INDAGANO INYA:YA

¹ Mbe, eswe banu ecikorera aamwi nage, enibaremberesya ati, musige kuramira ecigongo ca Nyamuanga kutyo era.

2 Bakorinto 6:1 ပူးပေါင်းရင်းမြစ်များ

Matayo 23:37

Niwo Yeesu ˆnaayika ati, “Emwe abhaanu bha Yerusareemu! Abhaanu bha Yerusareemu! Omwita abharagi na okubhuma amabhuyi abhaanu bhanu Nyamuwanga ꞉aatumire kw‑imwe. Ni kwiya karinga neendere okubhakumanya rwa kutyo ingʼoko eyikumanya ebhyanakoko bhyayo mu‑mabhabha gaayo, keemwe nimurema!

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Ebikorwa 14:3

Pawuro na Bharinaabha nibhagenderera okurama siku nyafu Yikoniya awo, nibhabhwira abhaanu kwa ribhaasi inguru ya Raatabhugenyi Yeesu. Raatabhugenyi Yeesu omwene wone, ꞉eeresiisye ati, omusango gwaye gwa obhwitiriranya ni gwa echimari, kwa okubhayaana obhuturo bhwa okukora ebhibharikisyo na ebhiruguusyo bhyafu.

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

2 Bakorinto 10:1

Mbe, anye Pawuro omwene, enibheerembeeresya mu‑bhwikeeya na mu‑bhworooro bhwa Kirisito. Nawe abhaanu abhandi abhaayika ati, anye enibhaga mworooro omwanya gunu owubha niri aamwi na emwe na enibhaga omururu omwanya gunu owubha niri kura na emwe.

Bagalatia 2:21

Nitakutura okurema obhwitiriranya bhwa Nyamuwanga. Araabha omuunu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, mbe bhwariga bhutari‑wo obhukene bhwa Kirisito okufwa!

Bagalatia 3:4

Angu, jinyaako joone jinu ꞉jaabhabhwene, omwitogera ati jaariga jiri ja okufwirwa‑mo? Jaariga jitari ja okufwirwa‑mo!

1 Batesalonika 3:5

Mbe, anye omwene nejire naataamibhwa okugenderera okwigumiirisya, ꞉naatumire Timoteewo kw‑imwe, korereki nimenye kutyo mwariga nimugenderera okwikirisya Yeesu. ꞉Naakorere kutyo kwa okubha naariga niniiganirisya ati, amwi Syetaani omuregeeji urya, ꞉aabharegeejere na okubhayabhya. Jikabha jiri kutyo, emirimu joone jinu ꞉chaakorere jitaribha na omuriiro.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.

1 Petero 4:10

Bhuri umwi weeswe ayaaywe echiyaanwa okusooka ku‑Nyamuwanga, korereki asakire abheejaabho. Kaakenwa okuchikorera emirimu kisi, rwa omwangarisi wa ekisi wa obhwitiriranya bhwa bhuri mbaga bhwa Nyamuwanga.