2 Bakorinto 5:8 - Indagano Inyaaya mu-Chijita

⁸ Chimari chiri na obhwiyikanyo, ka wone chikeendere noorwo okufuruka okusooka mu‑bhwikaro bhunu, chifurukire ku‑Raatabhugenyi.

INDAGANO INYA:YA

⁸ Nawe ecikome:ra, na cinu ecenda muno ni kuso:ka mu mubiri ci:kare na Ratabugenyi.

2 Bakorinto 5:8 ပူးပေါင်းရင်းမြစ်များ

Matayo 25:21

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Matayo 25:23

“Mwami waaye ˆnaamubhwira ati, ‘Ukorere kisi muno. Awe uri mugaya wa ekisi na omwiyikanyibhwa! Wamaabha omwiyikanyibhwa ku‑bhitooto bhinu ꞉naakuyaaye, kurwa ejo enija okukukora okubha omwangarisi wa obhuniibhi bhwafu. Nuuwuuje chikonderwe aamwi.’

Ruuka 2:29

“Woori Raatabhugenyi, rwa kutyo ꞉waambwiriiye, nikwo kutyo jaakuumira. Woori ukaansigire anye omukosi waawo, nimaame kwa omurembe,

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Yowana 14:3

Omwanya gunu nirimara okubheerabhira obhwikaro, niriija rindi okubhagega korereki anu niribha, emwe wone niwo muribha aamwi na anye.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Ebikorwa 21:13

Nawe omwene ˆnaachisubhya ati, “Ni kurwa ki omurira, omwenda okunyita omwoyo. Niikirisiisye, kutari okubhoywa era Yerusareemu awo, tari noorwo okufwa inguru ya risiina rya Raatabhugenyi Yeesu.”

2 Bakorinto 5:6

Kurwa ejo, omwanya gwone chiri na obhwiyikanyo, noorwo kutyo chimenyere ati, omwanya gunu chiikaaye mu‑mibhiri jinu, echibha chiri kura na Raatabhugenyi.

2 Bakorinto 5:9

Kurwa ejo, chiikare mu‑mibhiri jinu, amwi chiikare ku‑Raatabhugenyi, obhukarariiye bhweswe ni kumukondisya.

1 Yoana 3:2

Abheendwa bhaani mu‑riikirisya, echimenya ati ku‑mwanya gunu chiri bhaana bha Nyamuwanga, noorwo kutyo jichaari okumenyekana abhwerubhweru kutyo chirisusa. Tari chimenyere ati, omwanya gunu Kirisito arisubha rindi, chirisusana nage, kwa okubha chirimurora kutyo ari.

Obhusweruro 22:3

Omusi ogwo, gutaribha‑mo echiinu choonechoone chinu chiiyiimirwe na Nyamuwanga. Echitebhe chirya cha ingʼoma cha Nyamuwanga na Omwana wa Inaama chiribha mu‑musi omwo. Abhakosi bhaaye wone, bhariramya Nyamuwanga.