2 Bakorinto 5:14 - Indagano Inyaaya mu-Chijita

¹⁴ Eryenda rya Kirisito erichisinyiirisya, okubha chimenyere ati omuunu umwi ꞉aafuuwe inguru ya abhaanu bhoone, obhugajuro bhwagwo ni ati, abhaanu bhoone ꞉bhaafuuwe.

INDAGANO INYA:YA

¹⁴ Kwo kuba okwenda kwa Kristo okucisinyirisya, okuba cimenyere ati, oumwi afwiriye bo:ne, nikwo kutyo bo:ne bafuiye.

2 Bakorinto 5:14 ပူးပေါင်းရင်းမြစ်များ

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Ruuka 15:24

kwa okubha omwana waani unu, aariga afuuwe, woori anu aasuuruka. Aariga abhurire, woori anu aabhonekana rindi!’ Mbe, bhoone nibhaamba okusandabha.

Ruuka 15:32

Nawe omutooto waawo unu, jeenderwe chimukorere obhugenyi, chikonderwe na okusandabha aamwi. Okubha aariga ari wuti afuuwe, woori anu aasuuruka. Aariga abhurire, woori anu, aabhonekana rindi!’”

Ruuka 24:29

Nawe, nibhamwirembeeresya muno, nibhamubhwira ati, “Nuubhe aamwi na eswe anu! Okubha woori anu risuubha ryaguuwe, ingeta yeengiiye.” Niwo, Yeesu ˆneengira eweebhwe okwinyanja nabho.

Yowana 1:29

Mwejo yende‑ko, Yowana ˆnaarora Yeesu ˆnaamuuja‑ko. ˆNaabhwira abhaanu bhanu bhaariga bhari awo ati, “Ringira, oyo niwe Omwana wa Inaama wa Nyamuwanga, unu kaasoosya‑wo ebhibhiibhi bhya abhaanu bhoone bha echaaro chinu!

Yowana 11:25

Yeesu ˆnaamusubhya ati, “Anye naanye obhusuuruko, ka wone naanye obhuwanga. Omuunu unu kaanyikirisya anye, noorwo araabha aakafwa, aribha omuwanga.

Yowana 5:25

Ni chimari enibhabhwira ati, omwanya oguuja, ka wone gwakingire, gunu abhafuuwe bharyungwa obhuraka bhwa Omwana wa Nyamuwanga. Niwo abhaanu bhanu bharibhaga nibhamutegeresya, bharibhaga na obhuwanga bhwa akajaanende koone.

Ebikorwa 18:5

Siira na Timoteewo bhejire bhaakinga awo okusooka Makedooniya, Pawuro aariga ˆnaasoosya omwanya gwaye gwone okwiyigisya omusango gwa Nyamuwanga ku‑Bhayawudi, ˆnaabhabhwiraga ati Yeesu niwe Kirisito.

Barumi 2:2

Eswe chimenyere ati Nyamuwanga kaaramura kwa obhurengeresi abhaanu bhanu abhakora emisango rwa ejo.

Barumi 5:15

Nawe echibhiibhi cha Adaamu chitakwingana na echiyaanwa cha obhwitiriranya bhwa Nyamuwanga. Adaamu ni muunu umwi unu ꞉aakorere abhaanu bhoone bhafwe okuruubhana na echibhiibhi chaaye. Nawe ari‑wo umwi owundi, Yeesu Kirisito, unu kaayaana abhaanu bhaafu echiyaanwa cha obhwitiriranya bhwa Nyamuwanga. Obhwitiriranya bhwa Nyamuwanga obhwo bhutari na indengo, obhukira muno echibhiibhi cha Adaamu!

Barumi 6:13

Mwasiga okwikirisya ebhiwuga bhyonebhyone bhya emibhiri jeemwe bhikore emirimu inguru ya echibhiibhi rwa ebhikorero bhya obhujabhi, tari mwisoosye ku‑Nyamuwanga. Mwirore ati muri bhaanu bhanu bhasuuruuywe okusooka mu‑bhafuuwe, na okwingisibhwa mu‑bhuwanga obhuyaaya. Mwisoosye ku‑Nyamuwanga, na ebhiwuga bhyone bhya emibhiri jeemwe bhibhe nibhimukorera emirimu rwa ebhikorero bhya obhurengeresi.

Barumi 6:6

Echimenya ati bhumuunu bhweswe bhwa kara ꞉bhwafuuwe aamwi na Kirisito ku‑musarabha, korereki amanaga ga echibhiibhi mu‑myoyo jeeswe gaasiga okuchitunga rindi, na okuchikora chibhe abhagaya bha echibhiibhi.

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

1 Bakorinto 2:14

Nawe omuunu unu atari na Mwoyo wa Nyamuwanga, atakuramira jinu ejisooka ku‑Mwoyo wa Nyamuwanga, isonga iri ati ku‑muunu oyo ejo ni ja chimuumu. Ka wone atakutura okujisombookerwa, kwa okubha ejimenyekana era ku‑bhusakisi bhwa Mwoyo wa Nyamuwanga.

2 Bakorinto 3:7

Ebhiraagiro bhinu ꞉bhyakaamirwe ku‑bhibhaara bhya amabhuyi, ebhireeta orufu, nawe ꞉bhyejire na rikusyo rinu eringʼarabhya, okukingira Abhayisirayeeri nibhataamibhwa okuringira Muusa mu‑bhusu. ꞉Bhaataamiibhwe okumuringira, kwa okubha obhusu bhwaye ꞉bhwangʼarabhiisye, noorwo kutyo omwanya mufuyi okutura, orungʼarabhyo rurya nirusimirira. Araabha obhukosi bhwa ebhiraagiro bhinu ebhireeta orufu ꞉bhwejire kwa rikusyo rwa eryo,

2 Bakorinto 3:9

Ka wone, araabha obhukosi bhunu obhukora abhaanu okuramurwa bhuri na rikusyo, obhukosi bhunu obhukora abhaanu okubha abharengeresi imbere ya Nyamuwanga, bhuribha na rikusyo enene muno!

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

Baefeso 6:24

Obhwitiriranya bhubhe na abhaanu bhoone bhanu abheenda Raatabhugenyi weeswe Yeesu Kirisito mu‑ryenda rinu ritari na obhuteero.

Bakolosai 2:13

Muchaari okwikirisya Kirisito, mwariga mufuuwe inguru ya ebhibhiibhi bhyemwe, ka wone ꞉mutatenderwe bhumuunu bhwemwe bhwa ebhibhiibhi. Nawe Nyamuwanga ꞉aabhayaaye obhuwanga aamwi na Kirisito na ꞉aachifwiriiye echigongo ebhibhiibhi bhyeswe bhyone.

Bakolosai 3:3

kwa okubha mufuuwe na woori muramire aamwi na Kirisito imbere ya Nyamuwanga. Nawe obhurame bhwemwe bhunu muramire aamwi nage bhutakubhuurika ku‑bhaanu abhandi.

1 Timoteo 2:6

Omwene ꞉aasoosiisye obhurame bhwaye, korereki eerure abhaanu bhoone. Bhunu nibhwo obhubhambaasi bhunu Nyamuwanga ꞉aachiyaaye ku‑mwanya gunu ꞉aateeye‑wo.

1 Timoteo 5:6

Nawe omutumbagasi unu atakutura okwiyangarira, oyo ari rwa omufuuwe noorwo kutyo kaabhonekana okubha omuwanga.

Tiito 3:3

Okubha eswe wone, kara awo chaariga chiri bhataamutaamu, bhanyatagayuka na chijigirwe. Chaariga chitungirwe na okurigira na jitungwa jimbiibhi ja bhuri mbaga. Nyabhuriko chaariga chiikaaye mu‑bhujabhi na orwiso, nichibhiiyisya na chisokeene eswe abheene kwa abheene.

Baeburania 2:9

Nawe echirora Yeesu, unu Nyamuwanga ꞉aakorere okubha omutooto okukira bhamaraayika ku‑mwanya mufuyi era. Nyamuwanga ꞉aakorere kutyo, korereki okuruubhana na echigongo chaaye, Yeesu afwe inguru ya okuchungura abhaanu bhoone. Woori Nyamuwanga amuyaaye rikusyo na echibharo, ku‑songa ya okunyaaka na okufwa kwaye.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.

1 Petero 1:8

Emwe muchaariga okumurora, nawe mumwendere. Ka wone, noorwo kutyo mutakumurora woori, nawe omumwikirisya. Kurwa ejo, omukonderwa rikonderwa rinu ritakwayikwa na rinu riijuuye rikusyo,

1 Yoana 5:19

Eswe echimenya ati, chiri bhaana bha Nyamuwanga. Omubhiibhi urya atungire abhaanu abhandi bhoone bhanu bhatari na obhumwi na Nyamuwanga.