2 Bakorinto 5:15 - Indagano Inyaaya mu-Chijita

¹⁵ Omuunu oyo ꞉aafuuwe inguru ya abhaanu bhoone, korereki bhanu bharamire, bhasige okurama inguru yeebhwe abheene, tari bharame inguru ya unu ꞉aafuuwe na okusuuruka inguru yeebhwe.

INDAGANO INYA:YA

¹⁵ Mbe afwiriye bo:ne korereki abaanga basigega kuba baanga rindi kubwebwe abe:ne:ra, tari kubwa Unu afu:ye nasu:ka kubwebwe.

2 Bakorinto 5:15 ပူးပေါင်းရင်းမြစ်များ

Ruuka 1:74

arichiwonʼya okusooka mu‑mabhoko ga abhasoko bheeswe. Niwo chimukorere emirimu, chitari na echibhabhuko wuri.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Yowana 6:57

Raata omuwanga ꞉aantumire, anye wone enibhona obhuwanga okusooka ku‑mwene. Nyabhuriko, omuunu woonewoone unu kaandya, kaabhona obhuwanga okusooka kw‑anye.

Barumi 12:1

Woori abhayiri bhaani, mumenyere kutyo Nyamuwanga kaachifwira echigongo. Kurwa ejo mbe, enibheerembeeresya ati, mwisoosye obhurame bhwemwe ku‑Nyamuwanga. Mubhe rwa ebhyogo bhinu bhiri ebhiwanga na ebhyeru, bhinu ebhimukondisya. Eyo niyo injira ya echimari ya okumuramya.

Barumi 4:25

Nyamuwanga ꞉aasoosiisye Yeesu, korereki afwe inguru ya ebhibhiibhi bhyeswe, ˆnaamusuurura okusooka mu‑bhafuuwe, korereki eswe chibharwe okubha abharengeresi imbere yaaye.

Barumi 6:2

Wuri, noorwo na akatyari! Eswe chaabha rwa abhafuuwe ku‑misango ja okukora ebhibhiibhi. Kurwa ejo, chitakutura okugenderera okwikara rindi mu‑bhibhiibhi.

Barumi 6:6

Echimenya ati bhumuunu bhweswe bhwa kara ꞉bhwafuuwe aamwi na Kirisito ku‑musarabha, korereki amanaga ga echibhiibhi mu‑myoyo jeeswe gaasiga okuchitunga rindi, na okuchikora chibhe abhagaya bha echibhiibhi.

Barumi 8:10

Woori, Kirisito eekaaye mu‑myoyo jeemwe. Kurwa ejo, noorwo araabha emibhiri jeemwe ejifwa okuruubhana na ebhibhiibhi, Mwoyo Mweru kaabhayaana obhuwanga, kwa okubha Nyamuwanga kaabhabhara ati muri bharengeresi imbere yaaye.

Barumi 8:2

Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

Barumi 8:6

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abhafwa orufu rwa akajaanende koone. Nawe abhaanu bhanu obhwiganirisya bhwebhwe obhutangasibhwa na Mwoyo Mweru, abhabhona obhuwanga na omurembe.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

2 Bakorinto 12:10

Enikondererwa obhujorobhoke bhwani, ka wone enikondererwa amafumo, jimbuma, jinyaako, na ebhinyaasyo, bhinu ebhimbona inguru ya Kirisito. Enikondererwa, kwa okubha omwanya gunu enibha niri mujorobhoke, niwo enibha niri na amanaga.

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

Bagalatia 5:25

Mwoyo Mweru achiyaaye obhuwanga obhuyaaya, mbe chiruubhe obhutangasya bhwaye.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Baefeso 5:14

Nikwo okukora ejaayikwa ati, “Rafya awe, unu uwongeeye. Usuuruke okusooka mu‑bhafuuwe, Kirisito arikungʼarabhisya obhweru.”

Bakolosai 2:12

Omwanya gunu ꞉mwabhatiijiibhwe, ꞉mwafuuwe, nimusiikwa aamwi na Kirisito. Nimwiya nimusuuruka aamwi nage, kwa okubha ꞉mweekirisiisye amanaga ga Nyamuwanga unu ꞉aamusuuruuye okusooka mu‑bhafuuwe.

Bakolosai 3:1

Woori, kwa okubha musuurukire aamwi na Kirisito, muyenjeresye emisango ja mu‑rwire, anu Kirisito eenyanjire orubhaara rwa ebhuryo rwa Nyamuwanga.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

Bakolosai 3:23

Echiinu choonechoone chinu omukora, muchikorega kwa rikonderwa, wuti omukorera Raatabhugenyi Yeesu, bhatari bhaanu era.

1 Batesalonika 5:10

Oyo niwe ꞉aachifwiriiye, korereki chibhe aamwi nage, omwanya gunu chiri abhaanga amwi omwanya gunu chifuuwe.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

1 Petero 4:6

Okubha inu niyo isonga abhaanu bhanu bharafuuwe, ꞉bhaaraasisiibhwe Emisango ja Ekisi, korereki noorwo kutyo ꞉bhaaramuuywe echinyamubhiri rwa abhandi, bhabhe abhaanga ku‑bhuturo bhwa Mwoyo Mweru, rwa kutyo Nyamuwanga ari.

1 Yoana 4:9

Nyamuwanga omwene ꞉eeresiisye eryenda ryaye kw‑iswe, kwa okutuma Omwana waaye umwi wenyere era mu‑chaaro, korereki Omwana oyo achiyaane obhuwanga bhwa akajaanende koone.

Obhusweruro 1:18

Naanye unu niri omuwanga! Naariga nifuuwe, nawe woori, rora, niri omuwanga rindi akajaanende koone! Ka wone, anye niri na jinyiguriro ja orufu na ja nyombe.