2 Bakorinto 5:13 - Indagano Inyaaya mu-Chijita

¹³ Araabha echibhonekana wuti chisarire, ni inguru ya Nyamuwanga, araabha obhwenge bhweswe bhukobhere, ni inguru yeemwe.

INDAGANO INYA:YA

¹³ Okuba cikaba cisarire, mbe cisarire ku Nyamuanga. Cikaba ciri no bwenge, ni kubwemwe.

2 Bakorinto 5:13 ပူးပေါင်းရင်းမြစ်များ

Mariko 3:21

Nyiramwene na abhamura bhaabho bhejire bhoongwa emisango ejo, nibhagenda okumugwata, bhaariga nibhaayika ati asarire.

Barumi 12:3

Woori, Kirisito anaaye obhwitiriranya nibhe itumwa yaaye. Kurwa ejo, enibhwira bhuri umwi weemwe ati, asige okwirora ati eeyire okukira kutyo ari, tari abhe na obhwengeeso. Mubhe nimwirora ati, bhuri muunu ayaaywe eriikirisya riryarirya na Nyamuwanga.

2 Bakorinto 11:1

Noorwo araabha enaayika rwa omumuumu, enisabhwa muntegeresye‑wo kutooto. Mbe woori, muntegeresye!

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 12:6

Noorwo araabha naakeendere okwikuuya, nitaakabheeye omutaamutaamu, kwa okubha naakabheeye ninaayika echimari. Nawe eniyingirira okwikuuya, korereki omuunu woonewoone aasiga okundora ati, niri wa ngʼoryo muno okukira jinu abharora na okuungwa okusooka kw‑anye.

2 Bakorinto 7:12

Mbe, noorwo kutyo ꞉naabhakaamiiye inyarubha irya, ꞉nitaakaamire inguru ya omuunu unu ꞉aakoreeye owundi kubhiibhi, amwi inguru ya unu ꞉aakoreeywe kubhiibhi. Tari ꞉neendere mwirore emwe abheene imbere ya Nyamuwanga, kutyo omwisoosya inguru yeeswe.

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.