2 Bakorinto 5:17 - Indagano Inyaaya mu-Chijita

¹⁷ Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

INDAGANO INYA:YA

¹⁷ Mbe omu:nu wo:ne akaba ari mu Kristo, ni cimogwa ciya:ya. Ebya kara byone byaoeo, rora byabee biya:ya.

2 Bakorinto 5:17 ပူးပေါင်းရင်းမြစ်များ

Matayo 12:33

“Riiti rya ekisi, eritwasya amatwasyo ga ekisi, na riiti ribhiibhi eritwasya amatwasyo amabhiibhi. Owutura okumenya ati, riiti ni rya mbaga ki ku‑matwasyo ganu eritwasya.

Matayo 24:35

Orutumba na echaaro bhiritura, nawe emisango jaani jitaritura wuri.

Ruuka 5:38

Nawe echifuufu echiyaaya, cheenderwe chituurwe mu‑sagwa ja jinjayi jinyaaya!

Yowana 14:20

Ku‑rusuku orwo murimenya ati, anye niri na obhumwi na Raata waani, na emwe muri na obhumwi na anye, na anye niri na obhumwi na emwe.

Yowana 15:2

Bhuri tabhi rinu ritakutwasya amatwasyo keenu riri kw‑anye, Raata kaaritema okusooka kw‑anye. Nawe bhuri tabhi rinu eritwasya amatwasyo, Raata kaarikongorera korereki ritwasye amatwasyo maafu muno.

Yowana 15:5

“Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Yowana 3:5

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe mu‑manji na kwa Mwoyo Mweru.

Barumi 16:10

Mukeesye Apere. Omwene aariga ari mwiyikanyibhwa mu‑maregeejo maafu inguru ya Kirisito. Ka wone mukeesye abhaanu bha mu‑nju ya Arisitaabhuro.

Barumi 16:11

Mukeesye Erodiwooni, Omuyawudi weejaasu. Mukeesye abhaanu bha mu‑nju ya Naakiso bhanu abheekirisya Raatabhugenyi Yeesu Kirisito.

Barumi 16:3

Mukeesye Pirisika aamwi na omurume waaye Akiira. Abho ni bhakosi bheejaasu mu‑mirimu ja Kirisito Yeesu,

Barumi 16:7

Mukeesye Adurooniko na Yuuniya. Abho ni Bhayawudi bheejaasu bhanu ꞉chaabhoyerwe aamwi mw‑ibhoyero. ꞉Bhaantangatiiye okwikirisya Kirisito, ka wone abhayaanwa echibharo muno agati ya jitumwa.

Barumi 16:9

Mukeesye Wuribhano, omukosi weejaasu ku‑mirimu ja Kirisito, noorwo omwendwa waani Sitaaku.

Barumi 7:6

Chaariga chibhoyerwe na ebhiraagiro, nawe woori chifuuwe aamwi na Kirisito, kutyo, ebhiraagiro ebhyo bhitakuchibhoya rindi. Woori chitakukorera Nyamuwanga ku‑njira ya kara ya okuruubha ebhiraagiro bhinu ꞉bhyakaamirwe, tari ku‑njira inyaaya ya okutangasibhwa na Mwoyo Mweru.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

1 Bakorinto 13:11

Omwanya gunu naariga nichaari mwana, naariga ninaayika rwa omwana, neeganirisyaga rwa omwana, na okwitogera ja echaana. Nawe woori, bhya echaana nibhisigire, kwa okubha naakurire.

2 Bakorinto 12:2

Enisombookerwa omwikirisya umwi, unu emiguuga ekumi na ena jinu ꞉jaaturire, ꞉aagegerwe ˆnaasirwa mu‑rwire rwa inguru muno. Nitakumenya ati ꞉aagegerwe ari mu‑mubhiri gunu, amwi ati aariga atari mu‑mubhiri gunu. Nyamuwanga wenyere niwe amenyere.

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

2 Bakorinto 5:19

Nikwo okwayika ati, okutura ku‑Kirisito, Nyamuwanga aariga ˆnaagwatanya abhaanu ku‑mwene okubhabharira ebhibhiibhi bhyebhwe wuri. Eswe wone chiyaaywe emirimu ja okuraasisya abhaanu emisango ja obhugwatanyi obhwo.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.

Bafilipi 4:21

Mukeesye abheekirisya bhoone bha Kirisito Yeesu Firiipi awo. Abheekirisya bhanu abhakora emirimu aamwi na anye enu, wone abhabhakeesya.